جی ایچ کیو آرمی چیف کی رائل سعودی لینڈ فورسز کے کمانڈر اور بحرینی نیشنل گارڈ کے کمانڈر سے ملاقاتیں

جی ایچ کیو آرمی چیف کی رائل سعودی لینڈ فورسز کے کمانڈر اور بحرینی نیشنل گارڈ کے کمانڈرسے ملاقاتیں، آرمی چیف کا پاکستان۔سعودی عرب دفاعی تعاون پر اطمینان، بحرین کے ساتھ بھی ہر شعبے میں تعاون جاری رکھنے کا عزم

اسلام آباد(رئیس الاخبار) :— چیف آف دی آرمی اسٹاف فیلڈ مارشل سید عاصم منیر نے پاکستان اور سعودی عرب کے درمیان دیرینہ اور کثیرالجہتی دفاعی تعاون پر مکمل اطمینان کا اظہار کرتے ہوئے کہا ہے کہ تربیت، صلاحیت سازی اور انٹیلی جنس تعاون کو مزید وسعت دینا وقت کی اہم ضرورت ہے۔

رائل سعودی لینڈ فورسز کے کمانڈر لیفٹیننٹ جنرل فہد بن سعود الجوہانی نے جنرل ہیڈ کوارٹرز (جی ایچ کیو) میں آرمی چیف سے ملاقات کی۔ اس موقع پر خطے کی سلامتی، باہمی مفادات اور مستقبل میں دفاعی تعاون بڑھانے کے امکانات پر تفصیلی گفتگو ہوئی۔

جی ایچ کیو آرمی چیف نے ملاقات کے دوران دونوں ممالک کے درمیان تاریخی اور مضبوط دفاعی تعلقات، عسکری شراکت داری اور اسٹریٹجک اعتماد کو مزید آگے بڑھانے کی ضرورت پر زور دیا۔ لیفٹیننٹ جنرل فہد الجوہانی نے خطے میں امن و استحکام کے لیے پاکستان کے مثبت کردار اور پاک فوج کی پیشہ ورانہ مہارت کو سراہا۔

پاکستان اور سعودی عرب کے تعلقات کئی دہائیوں پر مشتمل ہیں، جو اسٹریٹجک دفاعی تعاون، معاشی شراکت داری اور مشترکہ اسلامی ورثے کی بنیاد پر قائم ہیں۔ حالیہ مہینوں میں دونوں ممالک نے دفاعی و اقتصادی میدان میں مزید تعاون کے معاہدے بھی کیے ہیں، جن میں ستمبر میں ہونے والا اسٹریٹجک باہمی دفاعی معاہدہ نمایاں ہے، جس کے تحت کسی ایک ملک پر حملہ دونوں کے خلاف جارحیت کے مترادف تصور ہوگا۔

بحرینی نیشنل گارڈ کے کمانڈر سے ملاقات

جی ایچ کیو آرمی چیف فیلڈ مارشل سید عاصم منیر نے بحرین کی نیشنل گارڈ کے کمانڈر جنرل شیخ محمد بن عیسیٰ بن سلمان آل خلیفہ سے بھی علیحدہ ملاقات کی۔ بات چیت میں باہمی دفاعی تعاون، پیشہ ورانہ روابط، علاقائی سیکیورٹی اور مستقبل کے تعاون کے نئے پہلوؤں پر غور کیا گیا۔

معزز بحرینی مہمان نے پاک فوج کی پیشہ ورانہ استعداد کو خراجِ تحسین پیش کیا اور خطے میں امن کے لیے اس کے کردار کو سراہا۔ آرمی چیف نے دونوں ممالک کے دیرینہ برادرانہ تعلقات کا ذکر کرتے ہوئے ہر شعبے میں بحرین کے ساتھ تعاون جاری رکھنے کے عزم کا اعادہ کیا۔

#ISPR
Rawalpindi, 03 December, 2025:

Lieutenant General Fahad Bin Saud Al-Johani, Commander Royal Saudi Land Forces, called on Field Marshal Syed Asim Munir, NI (M), HJ, Chief of Army Staff (#COAS), #Pakistan Army at General Headquarters (GHQ), Rawalpindi today.

During the… pic.twitter.com/cQKpSPLRxx
— Pakistan Armed Forces News 🇵🇰 (@PakistanFauj) December 3, 2025