افغانستان کسی بھی ملک کے لیے خطرہ نہیں ، غلط فہمیوں کے ازالے کے لیے مذاکرات جاری رکھیں گے : سراج الدین حقانی
افغان طالبان کے وزیر داخلہ سراج الدین حقانی نے پاکستان کے لیے مفاہمتی پیغام دیتے ہوئے کہا ہے کہ افغانستان کسی بھی ملک کے لیے خطرہ نہیں اور غلط فہمیوں کے حل کے لیے مذاکرات کے دروازے کھلے ہیں، تاہم پاکستان سرحد پار دہشت گردی پر شدید تحفظات رکھتا ہے۔
تاجکستان ڈرون حملے میں چینی شہریوں کی ہلاکت کی پاکستان کی مذمت
پاکستان نے تاجکستان میں چینی کمپنی کے 3 ملازمین کی ڈرون حملے میں ہلاکت کی شدید مذمت کی ہے۔ دفتر خارجہ کے مطابق مسلح ڈرون کا استعمال افغانستان سے درپیش بڑھتے ہوئے خطرے کو ظاہر کرتا ہے۔ پاکستان نے چین اور تاجکستان سے اظہار افسوس کرتے ہوئے کہا کہ افغان سرزمین کا دہشت گردی کے لیے استعمال خطے کے امن کے لیے بڑا خطرہ ہے۔
انٹیلی جنس بنیاد پرسیکیورٹی فورسز کا بنوں میں کامیاب آپریشن، 22 دہشت گرد ہلاک
خیبر پختونخوا کے ضلع بنوں میں سیکیورٹی فورسز نے انٹیلی جنس بنیاد پر کامیاب آپریشن (آئی بی او) کرتے ہوئے بھارتی اسپانسرڈ فتنۃ الخوارج کے 22 دہشت گرد ہلاک کر دیے۔ آئی ایس پی آر کے مطابق یہ کارروائی اس اطلاع پر کی گئی کہ بھارتی پراکسی خوارج علاقے میں موجود ہیں۔ شدید فائرنگ کے تبادلے کے بعد سیکیورٹی فورسز نے ٹھکانے کو مؤثر انداز میں نشانہ بنایا۔
زیارت دہشتگردی منصوبہ ناکام: لیویز فورس کی کارروائی میں 5 افغان دہشتگرد گرفتار
زیارت میں دہشتگردی کا منصوبہ ناکام، لیویز فورس نے 5 افغان دہشتگردوں کو گرفتار کرکے بڑی کارروائی روک دی۔
پاکستان کسی دہشت گرد گروہ سے مذاکرات نہیں کرے گا، ترجمان دفتر خارجہ
دفتر خارجہ کے ترجمان طاہر حسین اندرابی نے واضح کیا ہے کہ پاکستان کسی بھی دہشت گرد گروہ، خصوصاً ٹی ٹی پی اور بی ایل اے سے مذاکرات نہیں کرے گا۔ انہوں نے بتایا کہ افغان طالبان کے ساتھ بات چیت کا تیسرا دور استنبول میں کامیابی سے مکمل ہوا، تاہم طالبان انتظامیہ عملی اقدامات کے بجائے صرف وعدوں تک محدود رہی۔ ترجمان کے مطابق افغانستان سے پاکستان پر حملوں میں اضافے کے باوجود پاکستان نے تحمل کا مظاہرہ کیا، مگر دہشت گردوں کو پناہ گزین ظاہر کرنا ایک خطرناک چال ہے۔ پاکستان اپنی سلامتی کے لیے ہر ممکن اقدام کرے گا۔
شہباز شریف کا قومی اسمبلی سے خطاب: دہشت گردی کے خلاف جنگ میں کوئی رکاوٹ برداشت نہیں،طالبان ٹی ٹی پی کو لگام دیں
وزیراعظم شہباز شریف نے قومی اسمبلی سے خطاب میں کہا کہ پاکستان کی ترقی میں کسی رکاوٹ کو حائل نہیں ہونے دیں گے۔ انہوں نے افغان طالبان سے کالعدم ٹی ٹی پی کے خلاف کارروائی کا مطالبہ کرتے ہوئے کہا کہ چالیس سالہ مہمان نوازی کا صلہ دنیا دیکھ رہی ہے۔ شہباز شریف نے 27ویں آئینی ترمیم کی منظوری کو جمہوریت کی کامیابی قرار دیا۔
پاکستان اور افغانستان کے استنبول مذاکرات میں ڈیڈلاک برقرار، طالبان وعدوں پر عمل میں ناکام
وفاقی وزیراطلاعات عطااللہ تارڑ نے تصدیق کی ہے کہ پاکستان اور افغانستان کے درمیان ترکیہ کے شہر استنبول میں جاری مذاکرات ڈیڈلاک کا شکار ہیں۔ پاکستان نے ثالثی پر ترکیہ اور قطر کا شکریہ ادا کرتے ہوئے مؤقف دہرایا ہے کہ افغان سرزمین سے دہشت گردی روکنا طالبان حکومت کی ذمے داری ہے۔
طالبان حکومت تسلیم کرنے سے متعلق خبریں قیاس آرائی پر مبنی ہیں، ترجمان دفتر خارجہ
ترجمان دفتر خارجہ نے طالبان حکومت کو تسلیم کرنے کی خبروں کو بے بنیاد قرار دیتے ہوئے کہا ہے کہ افغانستان میں دہشتگردوں کی محفوظ پناہ گاہیں پاکستان کے لیے مسلسل تشویش کا باعث ہیں۔