دریائے چناب کے بہاؤ میں اتار چڑھاؤ پر شدید تشویش ہے، بھارت پانی کو ہتھیار بنا رہا ہے: اسحاق ڈار کا سفارتی برادری میڈیا بریفنگ سے خطاب
نائب وزیراعظم اور وزیرِ خارجہ اسحاق ڈار نے دریائے چناب کے بہاؤ میں اچانک اور غیرمعمولی اتار چڑھاؤ پر شدید تشویش کا اظہار کرتے ہوئے بھارت پر پانی کو بطور ہتھیار استعمال کرنے کا الزام عائد کیا ہے۔ اسلام آباد میں سفارتی برادری کو دی گئی ہنگامی بریفنگ میں اسحاق ڈار نے کہا کہ بھارت کی جانب سے بغیر پیشگی اطلاع پانی چھوڑنا سندھ طاس معاہدے کی صریح خلاف ورزی ہے، جس سے پاکستان کی زراعت، خوراک، معیشت اور 24 کروڑ عوام کے روزگار کو شدید خطرات لاحق ہو گئے ہیں۔
دریائے چناب کے بہاؤ میں اچانک تبدیلی پر پاکستان کا شدید ردعمل، بھارت کو باضابطہ خط ارسال: ترجمان دفتر خارجہ کی پریس کانگرنس
پاکستان نے دریائے چناب کے بہاؤ میں اچانک تبدیلی پر شدید تشویش کا اظہار کرتے ہوئے وضاحت کے لیے بھارت کو باضابطہ خط ارسال کر دیا ہے۔ دفترِ خارجہ کے مطابق بغیر پیشگی اطلاع پانی چھوڑنا سندھ طاس معاہدے کی خلاف ورزی ہے جو پاکستان کی زرعی، معاشی اور آبی سلامتی کے لیے خطرہ بن سکتا ہے۔ پریس بریفنگ میں بھارتی وزیراعلیٰ کی جانب سے مسلم خاتون کا حجاب زبردستی اتارنے کے واقعے پر بھی سخت ردعمل دیا گیا۔
350 فیصد ٹیرف کی دھمکی سے پاک بھارت جنگ رکی،ٹرمپ کا دعویٰ شہباز شریف کا فون کہا کہ لاکھوں جانیں بچائیں
سابق امریکی صدر ڈونلڈ ٹرمپ نے دعویٰ کیا ہے کہ مئی میں پاکستان اور بھارت کے درمیان ایٹمی جنگ کے خدشات ان کی جانب سے دونوں ممالک پر ’’350 فیصد ٹیرف‘‘ عائد کرنے کی دھمکی کے بعد ختم ہوئے۔ ٹرمپ کے مطابق وزیر اعظم شہباز شریف نے انہیں فون کر کے کہا کہ ’’آپ نے لاکھوں جانیں بچائیں‘‘۔ ٹرمپ نے کہا کہ بھارت اور پاکستان ایٹمی ہتھیاروں کے ساتھ جنگ کے دہانے پر تھے، تاہم ٹیرف کی دھمکی کے بعد دونوں ملک پیچھے ہٹ گئے۔ بھارت نے پہلے بھی ٹرمپ کے دعووں کی تردید کی ہے اور کہا ہے کہ کشیدگی کا خاتمہ علاقائی و سفارتی عوامل کی وجہ سے ہوا تھا۔