کسٹمز انفورسمنٹ کوئٹہ کی منشیات اسمگلنگ کے خلاف بڑی کارروائی، 11 ارب روپے مالیت کی ہیروئن اور آئس کرسٹل برآمد
کسٹمز انفورسمنٹ کوئٹہ نے انٹیلی جنس بنیادوں پر دو کامیاب آپریشنز میں 11 ارب روپے مالیت کی ہیروئن اور آئس کرسٹل برآمد کر لی۔ کارروائی انٹیلی جنس بیورو اور دیگر اداروں کے تعاون سے کی گئی۔
بحیرہ عرب میں پاکستان نیوی کی بڑی کارروائی: 13 کروڑ ڈالر مالیت کی 2 ہزار کلو آئس برآمد
پاکستان نیوی نے بحیرہ عرب میں بڑی کارروائی کرتے ہوئے تقریباً 13 کروڑ ڈالر مالیت کی 2 ہزار کلوگرام سے زائد میتھ ایمفیٹامین (آئس) برآمد کر لی۔ کارروائی پی این تبوک نے کمبائنڈ میری ٹائم فورس اور کمبائنڈ ٹاسک فورس 150 کی معاونت سے انجام دی۔ گزشتہ دو ماہ میں یہ نیوی کی تیسری بڑی کامیاب کارروائی ہے، جو غیر قانونی اسمگلنگ کے خلاف سخت عزم کا ثبوت ہے۔ نیوی نے کہا کہ وہ قومی بحری مفادات اور عالمی سمندری سلامتی کے تحفظ کے لیے پُرعزم ہے۔