وزیراعظم شہباز شریف کا روس کا دورہ منسوخ، ایران صورتحال پر ہنگامی اجلاس طلب
وزیراعظم شہباز شریف کا روس کا دورہ منسوخ کر دیا گیا ہے۔ ایران میں پیش آنے والی صورتحال کے بعد خطے کی سیکیورٹی پر ہنگامی اجلاس طلب کر لیا گیا جس میں عسکری اور انٹیلی جنس قیادت شریک ہوگی۔
افغانستان میں بمباری: کابل، پکتیا اور قندھار میں فضائی حملوں کی تصدیق
افغانستان میں بمباری کے واقعے کی تصدیق کے بعد خطے میں تشویش بڑھ گئی ہے۔ کابل، پکتیا اور قندھار میں رات گئے فضائی حملوں کی اطلاعات سامنے آئیں جبکہ طالبان حکومت کے ترجمان نے حملوں کی تصدیق کر دی۔
چیف آف ڈیفنس فورسز فیلڈ مارشل سید عاصم منیر کا لیبیا کا سرکاری دورہ، دفاعی تعاون بڑھانے پر اتفاق
چیف آف ڈیفنس فورسز فیلڈ مارشل سید عاصم منیر نے لیبیا کا سرکاری دورہ کیا جہاں لیبیائی عسکری قیادت سے ملاقاتوں میں علاقائی سلامتی، دفاعی تعاون، فوجی تربیت اور انسداد دہشت گردی کے شعبوں میں باہمی شراکت داری کو فروغ دینے پر اتفاق کیا گیا۔ لیبیائی قیادت نے پاک فوج کی پیشہ ورانہ صلاحیتوں کا اعتراف کرتے ہوئے ملٹری ٹو ملٹری تعاون بڑھانے کی خواہش کا اظہار کیا۔
پاکستان کا اقوامِ متحدہ میں انتباہ: افغان سرزمین سے جنم لینے والی دہشت گردی سب سے بڑا خطرہ قرار
پاکستان نے اقوامِ متحدہ کی سلامتی کونسل کو خبردار کیا ہے کہ افغانستان کی سرزمین سے جنم لینے والی دہشت گردی پاکستان کی قومی سلامتی، خود مختاری اور خطے کے امن کے لیے سب سے بڑا خطرہ بن چکی ہے۔ اقوام متحدہ میں پاکستان کے مستقل مندوب عاصم افتخار نے کہا کہ افغان سرزمین دہشت گرد گروہوں کی محفوظ پناہ گاہ بن چکی ہے اور 2022 سے اب تک افغانستان سے ہونے والے حملوں میں پاکستانی شہریوں اور سیکیورٹی فورسز کی 1200 سے زائد جانیں ضائع ہو چکی ہیں۔
جی ایچ کیو آرمی چیف کی رائل سعودی لینڈ فورسز کے کمانڈر اور بحرینی نیشنل گارڈ کے کمانڈر سے ملاقاتیں
چیف آف دی آرمی اسٹاف فیلڈ مارشل سید عاصم منیر نے پاکستان اور سعودی عرب کے درمیان مضبوط دفاعی تعلقات اور خطے میں سیکیورٹی تعاون پر اطمینان کا اظہار کیا ہے۔ جی ایچ کیو میں رائل سعودی لینڈ فورسز کے کمانڈر لیفٹیننٹ جنرل فہد بن سعود الجوہانی سے ملاقات میں تربیت، انٹیلی جنس شیئرنگ اور صلاحیت سازی میں مزید شراکت داری پر اتفاق کیا گیا۔
آرمی چیف عاصم منیر سے مصری وزیر خارجہ کی ملاقات، دفاعی و سیکیورٹی تعاون پر تبادلہ خیال
آرمی چیف فیلڈ مارشل عاصم منیر سے مصر کے وزیر خارجہ ڈاکٹر بدر احمد محمد عبدالعاطی نے خصوصی ملاقات کی جس میں دونوں برادر ممالک کے درمیان دوطرفہ تعلقات، دفاعی و سیکیورٹی تعاون، عسکری تربیت، اسٹریٹجک ہم آہنگی اور علاقائی امن و استحکام جیسے اہم امور پر تفصیلی بات چیت کی گئی۔ مصری وزیر خارجہ نے پاکستان کے ساتھ ہر شعبے میں تعاون بڑھانے کے عزم کا اظہار کیا اور بدلتی علاقائی سیکیورٹی صورتحال کے تناظر میں اعلیٰ سطح کے رابطوں کی اہمیت پر زور دیا۔
تاجکستان ڈرون حملے میں چینی شہریوں کی ہلاکت کی پاکستان کی مذمت
پاکستان نے تاجکستان میں چینی کمپنی کے 3 ملازمین کی ڈرون حملے میں ہلاکت کی شدید مذمت کی ہے۔ دفتر خارجہ کے مطابق مسلح ڈرون کا استعمال افغانستان سے درپیش بڑھتے ہوئے خطرے کو ظاہر کرتا ہے۔ پاکستان نے چین اور تاجکستان سے اظہار افسوس کرتے ہوئے کہا کہ افغان سرزمین کا دہشت گردی کے لیے استعمال خطے کے امن کے لیے بڑا خطرہ ہے۔
وزیراعظم شہبازشریف اوراردن کے شاہ عبداللہ دوم کی ملاقات، دوطرفہ اسٹریٹجک، اقتصادی و تجارتی روابط بڑھانے کا عزم
وزیراعظم محمد شہباز شریف اور اردن کے شاہ عبداللہ دوم کے درمیان اسلام آباد میں اہم ملاقات ہوئی، جس میں پاکستان اور اردن کے درمیان اسٹریٹجک، اقتصادی اور دفاعی تعاون کو مزید بڑھانے پر اتفاق کیا گیا۔ دونوں رہنماؤں نے عالمی اور علاقائی فورمز پر مشترکہ تعاون کے عزم کا اعادہ کیا۔ ملاقات میں غزہ صورتحال، خطے کی سلامتی، تجارت، سرمایہ کاری، تعلیم، سائنس و ٹیکنالوجی سمیت کئی شعبوں میں تعاون بڑھانے پر تفصیلی بات چیت ہوئی۔
نیول چیف ایڈمرل نوید اشرف کا بنگلہ دیش کا کامیاب دورہ مکمل، علاقائی سلامتی و دفاعی تعاون پر بات چیت
اسلام آباد — پاک بحریہ کے سربراہ ایڈمرل نوید اشرف کا بنگلہ دیش کا کامیاب دورہ مکمل ہوگیا۔ انہوں نے بنگلہ دیشی عسکری قیادت سے ملاقاتیں کیں اور علاقائی سلامتی، دفاعی تعاون اور دوطرفہ تعلقات کے فروغ پر تفصیلی بات چیت کی۔ دورے کے دوران پی این ایس سیف بھی چٹاگانگ کی بندرگاہ پر موجود رہا۔
پاک چین اسٹریٹجک شراکت داری چٹان کی طرح مضبوط ہے، فیلڈ مارشل عاصم منیر
اسلام آباد میں پاک فوج کے سپہ سالار فیلڈ مارشل سید عاصم منیر اور چین کے وزیر خارجہ وانگ ژی کی اہم ملاقات میں کہا گیا کہ پاک–چین تعلقات چٹان کی طرح مضبوط ہیں۔ ملاقات میں سی پیک، علاقائی سلامتی اور عسکری تعاون پر تفصیلی گفتگو ہوئی۔ دونوں رہنماؤں نے اسٹریٹجک شراکت داری کو مزید گہرا کرنے کے عزم کا اظہار کیا۔