روس کا یوکرین کے شہر دنیپرو پر میزائل حملہ، 3 افراد ہلاک، 8 زخمی
یوکرین کے شہر دنیپرو میں روسی میزائل حملے میں 3 افراد ہلاک اور 8 زخمی ہوگئے۔ حملہ رہائشی علاقے کے قریب ہوا جس سے عمارتوں کو نقصان پہنچا۔ اسی دوران امریکی صدر ٹرمپ کے ایلچی اسٹیو وٹکوف کل ماسکو میں صدر پیوٹن سے جنگ بندی پر گفتگو کریں گے۔ دو روز قبل کیف بھی روسی ڈرون و میزائل حملے کی زد میں آیا تھا۔
15 گھنٹے پرواز، 14 ہزار کلومیٹر فاصلہ طے، روس کا جدید جوہری میزائل بوریوستنک کا تجربہ : پیوٹن کی تصدیق
روس نے جدید جوہری کروز میزائل ’’بوریوستنک‘‘ کا کامیاب تجربہ کیا جو 15 گھنٹے تک فضا میں رہا اور 14 ہزار کلومیٹر فاصلہ طے کیا۔ صدر ولادیمیر پیوٹن نے اسے روس کے دفاع میں نئی طاقت قرار دیا۔ یہ میزائل نیوکلیئر انجن سے چلتا ہے، جو مغرب کے لیے نیا چیلنج بن گیا ہے۔ ماہرین کے مطابق اس تجربے نے عالمی سطح پر اسلحے کی دوڑ کو نئی جہت دے دی ہے۔
شمالی کوریا کے میزائل تجربات کے بعد اقوام متحدہ کا ہنگامی اجلاس،عالمی سطح پر تشویش
شمالی کوریا کے نئے بیلسٹک میزائل تجربات نے دنیا بھر میں تشویش کی لہر دوڑا دی۔ اقوام متحدہ کی سلامتی کونسل کا ہنگامی اجلاس طلب، امریکا، جاپان اور جنوبی کوریا نے تجربات کو عالمی امن کے لیے سنگین خطرہ قرار دیا۔ چین اور روس نے پابندیوں کی مخالفت کرتے ہوئے سفارتی حل پر زور دیا۔
ٹرمپ کی بھارت کو ایک بار پھر دھمکی، ڈونلڈ ٹرمپ کا بھارت پر روسی تیل خریدنے سے متعلق دباؤ
امریکی صدر ڈونلڈ ٹرمپ نے بھارت کی جانب سے روسی تیل خریدنے پر سخت مؤقف اختیار کرتے ہوئے دعویٰ کیا کہ وزیراعظم نریندر مودی نے انہیں یقین دہانی کرائی ہے کہ بھارت آئندہ روس سے تیل نہیں خریدے گا۔ بھارتی حکومت نے فوری طور پر اس بیان کی تردید کر دی، جس سے دونوں ممالک کے درمیان سفارتی کشیدگی پیدا ہوگئی۔ تجزیہ کاروں کے مطابق ٹرمپ کا بیان امریکی انتخابی سیاست اور عالمی توانائی سیاست دونوں پر گہرے اثرات ڈال سکتا ہے۔
پاکستان اب تاریخ کا تماشائی نہیں۔۔مرکزی کردار
یوں لگتا ہے کہ وقت نے ایک بار پھر تاریخ کے پرانے اوراق کو پلٹ کر ایک نیا باب لکھ دیا ہے۔ وہی پاکستان، جو کبھی سرد جنگ میں امریکا کا منظورِ نظر تھا، آج ایک نئے انداز میں عالمی بساط پر اُبھرتا دکھائی دیتا ہے۔ جنرل عاصم منیر کی قیادت میں پاکستان صرف عسکری ہی نہیں بلکہ سیاسی و سفارتی محاذ پر بھی مرکزی کردار بن رہا ہے۔ سعودی عرب، ترکیہ، ایران، چین اور روس کے ساتھ بڑھتے تعلقات اور گریٹر اسرائیل کے منصوبے کے مقابل ایک نیا اتحاد دنیا کے توازن کو بدلنے کے قریب ہے۔ یہی وہ وقت ہے جب پاکستان تاریخ کا تماشائی نہیں بلکہ اس کا اصل کردار بن چکا ہے۔
بیجنگ شہباز شریف اور ولادیمیر پیوٹن کی ملاقات، دوطرفہ تعلقات کو فروغ دینے کا عزم
وزیراعظم شہباز شریف اور روسی صدر ولادیمیر پیوٹن کی بیجنگ میں ملاقات نے پاک-روس تعلقات کو نئی جہت دی۔ ملاقات میں توانائی، تجارت اور علاقائی سلامتی پر تبادلہ خیال ہوا جبکہ وزیراعظم نے ماسکو سمٹ میں شرکت کی دعوت قبول کر لی۔
ایران اسرائیل جنگ کسی بھی وقت چھڑ سکتی ہے: ایرانی نائب صدر
ایران کے نائب صدر محمد رضا عارف نے کہا ہے کہ موجودہ حالات میں اسرائیل کے خلاف ہر وقت جنگ کے لیے تیار رہنا ضروری ہے کیونکہ کوئی باضابطہ جنگ بندی معاہدہ موجود نہیں۔ جون کی جنگ میں ایران کو بھاری نقصان اٹھانا پڑا، لیکن جوابی میزائل حملوں سے اسرائیل کا دفاع ناکام ہوا۔ دوسری جانب تہران نے آئی اے ای اے کے ساتھ مذاکرات جاری رکھنے کا اعلان کیا ہے۔