بالی وڈ کے مشہور گلوکار زوبین گرگ کی موت ، میت بھارت پہنچنے پر لوگوں کا سمندر، پولیس اہلکار بھی رو پڑے
گوہاٹی : — بالی وڈ فلم گینگسٹر کے مشہور گانے "یا علی” سے شہرت حاصل کرنے والے معروف بھارتی گلوکار زوبین گرگ کی موت کے بعد جب میت بھارت پہنچی تو عوام کا جمِ غفیر اُمڈ آیا۔ گلوکار کی آخری رسومات اور تدفین کے موقع پر نہ صرف ان کے اہلِ خانہ اور مداح آبدیدہ ہوئے بلکہ ڈیوٹی پر مامور پولیس اہلکار بھی اپنے جذبات پر قابو نہ رکھ سکے۔
پوسٹ مارٹم اور تحقیقات
بھارتی میڈیا رپورٹس کے مطابق زوبین گرگ کی لاش سنگاپور سے بھارت لائی گئی، جہاں دوبارہ پوسٹ مارٹم کیا گیا تاکہ ان کی موت کی اصل وجوہات سامنے آسکیں۔ آسام حکومت کو شبہ ہے کہ گلوکار زوبین گرگ کی موت کے پسِ پردہ کوئی سازش یا حادثہ ہو سکتا ہے۔ اسی بنا پر پولیس نے تفتیش مزید تیز کر دی ہے۔
عوام کا بے پناہ ہجوم
گوہاٹی ایئرپورٹ پر جب زوبین گرگ کی میت پہنچی تو لوگوں کا ایک سمندر اُمڈ آیا۔ ذرائع کے مطابق چار کلو میٹر تک لوگوں کی طویل قطاریں لگ گئیں۔ نوجوان، بزرگ، خواتین اور بچے سب ہی اپنے پسندیدہ گلوکار کی آخری جھلک دیکھنے کے لیے موجود تھے۔
ریاست بھر میں پہلے ہی تین روزہ سوگ کا اعلان کیا گیا تھا، جبکہ ایئرپورٹ اور شہر کے مختلف مقامات پر پولیس کو خصوصی سیکیورٹی تعینات کرنا پڑی۔
وصیت کے مطابق تدفین
زوبین گرگ کی وصیت کے مطابق ان کی تدفین ان کے آبائی علاقے آسام میں ندی کے کنارے کی جائے گی۔ آسام حکومت نے نہ صرف تدفین کے انتظامات سنبھالے ہیں بلکہ ان کی یادگار کے لیے 6 ایکڑ زمین بھی مختص کردی ہے۔
وزیراعلیٰ ہمنتا بسوا سرما کے مطابق تدفین سادہ اور وقار کے ساتھ کی جائے گی۔ انہوں نے واضح کیا کہ گلوکار کی میت کو لے جانے والی ایمبولینس کے ساتھ صرف ایک چھوٹی بس ہوگی جس میں ان کی اہلیہ، قریبی رشتہ دار اور دوست شریک ہوں گے۔ کوئی اور گاڑیاں جلوس کا حصہ نہیں ہوں گی۔
سرکاری تعطیل کا اعلان
’ٹائمز ناؤ‘ کے مطابق زوبین گرگ کی آخری رسومات کے موقع پر 23 ستمبر کو آسام بھر میں سرکاری اور نجی اسکول، کالجز اور دفاتر بند رکھنے کا اعلان کیا گیا ہے تاکہ عوام اپنے محبوب فنکار کو خراجِ عقیدت پیش کر سکیں۔
گلوکار زوبین گرگ کی موت کی وجہ
اطلاعات کے مطابق 19 ستمبر کو سنگاپور میں زوبین گرگ اسکوبا ڈائیونگ کے دوران حادثے کا شکار ہوئے۔ بسوا سرما نے بتایا کہ زوبین نے ابتدا میں لائف جیکٹ پہنی تھی لیکن بعد میں اسے اتار دیا کیونکہ انہیں تیرنے میں دشواری ہو رہی تھی۔ کچھ ہی دیر بعد ان کی حالت بگڑ گئی۔ لائف گارڈز نے فوراً نکال کر سی پی آر دیا اور اسپتال منتقل کیا، لیکن ڈاکٹروں کی تمام کوششوں کے باوجود وہ جانبر نہ ہو سکے۔ انہیں وہاں 20 اور 21 ستمبر کو میوزیکل کنسرٹس میں پرفارم کرنا تھا۔
عدالت کا فیصلہ: ڈکی بھائی جوا ایپس کیس میں ضمانت مسترد
شوبز کریئر
زوبین گرگ ریاست آسام میں پیدا ہوئے اور انہوں نے اپنے فنی سفر کا آغاز مقامی زبان کے گانوں سے کیا۔ انہوں نے:
ہندی فلموں،
آسامی اور بنگالی فلموں کے گانے،
اور پلے بیک گلوکاری میں کامیابی حاصل کی۔
انہیں بالی وڈ کی فلم گینگسٹر (2006) کے مشہور گانے "یا علی” نے راتوں رات شہرت کی بلندیوں پر پہنچا دیا۔ اس کے علاوہ انہوں نے کئی مشہور بنگالی گانے گائے جن میں چوکھر جولے، پیارے پیارے اور صبحا منگلم شامل ہیں۔
عوامی ردِعمل
اچانک گلوکار زوبین گرگ کی موت نے مداحوں کو غمزدہ کردیا ہے۔ آسام میں تو لوگ گھروں سے باہر نکل کر سوگ منا رہے ہیں جبکہ پورے بھارت میں سوشل میڈیا پر مداح ان کے گیتوں اور یادوں کو شیئر کرکے خراجِ عقیدت پیش کر رہے ہیں۔
گلوکار زوبین گرگ کی موت(zubeen garg death) نہ صرف بھارتی موسیقی کی دنیا کے لیے ایک بڑا نقصان ہے بلکہ ان کے چاہنے والوں کے لیے بھی ناقابلِ تلافی صدمہ ہے۔ مداحوں کے مطابق وہ صرف ایک گلوکار نہیں بلکہ آسام اور بالی وڈ کی آواز تھے، جنہوں نے اپنی گائیکی سے دلوں پر راج کیا۔
I didn’t even know #ZubeenGarg till he died…but this much love and respect cannot be bought, he earned it…Missed meeting a great artiste!!! pic.twitter.com/4MGEcSf0oM
— Priya Gupta (@priyagupta999) September 21, 2025
