بلاول بھٹو زرداری کا عالمی یوم امن پر خصوصی پیغام
پاکستان پیپلز پارٹی کے چیئرمین بلاول بھٹو زرداری نے عالمی یوم امن کے موقع پر اپنے خصوصی پیغام میں کہا کہ امن صرف تنازعات کی غیر موجودگی نہیں بلکہ انصاف، مساوات اور اقوام کے درمیان باہمی احترام کا دوسرا نام ہے۔ بلاول بھٹو زرداری عالمی یوم امن پیغام میں دنیا کو مخاطب کرتے ہوئے کہا کہ حقیقی امن کا قیام اس وقت تک ممکن نہیں جب تک مظلوم قوموں کے ساتھ انصاف نہ کیا جائے۔
اسرائیل اور بھارت کی جارحیت پر تشویش
بلاول بھٹو زرداری عالمی یوم امن پیغام میں عالمی برادری پر زور دیا کہ وہ اسرائیل اور بھارت کی بلا روک ٹوک جارحیت اور مظالم کو فوری طور پر ختم کرے۔ ان کے مطابق، اسرائیلی افواج کے غزہ میں مظالم اور بھارتی فوج کی مقبوضہ کشمیر میں کارروائیاں نہ صرف خطے بلکہ دنیا بھر کے امن کے لیے سنگین خطرہ ہیں۔
فلسطین اور کشمیر پر مؤقف
انہوں نے کہا کہ اسرائیل اور بھارت کے مظالم انسانیت کے ضمیر پر دائمی زخم ہیں، جنہیں دنیا کبھی فراموش نہیں کر سکتی۔ بلاول بھٹو زرداری عالمی یوم امن پیغام میں یہ بھی واضح کیا کہ پاکستان اور پیپلز پارٹی ہمیشہ ان مظلوم اقوام کے ساتھ کھڑے ہیں اور ان کے حق خودارادیت کی حمایت جاری رکھیں گے۔
پیپلز پارٹی کا تاریخی کردار
چیئرمین پیپلز پارٹی نے کہا کہ ان کی جماعت ہمیشہ قائد عوام ذوالفقار علی بھٹو اور شہید محترمہ بینظیر بھٹو کے وژن کے مطابق امن، جمہوریت اور انسانی حقوق کے لیے آواز بلند کرتی آئی ہے۔ بلاول بھٹو زرداری عالمی یوم امن پیغام میں واضح کیا گیا کہ "امن خوشحالی کی بنیاد ہے، جس کے بغیر جمہوریت کمزور، انصاف ماند اور انسانی روح زخمی ہو جاتی ہے۔”
بانیان پاکستان کو خراجِ عقیدت
اس موقع پر انہوں نے پاکستان کے بانیوں اور پارٹی کی شہید قیادت کو خراجِ عقیدت پیش کیا۔ بلاول نے کہا کہ "ہمارے بزرگوں نے وقار، انصاف اور امن پر مبنی وطن کا خواب دیکھا اور اس کے لیے لازوال قربانیاں دیں۔”
انتہاپسندی اور غربت کا خاتمہ
بلاول بھٹو زرداری عالمی یوم امن پیغام میں کہا کہ انتہاپسندی، غربت اور عدم مساوات امن کے سب سے بڑے دشمن ہیں۔ حقیقی امن صرف اس وقت قائم ہو سکتا ہے جب سماجی انصاف، پسماندہ طبقات کا بااختیار بنانا اور انسانی حقوق کا مکمل تحفظ یقینی بنایا جائے۔
پیپلز پارٹی کا عزم
چیئرمین پیپلز پارٹی نے اپنے پیغام کے اختتام پر کہا کہ پیپلز پارٹی اپنی جدوجہد ایک پُرامن، جمہوری اور ترقی پسند پاکستان کے لیے جاری رکھے گی۔ انہوں نے کہا کہ یہ پاکستان قائداعظم کے وژن کے مطابق ہوگا اور دنیا میں امن، استحکام اور تعاون کے فروغ میں مؤثر کردار ادا کرے گا۔
صدر آصف علی زرداری سے چینی وزیر خارجہ کی ملاقات، پاک چین’آہنی دوستی‘ کے عزم کا اعادہ
