ٹی 20 ورلڈ کپ 2026 میں بھارت کے خلاف میچ کے بائیکاٹ پر آئی سی سی وفد وائس چیئرمین عمران خواجہ کی قیادت میں پاکستان پہنچ گیا، وفد چیئرمین پی سی بی محسن نقوی سے اہم مذاکرات کرے گا۔
راولپنڈی میں امن و امان کی صورتحال کے پیش نظر دفعہ 144 میں مزید 15 روز کی توسیع کر دی گئی ہے۔ ڈپٹی کمشنر حسن وقار چیمہ کے جاری کردہ نوٹیفکیشن کے مطابق 21 فروری تک جلسے، جلوس، ریلیاں، اسلحے کی نمائش اور لاؤڈ اسپیکر کے استعمال پر مکمل پابندی برقرار رہے گی۔
چیئرمین پاکستان کرکٹ بورڈ محسن نقوی نے ٹی ٹوئنٹی ورلڈکپ میں نیدرلینڈز کے خلاف پاکستان کی سنسنی خیز فتح آل راؤنڈر فہیم اشرف کے جڑواں بیٹوں کے نام کر دی۔ فہیم اشرف نے آخری اوورز میں شاندار بیٹنگ کرتے ہوئے پاکستان کو 3 وکٹوں سے فتح دلائی اور پلیئر آف دی میچ قرار پائے۔
وفاقی وزیرداخلہ محسن نقوی نے انکشاف کیا ہے کہ اس وقت 21 بین الاقوامی دہشت گرد تنظیمیں افغانستان سے آپریٹ ہو رہی ہیں جبکہ دہشت گردوں کی فنڈنگ اور ٹارگٹس بھارت فراہم کر رہا ہے۔ انہوں نے کہا کہ حالیہ خودکش حملے نے تمام شکوک ختم کر دیے ہیں اور داعش، ٹی ٹی پی، افغان طالبان سمیت مختلف گروہوں کے گٹھ جوڑ کے ناقابل تردید شواہد سامنے آ چکے ہیں۔
رمضان المبارک سے قبل ملک بھر میں مہنگائی کی نئی لہر دیکھنے میں آ رہی ہے، جہاں ٹماٹر، پیاز، لہسن، چینی اور دالوں سمیت 12 بنیادی اشیائے ضروریہ کی قیمتوں میں اضافہ ریکارڈ کیا گیا ہے۔ ادارہ شماریات کے مطابق سالانہ بنیادوں پر مہنگائی بڑھ کر 4.84 فیصد تک پہنچ گئی ہے، جس نے عوام کی پریشانی میں مزید اضافہ کر دیا ہے۔
اسلام آباد کے علاقے ترلائی میں امام بارگاہ خدیجتہ الکبریٰ میں خودکش دھماکے کے بعد وزیر اعلیٰ پنجاب مریم نواز نے کل بسنت کی تمام تقریبات منسوخ کرنے کا اعلان کر دیا۔ لبرٹی اسکوائر پر ہونے والا میگا بسنت شو بھی منسوخ کر دیا گیا ہے۔ مریم نواز نے قوم کو خوارج اور ان کے سہولت کاروں کے خلاف متحد رہنے کا پیغام دیا ہے۔
بانی چیئرمین پی ٹی آئی عمران خان کی دائیں آنکھ کا کامیاب علاج پمز اسلام آباد میں مکمل ہو گیا، ماہر ڈاکٹروں نے اینٹی وی جی ای ایف انجیکشن دیا جبکہ مجموعی صحت تسلی بخش قرار دی گئی۔
پاکستان اسٹاک ایکسچینج میں جمعے کے روز مندی کا رجحان رہا اور 100 انڈیکس میں 4,200 پوائنٹس کی کمی ہوئی، جس کے بعد انڈیکس 183,600 پوائنٹس کی سطح پر آگیا۔ تجزیہ کاروں کے مطابق ایران اور امریکا کے مذاکرات پر محتاط رویہ اور اسلام آباد امام بارگاہ میں خودکش دھماکے نے سرمایہ کاروں میں گھبراہٹ پیدا کی، جس سے حصص کی فروخت میں اضافہ ہوا۔
امریکا ایران مذاکرات کا آغاز عمان میں ہو گیا، ایرانی وزیر خارجہ عباس عراقچی نے مسقط میں ابتدائی منصوبہ پیش کیا جبکہ امریکی وفد نے تجاویز کا مکمل جائزہ لیا۔
اسلام آباد کے علاقے ترلائی میں امام بارگاہ کے اندر ہونے والے خودکش دھماکے کی ابتدائی تحقیقات مکمل کر لی گئی ہیں۔ سیکیورٹی اداروں نے جائے وقوعہ سے اہم فرانزک شواہد حاصل کر لیے جبکہ رپورٹ وزیر داخلہ محسن نقوی کو پیش کی جائے گی۔ واقعے میں اب تک 31 افراد جاں بحق اور 169 زخمی ہو چکے ہیں۔
