پاک فوج نے افغان طالبان اور ان سے وابستہ دہشتگردوں کی حالیہ اشتعال انگیزی کے جواب میں فیصلہ کن کارروائی کرتے ہوئے 200 سے زائد دہشتگرد ہلاک اور متعدد کیمپ و پوسٹس تباہ کر دیں۔ آئی ایس پی آر کے مطابق فضائی ضربوں اور زمینی آپریشنز میں اہم دشمنی مراکز کو نشانہ بنایا گیا۔
پاک افغان فورسز کے درمیان فائرنگ کے تبادلے اور کشیدہ صورتحال کے باعث طورخم بارڈر دونوں اطراف سے ہر قسم کی تجارتی سرگرمیوں اور پیدل آمدورفت کے لیے بند کر دیا گیا۔ تمام مال بردار گاڑیوں کو لنڈی کوتل منتقل کر دیا گیا جبکہ سرحد کے دونوں جانب شہریوں کو شدید مشکلات کا سامنا ہے۔
وزیراعظم شہباز اور نواز شریف کی جاتی امراء میں ملاقات، پاک افغان سرحد پر کشیدگی، ملکی سیاست اور قومی استحکام پر مشاورت۔
پاکستان فوج نے افغان طالبان فورسز کی اشتعال انگیزی کے جواب میں بھرپور کارروائی کرتے ہوئے متعدد ٹینک تباہ کر دیے۔ ذرائع کے مطابق پاک فوج نے ژوب سیکٹر میں طالبان کی اہم پوسٹ پر قبضہ کر کے قومی پرچم لہرا دیا۔
انگور اڈہ فوجی کارروائی میں پاک فوج نے فیصلہ کن پیش قدمی کرتے ہوئے افغان پوسٹوں پر قبضہ کر لیا اور وہاں قومی پرچم لہرا دیا۔
فیلڈ مارشل عاصم منیر کی قیادت میں پاک فوج نے افغانستان کی اشتعال انگیزی کا منہ توڑ جواب دیا، وزیراعظم نے قوم کو یقین دلایا کہ پاکستان کا دفاع مضبوط ہاتھوں میں ہے۔
قومی کرکٹ ٹیم نے جنوبی افریقہ کے خلاف لاہور ٹیسٹ کے لیے حتمی ٹیم کا اعلان کر دیا۔ آصف آفریدی اپنا پہلا ٹیسٹ کھیلیں گے جبکہ شاہین شاہ آفریدی ایک سال بعد واپسی کر رہے ہیں۔ شان مسعود قیادت کریں گے، بابر اعظم، رضوان، اور امام الحق بیٹنگ لائن اپ میں شامل ہیں۔
ڈیرہ اسمٰعیل خان کے پولیس ٹریننگ سینٹر پر بھارتی ہتھیاروں سے لیس دہشت گردوں نے خودکش حملہ کر دیا۔ ایک دہشت گرد نے خود کو مرکزی دروازے پر اڑا لیا، جبکہ پولیس کی جوابی کارروائی میں دو دہشت گرد ہلاک ہوئے۔ علاقے میں شدید فائرنگ کا سلسلہ جاری ہے، فوج اور پولیس نے مشترکہ آپریشن شروع کر دیا۔ شواہد کے مطابق دہشت گرد بھارتی اسلحے سے مسلح تھے، جس سے بیرونی مداخلت کے خدشات بڑھ گئے ہیں۔
ناروے کی نوبیل کمیٹی کی جانب سے وینزویلا کی اپوزیشن رہنما ماریا کورینا ماچادو کو امن کے نوبیل انعام سے نوازنے پر وائٹ ہاؤس نے شدید ردعمل دیا ہے۔ ترجمان کے مطابق امریکی صدر ڈونلڈ ٹرمپ کو نظرانداز کرنا سیاسی جانبداری ہے۔ ٹرمپ نے خود کو عالمی امن کا علمبردار قرار دیتے ہوئے کئی بار دعویٰ کیا کہ ان کے اقدامات نے دنیا کو جنگوں سے بچایا۔
ملک بھر میں تحریک لبیک پاکستان کے احتجاج نے شدت اختیار کر لی ہے۔ لاہور، اسلام آباد اور راولپنڈی میں کشیدگی بڑھ گئی، وزارتِ داخلہ نے موبائل انٹرنیٹ بند کر دیا۔
