پاکستان کے لیے آئی ایم ایف ایگزیکٹو بورڈ کا اجلاس کل 8 دسمبر کو طلب کر لیا گیا ہے۔ توقع ہے کہ اجلاس میں پاکستان کے لیے 1.2 ارب ڈالر کی قسط (1 ارب ڈالر قرض اور 20 کروڑ ڈالر کلائمیٹ فنانسنگ) کی منظوری دی جائے گی۔ پاکستان نے قرض کی شرائط کے تحت کرپشن اینڈ گورننس ڈایئگناسٹک رپورٹ بھی جاری کر دی ہے۔
ڈائریکٹر جنرل آئی ایس پی آر لیفٹیننٹ جنرل احمد شریف نے پریس کانفرنس میں قید میں موجود پی ٹی آئی کے بانی عمران خان کو سخت تنقید کا نشانہ بناتے ہوئے کہا کہ ان کا فوج مخالف بیانیہ اب محض سیاست نہیں رہا بلکہ قومی سلامتی کے لیے سنگین خطرہ بن چکا ہے۔ انہوں نے کہا کہ ایک ایسا شخص جو خود کو عقلِ کل سمجھتا ہے، افواج پاکستان پر ہرزہ سرائی کرکے ریاست کو نقصان پہنچانے کی کوشش کر رہا ہے۔
پی آئی اے پرواز حادثے سے بچ گئی جب کراچی سے سکھر جانے والی فلائٹ PK-536 میں اڑان کے چند منٹ بعد تکنیکی خرابی پیدا ہوئی اور کپتان نے فوری طور پر واپس کراچی لینڈ کرلیا۔
وزیراعظم شہباز شریف نے ملائیشین وزیراعظم انور ابراہیم سے ٹیلی فونک رابطہ کرکے سمندری طوفان سے ہونے والے شدید بارشوں، سیلاب اور تودے گرنے کے نتیجے میں جانی و مالی نقصان پر گہرا افسوس ظاہر کیا۔ انہوں نے پاکستان کی عوام اور حکومت کی جانب سے مکمل یکجہتی کا اظہار کرتے ہوئے جاں بحق افراد کے لیے دعائے مغفرت، زخمیوں کے لیے نیک خواہشات اور متاثرین کی فوری بحالی کے لیے ہر ممکن معاونت کی پیشکش کی۔
ایئر چیف مارشل ظہیر احمد بابر سدھو کی توسیع: پاک فضائیہ کی قیادت میں استحکام اور دفاعی برتری کی ضمانت۔
صدرِ مملکت آصف علی زرداری نے وزیراعظم شہباز شریف کی جانب سے بھجوائی گئی سمری کی منظوری دیتے ہوئے فیلڈ مارشل سید عاصم منیر کو پاکستان کا پہلا چیف آف ڈیفنس فورسز (CDF) تعینات کر دیا ہے۔ وہ موجودہ چیف آف آرمی اسٹاف بھی ہیں اور اب پانچ سال کی مدت کے لیے دونوں اہم ذمہ داریاں ایک ساتھ سنبھالیں گے۔
18 سال سے کم عمر بچے پتنگ نہیں اڑا سکتے، قانون کے تحت
وزیرِ اعظم شہباز شریف نے اعلان کیا ہے کہ پاکستان خشکی میں گھِرے ہوئے ملک کرغزستان کو کراچی، بن قاسم اور گوادر کی بندرگاہوں کے ذریعے علاقائی و عالمی منڈیوں تک رسائی دینے کے لیے تیار ہے۔ یہ اعلان اسلام آباد میں کرغز صدر سادِر ژاپاروف کے ساتھ ملاقات کے بعد سامنے آیا، جو گزشتہ 20 برس میں کسی کرغیز صدر کا پہلا دورۂ پاکستان ہے۔ دونوں رہنماؤں کے درمیان ہونے والی تفصیلی اور نتیجہ خیز بات چیت میں سیاسی، تجارتی، توانائی، زرعی، دفاعی، ثقافتی، آئی ٹی اور رابطہ کاری کے شعبوں میں تعاون بڑھانے پر اتفاق ہوا۔
ڈپٹی وزیرِ اعظم و وزیرِ خارجہ اسحٰق ڈار نے کرغزستان کے صدر سادِر ژاپاروف سے اسلام آباد میں اہم ملاقات کی، جس میں دوطرفہ تعلقات کو ہر شعبے میں مضبوط بنانے کے عزم کا اعادہ کیا گیا۔ کرغز صدر گزشتہ روز اپنے دو روزہ سرکاری دورے پر پاکستان پہنچے تھے، جو 20 سال بعد کسی کرغیز صدر کا پہلا دورہ ہے۔
چیف آف دی آرمی اسٹاف فیلڈ مارشل سید عاصم منیر نے پاکستان اور سعودی عرب کے درمیان مضبوط دفاعی تعلقات اور خطے میں سیکیورٹی تعاون پر اطمینان کا اظہار کیا ہے۔ جی ایچ کیو میں رائل سعودی لینڈ فورسز کے کمانڈر لیفٹیننٹ جنرل فہد بن سعود الجوہانی سے ملاقات میں تربیت، انٹیلی جنس شیئرنگ اور صلاحیت سازی میں مزید شراکت داری پر اتفاق کیا گیا۔
