لکی مروت پولیس موبائل پر خودکش حملہ، ایک اہلکار شہید، 5 زخمی

لکی مروت پولیس موبائل پر خودکش حملہ، ایک اہلکار شہید، 5 زخمی ، پولیس کی بھاری نفری، بم ڈسپوزل یونٹ اور امدادی ٹیمیں موقع پر پہنچ گئیں

خیبرپختونخوا کے ضلع لکی مروت میں پولیس موبائل پر خودکش حملے کے نتیجے میں ایک پولیس اہلکار شہید جبکہ پانچ زخمی ہوگئے۔ حملہ تجوڑی پولیس اسٹیشن کی موبائل وین کو اُس وقت نشانہ بنایا گیا جب اہلکار معمول کی گشت پر تھے۔

پولیس کے مطابق خودکش بمبار نے گاڑی کو قریب آ کر دھماکا کیا، لکی مروت پولیس موبائل پر خودکش حملہ کی شدت اتنی زیادہ تھی کہ موبائل کو شدید نقصان پہنچا۔ واقعے کی اطلاع ملتے ہی پولیس کی بھاری نفری، بم ڈسپوزل یونٹ اور امدادی ٹیمیں موقع پر پہنچ گئیں۔

لکی مروت پولیس موبائل پر خودکش حملہ میں زخمی اہلکاروں کو فوری طور پر قریبی اسپتال منتقل کیا گیا، جہاں انہیں طبی امداد فراہم کی جا رہی ہے۔
دوسری جانب علاقے کو گھیرے میں لے کر سرچ آپریشن شروع کر دیا گیا ہے تاکہ حملے میں ملوث سہولت کاروں کا پتا چلایا جا سکے۔

حکام کا کہنا ہے کہ حالیہ ہفتوں میں لکی مروت اور ملحقہ علاقوں میں پولیس اور سیکیورٹی فورسز کو نشانہ بنانے کی کارروائیاں بڑھ گئی ہیں، جن کے بعد سیکیورٹی مزید سخت کر دی گئی ہے۔

وزیراعلیٰ خیبر پختونخوا کی ضلع کرم میں پولیس پر دہشتگرد حملے کی شدید مذمت

 پولیس اہلکاروں کی قربانیاں رائیگاں نہیں جائیں گی، صوبائی حکومت پولیس کے ساتھ کھڑی ہے، امن و امان قائم رکھنا حکومت کی اولین ترجیح ہے، اس قسم کے بزدلانہ حملے ہمارے حوصلے پست نہیں کر سکتے۔
وزیراعلٰی سہیل… pic.twitter.com/xtNd7IHSkZ
— Government of KP (@GovernmentKP) December 1, 2025