شہباز شریف کا دورہ سعودی عرب سعودی ولی عہد محمد بن سلمان سے ملاقات

وزیرِ اعظم شہباز شریف کا دورہ سعودی عرب — محمد بن سلمان سے قصر یمامہ میں دوطرفہ ملاقات

ریاض (رئیس الاخبار ):- وزیرِ اعظم پاکستان میاں محمد شہباز شریف سعودی ولی عہد و وزیرِ اعظم شہزادہ محمد بن سلمان کی دعوت پر سعودی عرب کے سرکاری دورے پر ریاض پہنچ گئے۔ اس موقع پر انہیں شاندار اور پروقار استقبال دیا گیا، جو پاکستان اور سعودی عرب کے تاریخی اور برادرانہ تعلقات کی عکاسی کرتا ہے۔

وزیرِ اعظم شہباز شریف اور ان کے وفد کا قصر یمامہ پہنچنے پر سعودی ولی عہد محمد بن سلمان نے خود استقبال کیا۔ شاہی محل میں منعقدہ اس تقریب کے دوران سعودی شاہی پروٹوکول کے مطابق گھڑ سوار دستے نے وزیرِ اعظم کا استقبال کیا جبکہ سعودی مسلح افواج کے چاق چوبند دستوں نے انہیں گارڈ آف آنر بھی پیش کیا۔ اس موقع پر دونوں ملکوں کے قومی ترانے بجائے گئے اور تقریب کا ماحول برادرانہ تعلقات کی گہری جھلک دکھا رہا تھا۔

اعلیٰ سطحی ملاقات جاری

قصر یمامہ میں وزیرِ اعظم شہباز شریف اور ولی عہد محمد بن سلمان کے درمیان اہم ملاقات جاری ہے جس میں دونوں رہنما دوطرفہ تعلقات کے مختلف پہلوؤں پر تفصیلی تبادلہ خیال کر رہے ہیں۔ ملاقات میں تجارتی، اقتصادی، توانائی اور سرمایہ کاری کے شعبوں کے علاوہ دفاعی تعاون کو بھی وسعت دینے پر غور کیا جا رہا ہے۔

ذرائع کے مطابق دونوں رہنما علاقائی اور عالمی امور پر بھی مشاورت کر رہے ہیں، جن میں مشرق وسطیٰ کی حالیہ صورتحال، اسلامی دنیا کے باہمی اتحاد اور مشترکہ چیلنجز کا مقابلہ کرنے کے لیے حکمتِ عملی شامل ہے۔

سرکاری وفود کا تعارف

ابتدائی نشست میں وزیرِ اعظم شہباز شریف اور ولی عہد محمد بن سلمان نے اپنے اپنے وفود کا تعارف کرایا۔ اس موقع پر پاکستانی وزراء اور سعودی اعلیٰ حکام کے درمیان گرمجوشی اور برادرانہ تعلقات کی فضا نمایاں رہی۔

اسلام آباد سے ریاض تک

وزیرِ اعظم شہباز شریف گزشتہ شب اسلام آباد سے سعودی عرب کے سرکاری دورے پر روانہ ہوئے۔ ان کے ہمراہ نائب وزیرِ اعظم و وزیرِ خارجہ اسحٰق ڈار، وزیرِ دفاع خواجہ محمد آصف، وزیرِ خزانہ محمد اورنگزیب، وزیرِ اطلاعات و نشریات عطا اللہ تارڑ، وفاقی وزیر ماحولیات مصدق ملک اور معاون خصوصی طارق فاطمی سمیت اعلیٰ حکومتی اور سفارتی وفد شامل ہے۔

شہباز شریف کا دورہ سعودی عرب میں ریاض پہنچنے پر کنگ خالد ایئر پورٹ پر وزیرِ اعظم کا شاندار استقبال کیا گیا۔ ریاض کے نائب گورنر محمد عبدالرحمٰن بن عبدالعزیز نے ان کا استقبال کیا، جبکہ انہیں 21 توپوں کی سلامی بھی پیش کی گئی۔ سعودی مسلح افواج کے دستوں نے سلامی دے کر خیر مقدم کیا۔

شہباز شریف کا دورہ سعودی عرب میں ایئرپورٹ پر سعودی عرب میں پاکستان کے سفیر احمد فاروق، سعودی سفیر نواف بن سعید المالکی اور دیگر اعلیٰ سفارتی حکام بھی موجود تھے۔

وزیراعظم شہباز شریف سعودی عرب دورہ: محمد بن سلمان سے اہم ملاقات

سعودی ایئر فورس کی غیر معمولی عزت افزائی

شہباز شریف کا دورہ سعودی عرب(shahbaz sharif saudi visit) میں ان کے ہمراہ وزیرِ دفاع خواجہ محمد آصف نے بتایا کہ جیسے ہی وزیرِ اعظم کا طیارہ سعودی فضائی حدود میں داخل ہوا، سعودی ایئر فورس کے لڑاکا طیاروں نے اسے اپنی حفاظت میں لے لیا۔ یہ اقدام سعودی عرب کی جانب سے پاکستان کے ساتھ برادرانہ تعلقات اور خصوصی عزت کا مظہر قرار دیا جا رہا ہے۔

خواجہ آصف نے کہا کہ:

’’سعودی حکومت کی طرف سے یہ برادرانہ محبت اور احترام کا مظاہرہ ہے۔ عالم اسلام میں پاکستان کو یہ مقام اللہ کی مہربانی، وزیرِ اعظم کی سفارتی مہارت اور ہماری مسلح افواج کی بے مثال کامیابیوں کا ثمر ہے۔‘‘

دورے کی اہمیت

تجزیہ کاروں کے مطابق شہباز شریف کا دورہ سعودی عرب پاکستان اور سعودی عرب کے تعلقات کو نئی بلندیوں پر لے جانے میں سنگِ میل ثابت ہو سکتا ہے۔ حالیہ معاشی چیلنجز کے تناظر میں پاکستان کے لیے سعودی عرب کی سرمایہ کاری اور مالی تعاون اہم ہے۔ دوسری طرف سعودی عرب کو بھی خطے میں ایک قابلِ اعتماد اور مضبوط اتحادی کے طور پر پاکستان کی ضرورت ہے۔

یہی وجہ ہے کہ قصر یمامہ میں جاری ملاقات کو نہ صرف دو طرفہ تعلقات بلکہ پورے خطے کی سیاست اور معیشت کے تناظر میں غیر معمولی اہمیت دی جا رہی ہے۔

وزیرِ اعظم محمد شہباز شریف سعودی ولی عہد و وزیرِ اعظم شہزادہ محمد بن سلمان سے ملاقات کیلئے سعودی شاہی دیوان، قصر یمامہ پہنچے. شاہی دیوان پہنچنے پر وزیرِ اعظم کا سعودی شاہی پروٹوکول کے ساتھ گھڑ سواروں نے استقبال کیا. 

شاہی دیوان پہنچنے پر سعودی ولی عہد و وزیرِ اعظم شہزادہ محمد بن… pic.twitter.com/0LURMn0yZK
— Government of Pakistan (@GovtofPakistan) September 17, 2025