روس کی ایران تنازع حل کیلئے ثالثی کی پیشکش، مکالمے پر زور، روسی صدر ولادیمیر پیوٹن خلیجی ممالک کے رہنماؤں کے ساتھ مسلسل رابطے میں
روس نے ایران سے متعلق جاری کشیدگی کے خاتمے کیلئے ثالثی کی پیشکش کرتے ہوئے کہا ہے کہ تنازع کا حل صرف مذاکرات اور مکالمے کے ذریعے ہی ممکن ہے۔
روسی صدارتی دفتر کے ترجمان کے مطابق روس ایران تنازع کے حل میں فعال کردار ادا کرنے کیلئے تیار ہے اور خطے میں کشیدگی کم کرنے کیلئے سفارتی کوششیں جاری رکھے گا۔
ترجمان نے کہا کہ روسی صدر ولادیمیر پیوٹن خلیجی ممالک کے رہنماؤں کے ساتھ مسلسل رابطے میں ہیں تاکہ کشیدگی کو کم کیا جا سکے اور خطے میں امن و استحکام قائم ہو۔
روسی صدارتی دفتر نے اس بات پر بھی زور دیا کہ روس تنازعات کے حل کیلئے سفارتی راستے کو ترجیح دیتا ہے اور ایران سے متعلق بحران کو مذاکرات کے ذریعے حل کیا جانا چاہیے۔
ترجمان نے مزید کہا کہ نیٹو اتحاد کو روس اپنے خلاف اتحاد سمجھتا ہے، جس کے باعث خطے کی صورتحال مزید پیچیدہ ہو رہی ہے۔
تجزیہ کاروں کے مطابق روس کی جانب سے ثالثی کی پیشکش خطے میں جاری کشیدگی کے دوران ایک اہم سفارتی پیش رفت ہے، جس سے مذاکرات کے امکانات مزید بڑھ سکتے ہیں۔
🇷🇺🇸🇦📞 On April 2, President Putin & HRH Crown Prince Mohammed bin Salman spoke over the phone.
Both Sides stressed the need for intensified diplomatic efforts toward a lasting Middle East settlement that takes into account the interests of all parties.https://t.co/RlpmPsTlFo pic.twitter.com/wd3oZhjpxF
— MFA Russia 🇷🇺 (@mfa_russia) April 2, 2026
