وزیراعظم شہباز شریف کا ملائیشین وزیراعظم انور ابراہیم سے رابطہ، سمندری طوفان پر گہرے دکھ کا اظہار

وزیراعظم شہباز شریف کا ملائیشین وزیراعظم انور ابراہیم سے رابطہ، سمندری طوفان پر گہرے دکھ کا اظہار، پاکستان کی جانب سے ملائیشیا کو ہر ممکن تعاون کی پیشکش

اسلام آباد (رئیس الاخبار) :— وزیراعظم محمد شہباز شریف نے ملائیشیا کے وزیراعظم داتو سری انور ابراہیم سے ٹیلی فونک رابطہ کیا اور سمندری طوفان کے باعث ہونے والی تباہ کاریوں پر گہرے دکھ اور افسوس کا اظہار کیا۔ وزیراعظم نے اس مشکل گھڑی میں پاکستان کی جانب سے ملائیشیا کو ہر ممکن تعاون کی پیشکش بھی کی۔

وزیراعظم آفس کے مطابق شہباز شریف نے حالیہ سمندری طوفان کے نتیجے میں ہونے والی شدید بارشوں، سیلاب اور تودے گرنے کے واقعات پر افسوس کا اظہار کرتے ہوئے قیمتی جانوں کے ضیاع پر دلی تعزیت کی۔ انہوں نے ملائیشیا کی عوام اور حکومت کے ساتھ مکمل یکجہتی کا اظہار کیا۔

شہباز شریف کا ملائیشین وزیراعظم انور ابراہیم سے رابطہ میں حادثے میں جاں بحق افراد کے لیے دعائے مغفرت کی جبکہ زخمی اور بے گھر ہونے والے شہریوں کے لیے جلد صحت یابی اور بحالی کی نیک خواہشات کا اظہار کیا۔ انہوں نے ملائیشین ہم منصب کو بتایا کہ پاکستان مشکل وقت میں برادر ملک ملائیشیا کی ہر ممکن مدد اور معاونت فراہم کرنے کے لیے تیار ہے۔

سرکاری بیان میں کہا گیاکہ شہباز شریف کا ملائیشین وزیراعظم انور ابراہیم سے رابطہ کے دوران دونوں رہنماؤں نے اس موقع پر دوطرفہ تعلقات، باہمی تعاون اور خطے کی صورتحال پر بھی گفتگو کی اور رابطہ جاری رکھنے پر اتفاق کیا۔

Prime Minister Muhammad Shehbaz Sharif held a telephonic call today with the President of Indonesia, H.E. Prabowo Subianto.

On behalf of the Government and people of Pakistan, the Prime Minister extended heartfelt condolences and profound sympathy to the people and Government of… pic.twitter.com/OLgxWwRZdx
— Government of Pakistan (@GovtofPakistan) December 3, 2025