شہباز شریف کا طارق رحمان سے ٹیلیفونک رابطہ، بی این پی کی کامیابی پر مبارکباد، دونوں رہنماؤں نے باہمی دلچسپی کے امور اور خطے میں امن و ترقی کے حوالے سے تبادلہ خیال بھی کیا
اسلام آباد: وزیرِاعظم شہباز شریف نے طارق رحمان سے ٹیلیفونک رابطہ کر کے انہیں انتخابی کامیابی پر مبارکباد دی۔
وزیراعظم آفس سے جاری اعلامیے کے مطابق وزیراعظم نے بنگلادیش نیشنلسٹ پارٹی (بی این پی) کی کامیابی پر نیک تمناؤں کا اظہار کیا اور بنگلادیش کے عوام کو کامیاب عام انتخابات کے انعقاد پر مبارکباد پیش کی۔
اعلامیے میں کہا گیا ہے کہ وزیراعظم شہباز شریف کا طارق رحمان سے ٹیلیفونک رابطہ کے دوران پاکستان اور بنگلادیش کے درمیان دوطرفہ تعاون کو مزید فروغ دینے کے عزم کا اعادہ کیا۔ دونوں رہنماؤں نے باہمی دلچسپی کے امور اور خطے میں امن و ترقی کے حوالے سے تبادلہ خیال بھی کیا۔
اعلامیے کے مطابق شہباز شریف کا طارق رحمان سے ٹیلیفونک رابطہ میں دونوں رہنماؤں نے سابق وزیر اعظم بیگم خالدہ ضیا کی پاک بنگلادیش تعلقات کے لیے خدمات کو خراجِ عقیدت پیش کیا۔ اس موقع پر رابطے میں رہنے اور عوامی فلاح کے لیے مل کر کام کرنے پر بھی اتفاق کیا گیا۔
وزیراعظم شہباز شریف نے طارق رحمان کو جلد پاکستان کے دورے کی دعوت بھی دی۔
بنگلادیش انتخابات کے سرکاری نتائج
الیکشن کمیشن بنگلادیش کے مطابق 299 نشستوں پر ہونے والے پارلیمانی انتخابات میں بی این پی نے 212 نشستیں حاصل کر کے دو تہائی اکثریت حاصل کر لی ہے، جبکہ جماعت اسلامی بنگلادیش 77 نشستوں کے ساتھ دوسری بڑی جماعت بن کر سامنے آئی ہے۔
وزیراعظم محمد شہباز شریف کی پاکستانی عوام اور حکومت پاکستان کی جانب سے طارق الرحمٰن کو بنگلہ دیش کے پارلیمانی انتخابات میں بنگلہ دیش نیشنلسٹ پارٹی (BNP) کی شاندار کامیابی پر دل کی گہرائیوں سے مبارکباد
"بنگلہ دیش کی نئی قیادت کے ساتھ قریبی تعاون کا خواہاں ہوں تاکہ اپنے تاریخی،… pic.twitter.com/bC5MODEpKI
— Government of Pakistan (@GovtofPakistan) February 13, 2026
