اسلام آباد خودکش دھماکہ: وزیر اعلیٰ پنجاب مریم نواز کی کل بسنت کی تمام تقریبات منسوخ
اسلام آباد کے علاقے ترلائی میں امام بارگاہ خدیجتہ الکبریٰ میں خودکش دھماکے کے بعد وزیر اعلیٰ پنجاب مریم نواز نے کل بسنت کی تمام تقریبات منسوخ کرنے کا اعلان کر دیا۔ لبرٹی اسکوائر پر ہونے والا میگا بسنت شو بھی منسوخ کر دیا گیا ہے۔ مریم نواز نے قوم کو خوارج اور ان کے سہولت کاروں کے خلاف متحد رہنے کا پیغام دیا ہے۔
نواز شریف ایرانی سفیر ملاقات: پاک ایران تعلقات مضبوط بنانے پر اتفاق
مسلم لیگ ن کے صدر نواز شریف اور وزیراعلیٰ پنجاب مریم نواز سے ایرانی سفیر رضا امیری مقدم نے ملاقات کی، جس میں تجارت، توانائی اور علاقائی صورتحال پر تبادلہ خیال کیا گیا اور پاک ایران تعلقات کو مزید مضبوط بنانے پر اتفاق ہوا۔
جنید صفدر کی دعوت ولیمہ، فیلڈ مارشل عاصم منیر اور اہم شخصیات کی شرکت
وزیراعلیٰ پنجاب مریم نواز کے صاحبزادے جنید صفدر کی دعوتِ ولیمہ لاہور میں منعقد ہوئی، جس میں فیلڈ مارشل سید عاصم منیر سمیت اہم شخصیات نے شرکت کی۔
پنجاب لاؤڈ اسپیکر ایکٹ سخت، سوشل میڈیا پر شر انگیزی کے خلاف زیرو ٹالرنس پالیسی ، مریم نواز
وزیراعلیٰ پنجاب مریم نواز شریف نے امن و امان کے حوالے سے اعلیٰ سطحی اجلاس میں اہم فیصلے کیے ہیں۔ صوبے بھر میں لاؤڈ اسپیکر ایکٹ پر سختی سے عملدرآمد، سوشل میڈیا پر نفرت انگیز مواد کے خلاف زیرو ٹالرنس پالیسی، اور غیر قانونی غیر ملکیوں کے خلاف کارروائیاں شروع کرنے کا اعلان کیا گیا ہے۔ پنجاب حکومت نے واضح کر دیا کہ شدت پسندی، بدمعاشی اور مافیا کلچر کسی صورت برداشت نہیں کیا جائے گا۔
پیپلز پارٹی اتحادی جماعت، تعلقات کو احترام اور قدر کی نگاہ سے دیکھتے ہیں، وزیراعظم شہباز شریف
وزیراعظم شہباز شریف نے کہا ہے کہ پاکستان پیپلز پارٹی ہماری اتحادی جماعت ہے جس کے ساتھ تعلقات احترام اور قدر کی بنیاد پر قائم ہیں۔
وزیراعظم ہاؤس میں بلاول بھٹو زرداری کی قیادت میں پیپلز پارٹی وفد سے ملاقات کے دوران ملکی سیاسی صورتحال، غزہ امن معاہدے میں پاکستان کے کردار اور دونوں جماعتوں کے تعلقات پر تفصیلی گفتگو ہوئی۔
اس موقع پر دونوں جانب سے مخالفانہ بیان بازی کے خاتمے اور باہمی احترام کے تسلسل پر اتفاق کیا گیا۔
پنجاب کی ترقی سے جلنے والے دماغوں کی بھی صفائی کر رہی ہوں: مریم نواز کا ستھرا پنجاب پروگرام سے خطاب
وزیراعلیٰ پنجاب مریم نواز نے کہا کہ اگر میں پنجاب کی بات نہیں کروں گی تو کون کرے گا۔ لاہور میں ستھرا پنجاب پروگرام کی تقریب سے خطاب کرتے ہوئے انہوں نے کہا کہ صوبے میں صفائی اور ترقی کا انقلاب آ چکا ہے۔ مریم نواز نے صفائی کے عملے کو خراج تحسین پیش کیا اور کہا کہ وہ صرف سڑکوں کی نہیں بلکہ ایسے دماغوں کی صفائی بھی کر رہی ہیں جو پنجاب کی ترقی سے جلتے ہیں۔
مریم نواز کا سیلاب متاثرہ علاقوں کا دورہ، ریلیف کیمپ میں بچوں کے ساتھ کھانا کھایا
وزیراعلیٰ پنجاب مریم نواز نے سیلاب زدہ علاقوں کا دورہ کیا، متاثرین کے ساتھ بیٹھ کر کھانا کھایا اور عوام کو مکمل تعاون کی یقین دہانی کرائی۔
پنجاب سیلاب کا خطرہ ڈیڑھ لاکھ افراد کو محفوظ مقامات پر منتقل کر دیا گیا
نیشنل ڈیزاسٹر مینجمنٹ اتھارٹی (این ڈی ایم اے) کے مطابق پنجاب کے مختلف اضلاع میں شدید بارشوں اور دریاؤں میں پانی کی سطح بلند ہونے کے باعث اب تک ڈیڑھ لاکھ سے زائد افراد کو محفوظ مقامات پر منتقل کیا جا چکا ہے۔ دریائے ستلج میں پانی کا بہاؤ ایک لاکھ 95 ہزار کیوسک سے بڑھ گیا ہے جو انتہائی اونچے درجے کے سیلاب کی نشاندہی کرتا ہے۔ متاثرین میں سب سے زیادہ تعداد بہاولنگر کی ہے جہاں 89 ہزار سے زائد افراد نقل مکانی کر چکے ہیں۔ قصور، اوکاڑہ، پاکپتن، بہاولپور اور وہاڑی کے نشیبی علاقے بھی متاثر ہوئے ہیں۔ وزیراعلیٰ پنجاب مریم نواز نے سخت احکامات جاری کرتے ہوئے کہا کہ انسانی جانوں کے تحفظ میں کوئی کوتاہی برداشت نہیں کی جائے گی۔ ماہرین کے مطابق یہ صورتحال ماحولیاتی تبدیلیوں کا نتیجہ ہے، جس نے پاکستان کو دنیا کے سب سے زیادہ متاثرہ ممالک میں شامل کر دیا ہے۔
مریم نواز کا دورہ جاپان : جاپان کی ترقی کے ماڈل کو پنجاب میں لاگو کرنے کا عزم
وزیراعلیٰ پنجاب مریم نواز نے جاپان کے ترقیاتی ماڈل کو پنجاب میں نافذ کرنے کا عزم ظاہر کیا۔ ٹوکیو میں ملاقاتوں کے دوران ٹیکنالوجی، صحت، تعلیم، زراعت، صنعت اور ٹریفک نظام میں تعاون بڑھانے پر اتفاق ہوا۔ ماہرین کے مطابق یہ اقدام پنجاب کے لیے گیم چینجر ثابت ہو سکتا ہے۔