اردن کے شاہ عبداللہ دوم کا راولپنڈی میں جی آئی ڈی ایس کا دورہ،پاکستانی دفاعی صلاحیتوں اور جدید ٹیکنالوجی کی کھل کر تعریف
اردن کے شاہ عبداللہ دوم نے راولپنڈی میں جی آئی ڈی ایس کا دورہ کیا اور پاک فوج کی فائر اینڈ منور ایکسرسائز کا معائنہ کیا۔ فیلڈ مارشل عاصم منیر نے انہیں پاکستانی دفاعی صنعت پر بریفنگ دی، جبکہ وزیراعظم شہباز شریف بھی ٹلہ فائرنگ رینج میں موجود تھے۔
جنگ مسلط کی گئی تو وہی جواب دیں گے جو مئی میں دیا تھا، فیلڈ مارشل عاصم منیر کی شاہ عبداللہ دوم سےغیر رسمی گفتگو
فیلڈ مارشل عاصم منیر نے کہا ہے کہ پاکستان امن چاہتا ہے لیکن اگر بھارت نے جنگ مسلط کی تو جواب وہی ہوگا جو مئی میں دیا گیا تھا۔ ایوانِ صدر میں شاہ عبداللہ دوم کے اعزاز میں ظہرانے کے دوران گفتگو کرتے ہوئے انہوں نے کہا کہ اللہ پر بھروسہ کرنے والی قوموں کو کبھی شکست نہیں ہوتی اور پاکستان کی فتح اللہ کی مدد سے ممکن ہوئی۔
وانا کیڈٹ کالج میں افغان خوارجیوں کے خلاف آپریشن جاری، 115 افراد بحفاظت ریسکیو
جنوبی وزیرستان کے علاقے وانا میں سیکیورٹی فورسز نے کیڈٹ کالج میں چھپے افغان خوارجیوں کے خلاف آپریشن تیز کر دیا ہے۔ تین دہشت گردوں کو ایک مخصوص عمارت تک محدود کر دیا گیا ہے جبکہ 115 افراد کو بحفاظت نکال لیا گیا ہے۔ حملے کے دوران کالج میں تقریباً 650 افراد موجود تھے۔ فوج نے علاقے کو مکمل گھیرے میں لے لیا ہے اور آپریشن انتہائی احتیاط سے جاری ہے تاکہ کسی کیڈٹ کو نقصان نہ پہنچے۔
سیکیورٹی فورسز کی باجوڑ میں بڑی کارروائی، دراندازی کی کوشش ناکام، 4 دہشت گرد ہلاک
سیکیورٹی فورسز نے ضلع باجوڑ میں پاک–افغان سرحد پر دہشت گردوں کی دراندازی کی کوشش ناکام بناتے ہوئے چار دہشت گردوں کو ہلاک کر دیا۔ آئی ایس پی آر کے مطابق ہلاک ہونے والوں میں فتنۃ الخوارج کا اہم کمانڈر امجد عرف مزاحم بھی شامل ہے جو دہشت گرد کمانڈر نور ولی کا نائب تھا۔ وزیراعظم شہباز شریف اور وزیرِ داخلہ محسن نقوی نے کارروائی پر فورسز کو خراجِ تحسین پیش کیا۔
فیلڈ مارشل عاصم منیر کا اردن کا دورہ ، شاہ عبداللہ دوم سے ملاقات
اسلام آباد (رئیس الاخبار) — آرمی چیف فیلڈ مارشل عاصم منیر کے اردن کے سرکاری دورے کے دوران شاہ عبداللہ دوم سے ملاقات ہوئی، جس میں دفاعی تعاون، علاقائی سلامتی اور دوطرفہ تعلقات کے فروغ پر اتفاق کیا گیا۔ ماہرین کے مطابق یہ دورہ مشرقِ وسطیٰ میں دفاعی شراکت داری کے نئے دور کا آغاز ہے۔
چیئرمین جوائنٹ چیفس آف اسٹاف جنرل ساحر شمشاد مرزا کا دورہ بنگلادیش، پاک بنگلادیش دفاعی تعاون بڑھانے کا عزم
پاکستان اور بنگلادیش کے درمیان عسکری تعاون کے ایک نئے دور کا آغاز ہو گیا۔ جنرل ساحر شمشاد مرزا نے اپنے دورۂ ڈھاکہ میں اعلیٰ قیادت سے ملاقاتیں کیں جن میں دفاعی، سیکیورٹی اور تربیتی تعاون بڑھانے پر اتفاق کیا گیا۔ دونوں ممالک نے خطے میں امن و استحکام کے لیے مشترکہ اقدامات کا عزم ظاہر کیا۔
فتنۃ الخوارج کی پاک افغان سرحد سے دراندازی کی کوشش ناکام، 25 دہشتگرد ہلاک، 5 جوان شہید
پاک فوج نے شمالی وزیرستان اور کرم میں دہشت گردوں کی دراندازی کی کوشش ناکام بناتے ہوئے 25 دہشت گردوں کو ہلاک کر دیا، جن میں 4 خودکش بمبار بھی شامل تھے۔ آئی ایس پی آر کے مطابق کارروائی کے دوران پاک فوج کے 5 جوان شہید ہوئے۔ بیان میں بتایا گیا کہ دہشت گرد بھارتی حمایت یافتہ گروہ سے منسلک تھے اور ان کے قبضے سے بھاری اسلحہ اور دھماکہ خیز مواد برآمد ہوا۔
چیئرمین جوائنٹ چیفس آف اسٹاف جنرل ساحر شمشاد مرزا کا کا دورہ مالدیپ، دفاعی تعاون بڑھانے پر اتفاق
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے مالدیپ کا سرکاری دورہ کیا، جہاں انہوں نے صدرِ مالدیپ ڈاکٹر محمد معیظ، وزیرِ دفاع محمد غسان ماؤمون اور چیف آف ڈیفنس فورس میجر جنرل ابراہیم حلمی سے ملاقاتیں کیں۔ ملاقاتوں میں دفاعی تعاون، علاقائی سلامتی، اور تربیتی شراکت داری بڑھانے پر اتفاق کیا گیا۔ مالدیپ کی قیادت نے دہشت گردی کے خلاف پاک فوج کی قربانیوں کو خراجِ تحسین پیش کیا۔
فیلڈ مارشل عاصم منیر کا دورہ مصر:دفاعی تعاون، علاقائی امن اور امتِ مسلمہ کے اتحاد پر گفتگو
پاک فوج کے سربراہ فیلڈ مارشل سید عاصم منیر کے مصر کے سرکاری دورے کے دوران مصری قیادت سے دفاعی تعاون، علاقائی امن، اور امتِ مسلمہ کے اتحاد پر تفصیلی گفتگو ہوئی۔ فیلڈ مارشل نے مصر کے وزیر دفاع اور جامعہ الازہر کے شیخ اعظم سے ملاقاتیں کیں، جن میں دہشت گردی کے خلاف مشترکہ حکمتِ عملی، اسلامی دنیا کے اتحاد، اور خطے کے استحکام پر تبادلہ خیال کیا گیا۔
بلوچستان میں سیکیورٹی فورسز کی بڑی کامیابی: دالبندین میں فتنۃ الہندوستان کے 6 دہشت گرد ہلاک
بلوچستان کے ضلع دالبندین میں سیکیورٹی فورسز نے خفیہ اطلاع پر فتنۃ الہندوستان کے 6 خطرناک دہشت گردوں کو ہلاک کر دیا۔ کارروائی کے دوران بھارتی حمایت یافتہ نیٹ ورک کا خاتمہ کیا گیا۔ فورسز نے علاقے کو مکمل گھیرے میں لے کر کارروائی کی، جسے ملک بھر میں سراہا جا رہا ہے۔