فتنۃ الخوارج کی پاک افغان سرحد سے دراندازی کی کوشش ناکام، 25 دہشتگرد ہلاک، 5 جوان شہید
پاک فوج نے شمالی وزیرستان اور کرم میں دہشت گردوں کی دراندازی کی کوشش ناکام بناتے ہوئے 25 دہشت گردوں کو ہلاک کر دیا، جن میں 4 خودکش بمبار بھی شامل تھے۔ آئی ایس پی آر کے مطابق کارروائی کے دوران پاک فوج کے 5 جوان شہید ہوئے۔ بیان میں بتایا گیا کہ دہشت گرد بھارتی حمایت یافتہ گروہ سے منسلک تھے اور ان کے قبضے سے بھاری اسلحہ اور دھماکہ خیز مواد برآمد ہوا۔
چیئرمین جوائنٹ چیفس آف اسٹاف جنرل ساحر شمشاد مرزا کا کا دورہ مالدیپ، دفاعی تعاون بڑھانے پر اتفاق
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے مالدیپ کا سرکاری دورہ کیا، جہاں انہوں نے صدرِ مالدیپ ڈاکٹر محمد معیظ، وزیرِ دفاع محمد غسان ماؤمون اور چیف آف ڈیفنس فورس میجر جنرل ابراہیم حلمی سے ملاقاتیں کیں۔ ملاقاتوں میں دفاعی تعاون، علاقائی سلامتی، اور تربیتی شراکت داری بڑھانے پر اتفاق کیا گیا۔ مالدیپ کی قیادت نے دہشت گردی کے خلاف پاک فوج کی قربانیوں کو خراجِ تحسین پیش کیا۔
فیلڈ مارشل عاصم منیر کا دورہ مصر:دفاعی تعاون، علاقائی امن اور امتِ مسلمہ کے اتحاد پر گفتگو
پاک فوج کے سربراہ فیلڈ مارشل سید عاصم منیر کے مصر کے سرکاری دورے کے دوران مصری قیادت سے دفاعی تعاون، علاقائی امن، اور امتِ مسلمہ کے اتحاد پر تفصیلی گفتگو ہوئی۔ فیلڈ مارشل نے مصر کے وزیر دفاع اور جامعہ الازہر کے شیخ اعظم سے ملاقاتیں کیں، جن میں دہشت گردی کے خلاف مشترکہ حکمتِ عملی، اسلامی دنیا کے اتحاد، اور خطے کے استحکام پر تبادلہ خیال کیا گیا۔
بلوچستان میں سیکیورٹی فورسز کی بڑی کامیابی: دالبندین میں فتنۃ الہندوستان کے 6 دہشت گرد ہلاک
بلوچستان کے ضلع دالبندین میں سیکیورٹی فورسز نے خفیہ اطلاع پر فتنۃ الہندوستان کے 6 خطرناک دہشت گردوں کو ہلاک کر دیا۔ کارروائی کے دوران بھارتی حمایت یافتہ نیٹ ورک کا خاتمہ کیا گیا۔ فورسز نے علاقے کو مکمل گھیرے میں لے کر کارروائی کی، جسے ملک بھر میں سراہا جا رہا ہے۔
بلوچستان پاکستان کا فخر ہے، بھارتی اسپانسرڈ پراکسیز ختم کرنے کیلئے تمام ضروری اقدامات کریں گے: فیلڈ مارشل
راولپنڈی — پاک فوج کے سربراہ فیلڈ مارشل سید عاصم منیر نے 17ویں نیشنل ورکشاپ بلوچستان کے شرکا سے خطاب میں واضح کیا کہ ’’فتنہ انگیزی برداشت نہیں کی جائے گی‘‘۔ آئی ایس پی آر کے مطابق آرمی چیف نے بلوچستان کو پاکستان کا فخر قرار دیتے ہوئے کہا کہ صوبے کے عوام باصلاحیت اور محبِ وطن ہیں۔ انہوں نے بھارتی اسپانسرڈ پروپیگنڈا نیٹ ورکس اور ’’فتنۃ الہندوستان‘‘ جیسے عناصر کے خلاف سخت مؤقف اپناتے ہوئے کہا کہ پاک فوج عوام کے جان و مال کے تحفظ کے لیے ہر وقت تیار ہے۔ عاصم منیر نے بلوچستان میں ترقیاتی منصوبوں، نوجوانوں کی شمولیت، اور سول و عسکری ہم آہنگی کی ضرورت پر زور دیا۔ ان کا کہنا تھا کہ امن، خوشحالی اور خودمختاری کے لیے عوامی اعتماد بنیادی ستون ہے۔
صدرِ آصف علی زرداری سے فیلڈ مارشل عاصم منیر کی ملاقات، افغان سرحدی صورتحال اور پاک فوج ردعمل پر بریفنگ
صدر مملکت آصف علی زرداری سے فیلڈ مارشل سید عاصم منیر نے ایوان صدر میں ملاقات کی، جس میں افغان طالبان کے سرحدی حملوں، اسپن بولدک اور کُرم سیکٹر کی صورتحال پر بریفنگ دی گئی۔ صدر نے پاک فوج کے کردار، بہادری اور دفاعی تیاریوں کو سراہا اور قومی خودمختاری کے دفاع کے عزم کا اعادہ کیا۔
پاک افغان سرحد پر شدید جھڑپ؛ کرم سیکٹر میں افغان طالبان کی پوسٹیں تباہ، طالبان کی پھر بلااشتعال فائرنگ
کرم سیکٹر میں پاک-افغان سرحد پر ایک بار پھر افغان طالبان کی بلااشتعال فائرنگ، پاک فوج کے بروقت اور مؤثر جوابی کارروائی سے طالبان پوسٹوں اور ایک ٹینک کو تباہ کر دیا گیا۔ سیکیورٹی ذرائع کے مطابق متعدد طالبان ہلاک ہو کر پوسٹیں چھوڑ کر فرار ہوگئے۔ وزارتِ دفاع نے کشیدہ حالات کی تصدیق کرتے ہوئے کہا ہے کہ دونوں ممالک کے درمیان تعلقات منقطع ہیں اور کسی بھی وقت دوبارہ جھڑپیں شروع ہو سکتی ہیں۔ وزیراعظم شہباز شریف نے واضح کیا کہ اب دہشت گردی کے خلاف ٹھوس فیصلوں کا وقت آ چکا ہے۔
پولیس ٹریننگ سینٹر ڈیرہ اسمٰعیل خان میں حملہ،جوابی کارروائی میں 3 دہشتگرد ہلاک
ڈیرہ اسمٰعیل خان کے پولیس ٹریننگ سینٹر پر بھارتی ہتھیاروں سے لیس دہشت گردوں نے خودکش حملہ کر دیا۔ ایک دہشت گرد نے خود کو مرکزی دروازے پر اڑا لیا، جبکہ پولیس کی جوابی کارروائی میں دو دہشت گرد ہلاک ہوئے۔ علاقے میں شدید فائرنگ کا سلسلہ جاری ہے، فوج اور پولیس نے مشترکہ آپریشن شروع کر دیا۔ شواہد کے مطابق دہشت گرد بھارتی اسلحے سے مسلح تھے، جس سے بیرونی مداخلت کے خدشات بڑھ گئے ہیں۔
عاصم منیر کی زیرصدارت کورکمانڈر کانفرنس: بھارتی قیادت کے اشتعال انگیز بیانات پر سخت برہمی کا اظہار
راولپنڈی میں فیلڈ مارشل عاصم منیر کی زیر صدارت کورکمانڈر کانفرنس میں بھارتی قیادت کے اشتعال انگیز بیانات پر شدید برہمی کا اظہار کیا گیا۔ اوراکزئی میں انٹیلی جنس بنیاد پر کارروائی کے دوران 19 دہشت گرد ہلاک اور 11 پاکستانی اہلکار شہید ہوئے۔ پاک فوج نے کہا کہ ہر جارحیت کا منہ توڑ جواب دیا جائے گا۔
تیراہ میں فضائی بمباری انسانی حقوق کمیشن کی تشویش اور شہریوں کی اموات پر صدمے کا اظہار
خیبر پختونخوا کے ضلع خیبر کی وادی تیراہ میں مبینہ فضائی بمباری کے نتیجے میں خواتین اور بچوں سمیت متعدد شہریوں کی ہلاکت کی اطلاعات نے ملک بھر میں غم و غصے کی لہر دوڑا دی ہے۔ انسانی حقوق کمیشن آف پاکستان (ایچ آر سی پی) نے اسے آئینی حقوق کی خلاف ورزی قرار دیتے ہوئے فوری اور شفاف تحقیقات کا مطالبہ کیا ہے۔ صوبائی اسمبلی کے اسپیکر بابر سواتی اور وزیر اعلیٰ کے معاون خصوصی سہیل آفریدی نے بھی واقعے پر افسوس کا اظہار کیا اور متاثرہ خاندانوں کو معاوضہ اور ریلیف فراہم کرنے پر زور دیا۔ قومی اسمبلی کے رکن محمد اقبال خان آفریدی نے اسے قبائلی عوام کے ساتھ مسلسل زیادتی قرار دیا۔ ابھی تک وفاقی یا صوبائی حکومت کا باضابطہ مؤقف سامنے نہیں آیا۔ ماضی میں بھی شمالی و جنوبی وزیرستان میں اس نوعیت کے واقعات ہو چکے ہیں، جس سے شہریوں کے جان و مال کے تحفظ پر سنگین سوالات اٹھتے ہیں۔ عوام نے انصاف کے مطالبے کے لیے احتجاج اور دھرنے کا اعلان کیا ہے۔