آرمی چیف عاصم منیر سے مصری وزیر خارجہ کی ملاقات، دفاعی و سیکیورٹی تعاون پر تبادلہ خیال

آرمی چیف عاصم منیر سے مصری وزیر خارجہ کی ملاقات — دفاعی و سیکیورٹی تعاون پر تبادلہ خیال، ملاقات میں بدلتی ہوئی علاقائی و عالمی سیکیورٹی صورتحال کا بھی جائزہ لیا گیا

آرمی چیف فیلڈ مارشل عاصم منیر سے مصر کے وزیرِ خارجہ ڈاکٹر بدر احمد محمد عبدالعاطی نے ملاقات کی، جس میں پاکستان اور مصر کے درمیان دوطرفہ تعلقات، دفاعی تعاون، سیکیورٹی روابط اور علاقائی حالات پر تفصیلی تبادلۂ خیال کیا گیا۔

آئی ایس پی آر کے مطابق آرمی چیف عاصم منیر سے مصری وزیر خارجہ کی ملاقات میں دونوں برادر ممالک کے درمیان دفاع، سیکیورٹی، عسکری تربیت، اور اسٹریٹجک شعبوں میں جاری تعاون کا جائزہ لیا گیا۔ فریقین نے دفاعی تعلقات کو مزید مضبوط بنانے اور اعلیٰ سطح کے روابط کو فروغ دینے پر بھی اتفاق کیا۔

مصر کے وزیرِ خارجہ نے پاکستانی قیادت کے ساتھ اظہارِ یکجہتی کرتے ہوئے اپنی قیادت کی جانب سے نیک خواہشات پہنچائیں۔ انہوں نے کہا کہ مصر پاکستان کے ساتھ تمام شعبوں—خصوصاً دفاعی اور اسٹریٹجک میدانوں—میں تعاون بڑھانے کا خواہاں ہے۔ عاصم منیر سے مصری وزیر خارجہ کی ملاقات میں بدلتی ہوئی علاقائی و عالمی سیکیورٹی صورتحال کا بھی جائزہ لیا گیا اور مشترکہ چیلنجز سے نمٹنے کے لیے اعلیٰ سطح پر رابطوں کی اہمیت پر زور دیا گیا۔

#ISPR
Rawalpindi, 1 December, 2025

H.E Dr. Badr Ahmed Mohamed Abdelatty, Foreign Minister of the Arab Republic of #Egypt, called on Field Marshal Syed Asim Munir, NI (M), HJ, Chief of Army Staff (#COAS), #Pakistan Army at Rawalpindi today. #AsimMunir #CDF #PakistanArmy

During… pic.twitter.com/Mm23ufVVDg
— Pakistan Armed Forces News 🇵🇰 (@PakistanFauj) December 1, 2025