میکسیکو کے تاماولی پاس میں ایک نایاب اور منفرد چوکور انسانی کھوپڑی دریافت ہوئی ہے۔ یہ کھوپڑی قدیم میسوامیریکن معاشرتی رسومات سے تعلق رکھتی ہے اور ماہرین کے مطابق یہ اس فرد کے غیر معمولی سماجی مقام یا روحانی حیثیت کی نشانی ہو سکتی ہے۔
عالمی بلین مارکیٹ میں فی اونس سونا 19 ڈالر سستا ہونے کے بعد پاکستان میں بھی فی تولہ سونے کی قیمت 1900 روپے کم ہوکر 4 لاکھ 41 ہزار 862 روپے رہ گئی۔
وزیراعلیٰ خیبرپختونخوا سہیل آفریدی بانی پی ٹی آئی کی صحت سے متعلق خدشات کے باعث اڈیالہ جیل پہنچے مگر پنجاب پولیس نے انہیں فیکٹری ناکے پر روک دیا جس کے بعد انہوں نے وہیں دھرنا دے دیا۔ وزیراعلیٰ کے ہمراہ ایم این اے شاہد خٹک، ایم پی اے مینا خان آفریدی اور دیگر رہنما بھی موجود تھے۔ جیل روڈ اور اطراف میں سخت سیکیورٹی تعینات ہے جبکہ متعدد ناکوں پر اضافی نفری گشت کر رہی ہے۔ میڈیا سے گفتگو میں سہیل آفریدی نے کہا کہ بانی پی ٹی آئی کی طبیعت ناسازی کی خبریں تشویش بڑھا رہی ہیں، ہم آج ملاقات چاہتے ہیں تاکہ حقیقت سامنے آئے۔ انہوں نے دعویٰ کیا کہ انتخابات میں عوام کا اعتماد متاثر ہوا ہے اور 95 فیصد ووٹر گھروں میں رہے، جو بانی پی ٹی آئی کے ساتھ یکجہتی کا اظہار ہے۔ وزیراعلیٰ نے کہا کہ ملاقات نہ ہونے پر خدشات بڑھ رہے ہیں اور وہ تمام قانونی راستوں پر غور کر رہے ہیں۔ موجودہ حکومت پر بھاری مالی بے ضابطگیوں کے الزامات بھی لگائے۔
وزیراعظم شہباز شریف نے بحرین کی بزنس کمیونٹی کو پاکستان میں سرمایہ کاری کی دعوت دیتے ہوئے کہا کہ دونوں ممالک زراعت، آئی ٹی، مصنوعی ذہانت اور ٹیکنالوجی سمیت متعدد شعبوں میں شراکت داری بڑھا سکتے ہیں۔ انہوں نے کہا کہ پاکستان کی 60 فیصد نوجوان آبادی ملک کی سب سے بڑی طاقت ہے، جسے جدید ٹیکنالوجی اور ہنر مند تربیت کے ذریعے عالمی معیشت کا فعال حصہ بنایا جا رہا ہے۔
نائب وزیرِ اعظم و وزیر خارجہ اسحٰق ڈار نے برسلز میں یورپی یونین کے وزارتی فورم سے خطاب کرتے ہوئے کہا کہ خطے میں کچھ عناصر امن تباہ کرنا چاہتے ہیں جبکہ مسئلہ کشمیر کا پُرامن حل کشمیری عوام کی امنگوں کے مطابق ہونا چاہیے۔ انہوں نے کہا کہ مسئلہ کشمیر حل کیے بغیر جنوبی ایشیا میں پائیدار امن ممکن نہیں، عالمی چیلنجز سے نمٹنے کے لیے باہمی تعاون ضروری ہے۔
ایپل نے آئی او ایس 26 متعارف کرایا ہے، جانیں کن آئی فونز کو اپ ڈیٹ ملے گا اور کون سے ماڈلز سپورٹ سے باہر ہو گئے۔
