وزیراعظم شہباز شریف کا بحرین بزنس کمیونٹی سے خطاب پاکستان میں سرمایہ کاری کی دعوت اقتصادی تعلقات کو نئی بلندیوں تک لے جانے کا خواہاں
منامہ (رئیس الاخبار) :— وزیراعظم پاکستان شہباز شریف نے بحرین کی بزنس کمیونٹی کو پاکستان میں سرمایہ کاری کی دعوت دیتے ہوئے زراعت، آئی ٹی، مصنوعی ذہانت اور ٹیکنالوجی سمیت مختلف شعبوں میں دوطرفہ تعاون کو وقت کی اہم ضرورت قرار دیا ہے۔
وزیراعظم شہباز شریف نے بحرین کے دارالحکومت منامہ میں کاروباری برادری اور سرمایہ کاروں سے خطاب کرتے ہوئے کہا کہ پاکستان بحرین کے ساتھ اقتصادی تعلقات کو نئی بلندیوں تک لے جانے کا خواہاں ہے، اور اس کے لیے دونوں ممالک کے پاس بے شمار مواقع موجود ہیں۔
اسٹریٹجک تعلقات کو معاشی شراکت داری میں تبدیل کرنے کا وقت
وزیراعظم نے کہا کہ پاکستان اور بحرین کے درمیان کئی دہائیوں سے مضبوط اسٹریٹجک تعاون موجود ہے جو مذہبی، ثقافتی اور عوامی روابط پر مبنی ہے۔
انہوں نے کہا:
"میں یہاں مہمان بن کر نہیں آیا بلکہ اپنے بحرینی بھائیوں اور بہنوں سے ملاقات کے لیے آیا ہوں، اب وقت ہے کہ ان شاندار تعلقات کو حقیقی اقتصادی شراکت داری میں بدلیں۔”
شہباز شریف کا بحرین بزنس کمیونٹی سے خطاب میں مزید کہا کہ دونوں ممالک علم، تجربے اور مشترکہ کوششوں کے ذریعے ہم آہنگی اور دیرپا اقتصادی تعاون کو فروغ دے سکتے ہیں۔
پاکستان کی نوجوان آبادی — سب سے بڑی قوت
اپنے خطاب میں وزیراعظم نے پاکستان کی نوجوان آبادی کو ملک کی سب سے بڑی طاقت قرار دیتے ہوئے کہا کہ:
پاکستان کی 60 فیصد آبادی 15 سے 30 سال کے نوجوانوں پر مشتمل ہے
حکومت ان نوجوانوں کو آئی ٹی، مصنوعی ذہانت اور جدید ٹیکنالوجی میں تربیت دینے کے لیے پُرعزم ہے
پیشہ ورانہ ہنر مندی اور ٹیکنیکل ٹریننگ کے ذریعے پاکستان دنیا کی جدید مارکیٹ میں اہم کردار ادا کر سکتا ہے
انہوں نے کہا کہ پاکستان اس چیلنج کو ایک موقع کے طور پر دیکھ رہا ہے۔
سرمایہ کاری کے لیے بہترین وقت — شہباز شریف
شہباز شریف کا بحرین بزنس کمیونٹی سے خطاب میں کہا کہ پاکستان اور بحرین مل کر ٹیکنالوجی، زراعت، خوراک کی سیکیورٹی، توانائی اور مالیاتی شعبوں میں بڑی پیش رفت کر سکتے ہیں۔
شہباز شریف کا بحرین بزنس کمیونٹی سے خطاب میں بزنس کمیونٹی کو یقین دلایا کہ پاکستان کا اسٹریٹجک محل وقوع، وسیع صارف مارکیٹ، افرادی قوت اور قدرتی وسائل بحرین کی سرمایہ کاری کے لیے بہترین بنیاد فراہم کرتے ہیں۔
پاکستانی کمیونٹی بحرین اور پاکستان کے درمیان پل ہے
وزیراعظم نے بحرین میں مقیم پاکستانیوں کا خصوصی ذکر کرتے ہوئے کہا کہ:
"دنیا کے ہر ملک میں پاکستانی اپنی محنت، وفاداری اور خدمت سے ہمارے قومی وقار میں اضافہ کرتے ہیں۔ بحرین میں بھی یہ جذبہ کسی شک سے بالاتر ہے۔”
انہوں نے بحرین کی قیادت کا پاکستانی کمیونٹی کے لیے محبت اور تعاون پر شکریہ ادا کیا۔
پاکستان کے ساتھ کام کریں — ممکنات لامحدود ہیں
وزیراعظم شہباز شریف کا بحرین بزنس کمیونٹی سے خطاب میں کہا کہ اگر بحرین اپنی مالیاتی مہارت اور کاروباری تجربے کو پاکستان کے وسائل اور استعداد کے ساتھ جوڑ دے تو "بے حد اور بے شمار” مواقع پیدا ہو سکتے ہیں۔
انہوں نے کاروباری افراد سے کہا:
"اگر آپ پاکستان کے ساتھ کام کرنے میں دلچسپی رکھتے ہیں تو آئیے اس لمحے کو جرأت مند معاشی تعاون کے آغاز کا سنگِ میل بنائیں۔”
“The Pakistan GCC Free Trade Agreement has been nearly finalized and is expected to be signed soon. This milestone will significantly enhance trade between Pakistan and the GCC countries, particularly with Bahrain.
We are eager to partner with Bahraini entrepreneurs and stand… pic.twitter.com/XlHiBgewla
— Government of Pakistan (@GovtofPakistan) November 27, 2025
