ٹک ٹاکر شمسو بی بی عرف عائشہ گلامنہ کے قتل کا معمہ حل، والد اور بھائی سمیت 5 ملزمان گرفتار

راولپنڈی پولیس نے ٹیکسلا میں ٹک ٹاکر شمسو بی بی عرف عائشہ گلامنہ کے قتل کا معمہ حل کرنے کا دعویٰ کرتے ہوئے والد اور بھائی سمیت 5 ملزمان کو گرفتار کرلیا۔ ایس ایس پی آپریشنز طارق محبوب کے مطابق عائشہ کو مبینہ طور پر غیرت کے نام پر قتل کیا گیا اور واقعے میں اس کے قریبی رشتہ دار بھی ملوث ہیں۔
راولپنڈی میں فوج کی تین کمپنیاں 6 ماہ کیلئے تعینات کرنے کی منظوری

وفاقی حکومت نے پنجاب حکومت کی درخواست پر راولپنڈی میں پاکستان آرمی کی تین کمپنیوں کو چھ ماہ کے لیے تعینات کرنے کی منظوری دے دی۔ وزارت داخلہ کے مطابق فوجی دستے حساس سکیورٹی ڈیوٹیز انجام دیں گے اور کسی بھی غیر متوقع صورتحال سے نمٹنے کے لیے ضلعی انتظامیہ کی معاونت کریں گے۔
میزان بینک چھٹی بار پاکستان کا بہترین بینک قرار

میزان بینک نے گیارہویں پاکستان بینکنگ ایوارڈز میں چھٹی مرتبہ پاکستان کے بہترین بینک کا اعزاز حاصل کرلیا۔ بینک آف پنجاب نے تین مختلف شعبوں میں کامیابی حاصل کی، جبکہ دیگر بڑے بینکوں کو بھی مختلف کیٹیگریز میں ایوارڈز دیے گئے۔
سی ڈی اے کی ڈی وی سی کے چار اجلاسوں میں کمرشل بلڈنگ پلانز کا جائزہ،40کیسز میں سے 23 کیسز کی منظوری

سی ڈی اے کی ڈیزائن ویٹنگ کمیٹی کے گزشتہ چار اجلاسوں میں 40 کمرشل بلڈنگ پلانز کا جائزہ لیا گیا، جن میں سے 23 کیسز منظور کرلیے گئے جبکہ 8 کیسز ضروری دستاویزات مکمل نہ ہونے پر واپس لے لیے گئے۔
سرکاری افسران کے قبل ازوقت ریٹائر منٹ لینے کے رجحان میں اضافہ

سرکاری افسران کی قبل ازوقت ریٹائرمنٹ کا رجحان بڑھنے لگا، رواں سال صرف 5 ماہ میں 4 سینئر سرکاری افسران قبل ازوقت ریٹائر ہوگئے جبکہ گزشتہ 3 سال کے دوران 9 افسران نے مدت ملازمت مکمل ہونے سے پہلے ریٹائرمنٹ لی۔
شہباز شریف کی نواز شریف سے ملاقات، اہم سیاسی امور پر مشاورت

وزیراعظم شہباز شریف نے جاتی امراء میں مسلم لیگ ن کے سربراہ نواز شریف سے ملاقات کی، جس میں ملکی سیاسی صورتحال، اہم سیاسی معاملات، بانی پی ٹی آئی کی ہسپتال منتقلی اور اپوزیشن جماعتوں کے ممکنہ اتحاد پر مشاورت کی گئی۔
فیلڈ مارشل عاصم منیر کل تہران پہنچیں گے، دوطرفہ تعاون ایجنڈے میں شامل

فیلڈ مارشل عاصم منیر کل تہران کا دورہ کریں گے۔ ایرانی وزارت خارجہ کے مطابق دورے کا مقصد پاکستان اور ایران کے درمیان دوطرفہ تعاون کو مزید مضبوط بنانا جبکہ علاقائی امن و سلامتی کے فروغ کے لیے کوششوں کو آگے بڑھانا ہے۔
اسحاق ڈار کل سے 28 اگست تک برطانیہ کے سرکاری دورے پر روانہ ہوں گے

نائب وزیر اعظم و وزیر خارجہ اسحاق ڈار کل سے 28 اگست تک برطانیہ کا سرکاری دورہ کریں گے، جہاں وہ برطانوی وزیر خارجہ، وزیر مملکت، دیگر اعلیٰ حکام، ارکان پارلیمنٹ اور پاکستانی کمیونٹی کے نمائندوں سے ملاقاتیں کریں گے۔
23 اگست یومِ نیلہ بٹ، آزادیٔ کشمیر کی جدوجہد کا اہم سنگِ میل

یومِ نیلہ بٹ ہر سال 23 اگست کو تحریکِ آزادیٔ کشمیر کے ایک اہم تاریخی سنگِ میل کے طور پر منایا جاتا ہے۔ 1947 میں نیلہ بٹ کے مقام پر کشمیری مسلمانوں، سیاسی کارکنان اور سابق فوجیوں کا اجتماع ہوا، جہاں ڈوگرہ حکومت کے خلاف مزاحمت اور ریاست کے پاکستان سے الحاق کے مطالبے نے نمایاں شکل اختیار کی۔
بنگلادیش کا پاک ترک سعودی دفاعی معاہدے میں شمولیت پر غور، وزیراعظم طارق رحمان کا جلد دورہ سعودی عرب متوقع

بنگلادیش نے پاکستان، ترکیہ اور سعودی عرب کے درمیان دفاعی تعاون کے فریم ورک میں ممکنہ شمولیت کا عندیہ دے دیا ہے۔ بنگلادیشی وزارت خارجہ کے ایڈوائزر ہمایوں کبیر کے مطابق ڈھاکا اقتصادی یا دفاعی فریم ورک میں شامل ہونے پر غور کرسکتا ہے