آئل اینڈ گیس ریگولیٹری اتھارٹی (اوگرا) نے 2 ستمبر 2026 کے لیے پیٹرولیم مصنوعات کی قیمتوں میں اضافے کا نوٹیفکیشن جاری کردیا ہے۔ نئی قیمتوں کا اطلاق رات 12 بجے سے ہوگا، جس کے بعد عوام کو پیٹرولیم مصنوعات کی خریداری پر اضافی قیمت ادا کرنا ہوگی۔
بلوچستان میں 31 اگست اور یکم ستمبر کی درمیانی شب دہشت گردوں نے کسٹمز ہاؤس میں داخل ہونے کی کوشش کی، جسے سکیورٹی فورسز نے ناکام بنا دیا۔ آئی ایس پی آر کے مطابق حملے اور مختلف انسداد دہشت گردی کارروائیوں میں مجموعی طور پر 21 دہشت گرد ہلاک ہوئے جبکہ دو افسران، تین سکیورٹی اہلکاروں اور کسٹمز کے ایک اہلکار سمیت 6 افراد نے جام شہادت نوش کیا۔
پاکستان نے شنگھائی تعاون تنظیم (ایس سی او) کی 2026-27 کی چیئرمین شپ سنبھال لی ہے۔ نائب وزیراعظم اور وزیر خارجہ اسحاق ڈار نے بشکیک میں ایس سی او کے سیکرٹری جنرل سے ملاقات کرتے ہوئے پاکستان کی ترجیحات اور حکمت عملی سے آگاہ کیا، جبکہ تنظیم کی جانب سے مکمل تعاون کی یقین دہانی کرائی گئی۔
پاکستان میں سونے کی قیمت میں ایک بار پھر کمی ریکارڈ کی گئی ہے۔ 24 کیرٹ فی تولہ سونا 1,800 روپے سستا ہو کر 4 لاکھ 66 ہزار 136 روپے کا ہوگیا، جبکہ عالمی مارکیٹ میں بھی فی اونس سونے کی قیمت 18 ڈالر کم ہوئی۔
ارجنٹائن کے عظیم فٹبالر لیونل میسی نے بین الاقوامی فٹبال سے ریٹائرمنٹ کا اعلان کردیا۔ 39 سالہ میسی نے کہا کہ انہوں نے قومی ٹیم کے لیے اپنا سب کچھ دے دیا اور اب وقت آگیا ہے کہ ایک باب اختتام پذیر ہو۔
جی ایچ کیو راولپنڈی میں ترک مسلح افواج کے یوم فتح کی 104ویں سالگرہ کے موقع پر پروقار تقریب منعقد ہوئی، جس میں پاکستان اور ترکیہ کے دیرینہ دفاعی و تزویراتی تعلقات کو اجاگر کیا گیا۔
چیئرمین پیپلزپارٹی بلاول بھٹو زرداری نے اپنی منگنی اور شادی سے متعلق سوشل میڈیا پر گردش کرنے والی خبروں کی تردید کرتے ہوئے کہا ہے کہ نہ بات پکی ہوئی اور نہ منگنی ہوئی ہے۔
چیئرمین پاکستان ورچوئل ایسٹس ریگولیٹری اتھارٹی بلال بن ثاقب نے دعویٰ کیا ہے کہ پاکستان دنیا کی تیسری بڑی کرپٹو مارکیٹ بن چکا ہے اور 4 کروڑ پاکستانیوں کے کرپٹو اکاؤنٹس ہیں۔
FPSC نے CSS 2026 کے تحریری امتحان کا نتیجہ جاری کردیا، 17 ہزار 351 امیدواروں میں سے صرف 476 کامیاب قرار پائے، کامیابی کا تناسب 2.74 فیصد رہا۔
وزیراعظم شہباز شریف کی ایرانی صدر سے اہم ملاقات ہوئی، جس میں پاکستان اور ایران کے دوطرفہ تعلقات مزید مضبوط بنانے اور مختلف شعبوں میں تعاون بڑھانے پر اتفاق کیا گیا۔
| فجر | 04:16 AM |
| طلوع آفتاب | 05:42 AM |
| ظہر | 12:08 PM |
| عصر | 03:44 PM |
| مغرب | 06:33 PM |
| عشاء | 07:59 PM |
