ایف بی آر سگریٹ کیس میں ایف آئی اے نے انکشاف کیا ہے کہ صوابی کے گودام سے 25 کروڑ روپے مالیت کے سگریٹ کے 2,828 کارٹن غائب ہوئے۔ مقدمے میں ایف بی آر اور پیراماؤنٹ کمپنی کے مجموعی طور پر 8 افراد نامزد کیے گئے ہیں، جبکہ تفتیش میں مزید کردار سامنے آنے کا امکان ہے۔
پاکستان اور سعودی عرب نے سفارتی اور سرکاری خصوصی پاسپورٹ رکھنے والوں کے لیے ویزے کی شرائط کے خاتمے کے معاہدے پر دستخط کر دیے۔ وزیر خارجہ اسحاق ڈار نے نیویارک میں سعودی ہم منصب شہزادہ فیصل بن فرحان سے ملاقات میں دوطرفہ تعلقات پر بھی تبادلہ خیال کیا۔
وزیراعظم شہباز شریف اقوام متحدہ کی جنرل اسمبلی میں شرکت کے لیے نیویارک پہنچ گئے۔ وہ 25 ستمبر کو خطاب کرتے ہوئے علاقائی و عالمی سلامتی، مقبوضہ کشمیر اور فلسطین سمیت اہم امور پر پاکستان کا مؤقف پیش کریں گے۔
فیلڈ مارشل سید عاصم منیر نے پشاور کور ہیڈکوارٹرز کا دورہ کیا جہاں انہیں خیبرپختونخوا کی سکیورٹی صورتحال اور انسدادِ دہشتگردی کارروائیوں پر بریفنگ دی گئی۔ انہوں نے فارمیشنز کو چوکس رہنے کی ہدایت کی اور کہا کہ مسلح افواج پائیدار امن و استحکام کے لیے پرعزم ہیں۔
امریکی صدر ڈونلڈ ٹرمپ نے AI فورس بنانے اور نئے AI Czar کی تقرری کا اعلان کردیا، تاہم نئی فورس کے دائرہ کار اور اختیارات کی تفصیلات تاحال واضح نہیں۔
پاکستان اور چین نے مشترکہ سرحدی کمیشن فعال کردیا، اسلام آباد نے اسے سرحدی انتظام، تجارت اور رابطوں کے لیے اہم قدم قرار دیا جبکہ بھارت نے اقدام مسترد کردیا۔
سہیل آفریدی نے پشاور میں پریس کانفرنس کرتے ہوئے کہا کہ 27 ستمبر کو پرامن احتجاج کے لیے بھرپور طاقت کے ساتھ نکلا جائے گا۔ ان کے مطابق تصادم کا ارادہ نہیں، جبکہ احتجاج کا تمام پلان 25 ستمبر کو بتایا جائے گا۔
مولانا فضل الرحمان نے اسلام آباد میں پریس کانفرنس کے دوران امن و امان، مہنگائی، قرضوں اور احتجاج کے حق پر تشویش ظاہر کی۔ ان کا کہنا تھا کہ ملک میں آئین و قانون کی بالادستی اور عوام کے بنیادی حقوق کے تحفظ کے لیے مؤثر اقدامات ضروری ہیں۔
محسن نقوی تہران پہنچ گئے جہاں ایرانی وزیر داخلہ اسکندر مومنی نے ان کا استقبال کیا۔ ذرائع کے مطابق ایرانی اعلیٰ قیادت سے ملاقاتوں میں خطے کی صورتحال اور باہمی دلچسپی کے امور زیر بحث آئیں گے۔
MDCAT 2026 میں ملک بھر اور سعودی عرب سے 138,158 امیدوار رجسٹرڈ ہوئے، جبکہ کراچی میں 10,964 امیدواروں نے امتحان دیا۔
میمن گوٹھ کے قریب ڈی بلوچ لنک روڈ پر پولیس افسر کی گاڑی حادثے کا شکار ہوگئی، حادثے میں گن مین پرویز جاں بحق جبکہ پولیس افسر ممتاز بروہی زخمی ہوگئے۔
اسلام آباد میں احتجاجی مارچز کے پیش نظر 24 سرکاری تعلیمی ادارے 22 ستمبر سے بند رکھنے کا فیصلہ کیا گیا ہے، جبکہ اضافی سکیورٹی اہلکاروں کی رہائش کے لیے سرکاری اسکولوں اور دیگر عمارتوں کے استعمال کا انتظام کیا جا رہا ہے۔
سندھ کے 5 اضلاع کے اگست میں لیے گئے ماحولیاتی نمونوں میں پولیو وائرس کی تصدیق ہوئی ہے، کراچی کے 4 اضلاع اور حیدرآباد کے نمونوں میں وائرس پایا گیا۔
حوثیوں نے دعویٰ کیا ہے کہ سعودی عرب نے یمن کے مختلف علاقوں میں 24 گھنٹوں کے دوران 28 فضائی حملے کیے، جبکہ امریکی سی آئی اے ڈائریکٹر جان ریٹکلف قاہرہ پہنچ گئے ہیں۔
مسجد الحرام کے مؤذن شیخ ابراہیم المدنی انتقال کرگئے، حرمین کے ایکس اکاؤنٹ پر ان کی تصویر اور وفات کی اطلاع جاری کردی گئی۔
ہنگو میں خوارج کے ساتھ فائرنگ کے تبادلے میں شہید ہونے والے پاک فوج کے 6 اہلکاروں کی نماز جنازہ ادا کردی گئی، وزیر داخلہ محسن نقوی، گورنر خیبرپختونخوا اور سینئر سول و عسکری حکام نے شرکت کی۔
وزیر داخلہ محسن نقوی نے کہا ہے کہ اسلام آباد پر دھاوا بولنے کی کوشش کا کوئی فائدہ نہیں ہوگا، حکومت اس بار ملک کو کئی روز تک بند رکھنے والی صورتحال پیدا نہیں ہونے دے گی۔
سیاسی جماعتوں کے احتجاج اور لانگ مارچ کے پیش نظر خیبرپختونخوا سے اسلام آباد آنے والے راستوں پر سکیورٹی سخت کرنے کی تیاری، مختلف مقامات پر خندقیں اور رکاوٹیں بنانے کا فیصلہ۔
امریکا، ڈنمارک اور گرین لینڈ کے درمیان سکیورٹی معاہدہ طے پاگیا، ٹرمپ نے گرین لینڈ کی سکیورٹی پر مستقل امریکی کنٹرول کا دعویٰ کیا جبکہ ڈنمارک نے خودمختاری برقرار رہنے کی بات کی۔
ہنگو سیکیورٹی فورسز آپریشن کے دوران قافلے اور خوارج کے مابین شدید فائرنگ کے تبادلے میں 8 خوارج جہنم واصل ہو گئے، جبکہ کیپٹن ابوذر فاروق اور لیفٹیننٹ شیراز بابر سمیت 2 افسران اور 6 جوان وطن کی مٹی پر قربان ہوئے۔ آئی ایس پی آر کے مطابق علاقے میں سینیٹائزیشن آپریشن جاری ہے۔
پاکستان کے معروف کامیڈین اور اسٹیج اداکار آصف اقبال دل کا دورہ پڑنے کے بعد انتقال کرگئے، اہلِ خانہ نے ان کے انتقال کی تصدیق کردی۔
بانی پی ٹی آئی عمران خان کی بہن علیمہ خان کو لاہور میں 3-MPO کے تحت حراست میں لے لیا گیا، ڈپٹی کمشنر لاہور کے حکم میں 30 روزہ حراست کا ذکر ہے۔
پیٹرول قیمت 1000 روپے فی لیٹر تک پہنچنے کا خدشہ وفاقی وزیر پیٹرولیم علی پرویز ملک نے ظاہر کر دیا۔ لاہور میں میڈیا سے گفتگو میں انہوں نے کہا کہ فی الحال ملک میں پیٹرول کی کوئی قلت نہیں، تاہم قلت پیدا ہونے کی صورت میں قیمت غیر معمولی حد تک بڑھ سکتی ہے۔
اسلام آباد اسپتال ہائی الرٹ کا نوٹیفکیشن جاری — سیاسی جماعتوں کے احتجاج اور لانگ مارچ کے اعلان کے بعد پمز اور پولی کلینک سمیت وفاقی اسپتالوں میں ہنگامی صورتحال سے نمٹنے کی تیاریاں مکمل، طبی و غیر طبی شعبوں کے سربراہان کی چھٹیوں پر پابندی عائد کر دی گئی۔
قلات سکیورٹی فورسز آپریشن میں 5 دہشت گرد ہلاک جبکہ 23 مغوی شہری بحفاظت بازیاب کرالیے گئے۔ صدر مملکت، وزیراعظم اور وفاقی وزیر داخلہ نے سکیورٹی فورسز کی کارروائی کو سراہا۔
| فجر | 04:52 AM |
| طلوع آفتاب | 06:15 AM |
| ظہر | 11:53 AM |
| عصر | 03:05 PM |
| مغرب | 05:31 PM |
| عشاء | 06:54 PM |