وزیراعظم شہباز شریف تین روزہ دورے پر کرغزستان پہنچ گئے، جہاں وہ شنگھائی تعاون تنظیم کے سربراہی اجلاس سے خطاب کے ساتھ مختلف عالمی رہنماؤں سے دوطرفہ ملاقاتیں کریں گے۔
مکہ مشترکہ دفاعی معاہدے کے تحت پاکستان، سعودی عرب اور ترکیہ کی اسٹریٹجک سیاسی و دفاعی کمیٹی کا پہلا اجلاس استنبول میں ہوا۔ اجلاس میں علاقائی سلامتی، دفاعی تعاون، مشترکہ پیداوار، تحقیق و ترقی اور دہشت گردی کے خلاف تعاون سمیت اہم امور پر غور کیا گیا۔ ترک وزیر خارجہ ہاکان فیدان نے کہا کہ اتحاد کسی مخصوص ریاست کے خلاف نہیں اور مزید ممالک کی شمولیت کے لیے روڈ میپ تیار کیا جا رہا ہے۔
آزاد کشمیر میں انٹرنیٹ سروس کی مرحلہ وار بحالی شروع کردی گئی، نیلم اور حویلی کہوٹہ میں مکمل سروس بحال جبکہ دیگر اضلاع میں تعلیمی اداروں اور بینکوں کو محدود انٹرنیٹ سہولت فراہم کی گئی ہے۔
آئس لینڈ کے عوام نے یورپی یونین کے ساتھ رکنیت کے مذاکرات دوبارہ شروع کرنے کی حکومتی تجویز مسترد کردی۔ ریفرنڈم میں 52.8 فیصد ووٹرز نے مخالفت میں ووٹ دیا۔
کرک کے علاقے بہادر خیل میں پولیس موبائل وین کو آئی ای ڈی دھماکے سے نشانہ بنایا گیا، حملے میں ایک اہلکار جاں بحق جبکہ 6 زخمی ہوگئے۔
پاکستان پیپلز پارٹی کے چیئرمین بلاول بھٹو زرداری کی منگنی اور شادی سے متعلق میڈیا رپورٹس سامنے آنے کے بعد ان کے ترجمان مرتضیٰ وہاب نے خبروں کی تردید کردی۔ مرتضیٰ وہاب نے کہا کہ بلاول بھٹو کی منگنی یا شادی سے متعلق خبریں غلط اور بے بنیاد ہیں۔
پاکستان، سعودی عرب اور ترکیہ کے درمیان مکہ مکرمہ میں طے پانے والے مشترکہ دفاعی معاہدے کے تحت پہلا اجلاس کل استنبول میں ہوگا۔ نائب وزیراعظم اسحاق ڈار اور فیلڈ مارشل سید عاصم منیر اجلاس میں شرکت کے لیے ترکیہ پہنچ گئے ہیں۔
این ڈی ایم اے نے 30 اگست سے 4 ستمبر 2026 تک ملک کے مختلف علاقوں کے لیے موسمی ایڈوائزری جاری کردی۔ پنجاب، خیبر پختونخوا، گلگت بلتستان اور آزاد کشمیر کے مختلف اضلاع میں کہیں کہیں بارش، گرج چمک اور تیز ہواؤں کے ساتھ بعض مقامات پر موسلادھار بارش کا امکان ہے۔
راولپنڈی کے ہولی فیملی ہسپتال میں ڈاکٹروں نے 5 سالہ بچے کے مکمل کٹے ہاتھ کو مائیکرو ویسکیولر سرجری کے ذریعے کامیابی سے دوبارہ جوڑ دیا، ہاتھ میں خون کی روانی بھی بحال ہوگئی۔
مسلم لیگ ن کے صدر نواز شریف نے وزیراعظم آزاد کشمیر افتخار گیلانی کو صحت، تعلیم، صفائی اور انفراسٹرکچر میں بہتری کے لیے 100 روزہ اصلاحاتی پروگرام دے دیا، وعدوں پر تیز عملدرآمد کی ہدایت بھی کردی۔
| فجر | 04:16 AM |
| طلوع آفتاب | 05:42 AM |
| ظہر | 12:08 PM |
| عصر | 03:44 PM |
| مغرب | 06:33 PM |
| عشاء | 07:59 PM |
