عالمی اور مقامی مارکیٹ میں آج بھی سونے کی قیمتوں میں نمایاں اضافہ ریکارڈ کیا گیا ہے، عالمی مارکیٹ میں سونا 9 ڈالر مہنگا ہو کر 4595 ڈالر فی اونس تک پہنچ گیا جبکہ پاکستان میں فی تولہ سونے کی قیمت میں 900 روپے اضافہ ہوا ہے۔
قومی اسمبلی میں پیپلز پارٹی کے احتجاج کے بعد وزیراعظم ہاؤس نے اسپیشل اکنامک زون آرڈیننس واپس لے لیا۔
ایران میں احتجاج اور امریکی فوجی دھمکیوں پر چین نے طاقت کے استعمال کی مخالفت کرتے ہوئے مذاکرات اور سیاسی حل پر زور دے دیا۔
ایران کے سپریم لیڈر آیت اللہ خامنہ ای نے امریکی صدر ڈونلڈ ٹرمپ کو غرور کا شکار قرار دیتے ہوئے کہا ہے کہ تاریخ گواہ ہے، اقتدار کے نشے میں ڈوبے حکمرانوں کا انجام عبرتناک ہوتا ہے۔
امریکی صدر ڈونلڈ ٹرمپ نے ٹروتھ سوشل پر خود کو وینزویلا کا عبوری صدر قرار دے دیا، مادورو کی گرفتاری اور امریکی کردار پر عالمی سطح پر نئی بحث چھڑ گئی۔
وفاقی آئینی عدالت نئی عمارت میں منتقل ہو گئی، چیف جسٹس امین الدین خان نے دیگر ججز کے ہمراہ افتتاح کیا۔ تین بینچز نے وفاقی شرعی عدالت کی عمارت میں باقاعدہ عدالتی کارروائی کا آغاز کر دیا، سپر ٹیکس کیس کی سماعت شروع۔
وزیر اعلیٰ خیبر پختونخوا سہیل آفریدی نے کراچی میں جلسہ روکنے کی کوششوں کو مسترد کرتے ہوئے واضح کیا ہے کہ وہ ریلی کی صورت میں باغ جناح پہنچ رہے ہیں اور جلسہ ہر صورت ہو کر رہے گا۔ ویڈیو پیغام میں ان کا کہنا تھا کہ سندھ کے عوام نے محبت دی مگر سندھ حکومت نے اجرک اور ٹوپی کی لاج نہیں رکھی اور باغ جناح کے راستے بند کر دیے گئے۔
9 مئی ویڈیوز تصدیق کا مرحلہ مکمل ہوگیا، پنجاب فرانزک سائنس لیبارٹری کی رپورٹ میں وزیراعلیٰ خیبر پختونخوا سہیل آفریدی، کامران بنگش، تیمور جھگڑا اور عرفان سلیم کی ویڈیوز میں موجودگی کی تصدیق کردی گئی۔
ایران نے امریکا کو سخت وارننگ دیتے ہوئے کہا ہے کہ اگر اس پر کسی بھی قسم کا فوجی حملہ کیا گیا تو اسرائیل سمیت خطے میں موجود امریکا کے تمام فوجی اڈے اور بحری جہاز اس کے جائز اہداف ہوں گے۔ ایرانی پارلیمنٹ کے اسپیکر محمد باقر قالیباف کے مطابق ایران کسی بھی جارحیت کا بھرپور اور فیصلہ کن جواب دے گا۔ یہ بیان ایسے وقت میں سامنے آیا ہے جب ایران میں مہنگائی کے خلاف شروع ہونے والے مظاہرے حکومت مخالف تحریک میں تبدیل ہو چکے ہیں، جبکہ اسرائیل ممکنہ امریکی مداخلت کے پیش نظر ہائی الرٹ پر ہے۔ انسانی حقوق کی تنظیموں کے مطابق احتجاج کے دوران ہلاکتوں کی تعداد 116 تک پہنچ چکی ہے، جبکہ ملک بھر میں انٹرنیٹ بند ہونے سے صورتحال مزید سنگین ہو گئی ہے۔
نمائش چورنگی پر پاکستان تحریک انصاف کے کارکنان اور پولیس کے درمیان شدید کشیدگی دیکھنے میں آئی، پولیس نے مظاہرین کو منتشر کرنے کے لیے شیلنگ کی جبکہ 30 کارکنان کو حراست میں لے لیا گیا، پولیس موبائل پر پتھراؤ کی فوٹیج بھی سامنے آ گئی۔
