باجوڑ کے علاقے خار میں انٹیلی جنس بیسڈ آپریشن، میجر عادل زمان نے پانچ دہشتگردوں کو ہلاک کرنے کے بعد وطن پر جان قربان کر دی۔
وفاقی وزیر صحت مصطفیٰ کمال نے الزام عائد کیا ہے کہ ڈاکٹر عمران فاروق کو بانی ایم کیو ایم الطاف حسین نے قتل کروایا، انہوں نے را سے مالی معاونت لینے سمیت سنگین الزامات عائد کیے۔
پاکستان کرکٹ بورڈ نے سری لنکا کے خلاف تین ٹی ٹوئنٹی میچوں کی سیریز کے لیے 15 رکنی قومی اسکواڈ کا اعلان کر دیا، سلمان علی آغا کپتان مقرر، شاداب خان کی واپسی اور خواجہ نافع کو پہلی بار موقع مل گیا۔
کابل کے علاقے بوٹخاک میں ہونے والے ایک پراسرار دھماکے میں افغان طالبان کی انٹیلی جنس ایجنسی کے سربراہ عبد الحق واثق کے معاون مولوی نعمان ہلاک ہو گئے، جبکہ ان کا بیٹا زخمی ہوا۔
ڈھاکا پولیس کے مطابق انقلاب مانچا کے ترجمان شریف عثمان ہادی کے قتل کے دو مرکزی ملزمان بھارت فرار ہو کر ریاست میگھالیہ میں پناہ لے چکے ہیں، جبکہ کیس میں 11 افراد کو گرفتار کیا جا چکا ہے۔
یمن میں جنوبی عبوری کونسل کی تیز رفتار عسکری توسیع کے بعد خدشات بڑھ گئے ہیں کہ ملک عملی طور پر تقسیم کے دہانے پر پہنچ رہا ہے، جس پر یمنی حکومت، سعودی عرب اور اقوام متحدہ نے شدید تحفظات ظاہر کیے ہیں۔
افغان طالبان کے وزیر داخلہ سراج الدین حقانی نے پاکستان کے لیے مفاہمتی پیغام دیتے ہوئے کہا ہے کہ افغانستان کسی بھی ملک کے لیے خطرہ نہیں اور غلط فہمیوں کے حل کے لیے مذاکرات کے دروازے کھلے ہیں، تاہم پاکستان سرحد پار دہشت گردی پر شدید تحفظات رکھتا ہے۔
چین نے اپنے جدید لانگ مارچ-8 اے کیریئر راکٹ کے ذریعے انٹرنیٹ سیٹلائٹس کے ایک اور گروپ کو کامیابی کے ساتھ خلا میں روانہ کر دیا ہے۔ یہ لانچ جنوبی جزیرہ صوبہ ہائی نان کے کمرشل اسپیس کرافٹ لانچ سائٹ سے کی گئی، جہاں راکٹ نے نچلے مدار میں گردش کرنے والے انٹرنیٹ سیٹلائٹس کے 17ویں گروپ کو مقررہ مدار میں کامیابی سے پہنچا دیا، جو چین کے خلائی اور ڈیجیٹل انفراسٹرکچر میں اہم پیش رفت قرار دی جا رہی ہے۔
پاکستان نے برطانیہ میں پاکستان مخالف اور اشتعال انگیز سرگرمیوں پر شدید احتجاج کرتے ہوئے قائم مقام برطانوی ہائی کمشنر کو ڈی مارش کیا ہے۔ دفتر خارجہ کے مطابق برطانوی سرزمین سے پاکستان کی سول و عسکری قیادت کے خلاف دھمکی آمیز بیانات اور بریڈفورڈ میں پاکستانی قونصل خانے کے باہر احتجاج ناقابلِ قبول ہیں۔ پاکستان نے مطالبہ کیا ہے کہ ملوث افراد کی شناخت کر کے ان کے خلاف برطانوی قانون کے تحت کارروائی کی جائے۔
وفاقی وزیر منصوبہ بندی احسن اقبال نے اے آر وائی نیوز کے پروگرام کے دوران اچانک خلل پر وضاحت دیتے ہوئے کہا ہے کہ واقعہ گھریلو نوعیت کا تھا اور اسے غیر ضروری طور پر سیاسی رنگ نہ دیا جائے۔ ان کے مطابق وہ کچھ ہی دیر بعد دوبارہ پروگرام میں شامل ہو گئے تھے۔
