تحریک تحفظ آئین پاکستان نے حکومت سے مطالبہ کیا ہے کہ وہ نام نہاد بورڈ آف غزہ سے فوری طور پر اپنی شمولیت واپس لے۔
مسلم لیگ ن کے صدر نواز شریف اور وزیراعلیٰ پنجاب مریم نواز سے ایرانی سفیر رضا امیری مقدم نے ملاقات کی، جس میں تجارت، توانائی اور علاقائی صورتحال پر تبادلہ خیال کیا گیا اور پاک ایران تعلقات کو مزید مضبوط بنانے پر اتفاق ہوا۔
عمران خان اور بشریٰ بی بی کے طبی معائنے سے متعلق درخواست پر عدالت نے سخت نوٹس لیتے ہوئے سپرنٹنڈنٹ جیل کو ایک گھنٹے میں عدالت میں پیش ہونے کا حکم دے دیا، جبکہ جی ایچ کیو حملہ کیس میں وکلاء کی ملاقات کی درخواست بھی دائر کی گئی۔
رکن صوبائی اسمبلی علی مدد جتک کو بلوچستان کا نیا وزیر داخلہ مقرر کر دیا گیا ہے۔ وہ آج گورنر بلوچستان سے اپنے عہدے کا حلف اٹھائیں گے۔ صوبائی وزیر داخلہ کا قلمدان گزشتہ دو برس سے وزیراعلیٰ کے پاس تھا، جو اب علی مدد جتک کو سونپ دیا گیا ہے۔ سیاسی حلقوں کے مطابق نئی تقرری سے صوبے میں امن و امان اور داخلی سلامتی کے امور میں بہتری کی توقع کی جا رہی ہے۔
آزاد جموں و کشمیر کے صدر بیرسٹر سلطان محمود چوہدری طویل علالت کے بعد انتقال کر گئے۔ وہ جگر کے کینسر میں مبتلا تھے اور اسلام آباد میں زیر علاج تھے۔ آزاد کشمیر حکومت نے ان کے انتقال پر تین روزہ سوگ کا اعلان کر دیا ہے جبکہ نمازِ جنازہ کل کھڑی شریف میرپور میں ادا کی جائے گی۔
ایمان مزاری اور ہادی علی چٹھہ کے خلاف متنازع ٹویٹس کیس میں عدالت نے فیصلے میں شامل ایران اور دیگر ممالک سے متعلق پیراگراف حذف کرنے کا حکم دے دیا۔ عدالت نے قرار دیا کہ مذکورہ جملے کی کوئی قانونی حیثیت نہیں اور یہ محض تحریری غلطی کے باعث فیصلے میں شامل ہو گیا تھا۔
سپریم کورٹ کے باہر وزیر اعلیٰ خیبر پختونخوا سہیل آفریدی سمیت پاکستان تحریک انصاف کے رہنماؤں نے دھرنا دے دیا، نعرے بازی کی گئی جبکہ پی ٹی آئی رہنما سلمان اکرم راجہ کی چیف جسٹس پاکستان یحییٰ آفریدی سے ملاقات بھی ہوئی۔
بانی پی ٹی آئی کی صحت اور مبینہ خفیہ طبی آپریشن پر تحفظات کے باعث وزیراعلیٰ خیبر پختونخوا سہیل آفریدی نے پی ٹی آئی قیادت کے ہمراہ سپریم کورٹ میں دھرنا دے دیا۔ رجسٹرار سے ملاقات کے باوجود چیف جسٹس سے ملاقات نہ ہو سکی۔
9 مئی سے متعلق 11 مقدمات کی سماعت ایک بار پھر ملتوی کر دی گئی، عدالت کو بتایا گیا کہ چالان کی نقول آج بھی مکمل طور پر تقسیم نہیں ہو سکیں۔
راولپنڈی کی اڈیالہ جیل میں بانی پی ٹی آئی سے آج ملاقات نہ ہو سکی، جس پر پی ٹی آئی رہنما سلمان اکرم راجا نے اڈیالہ جیل روڈ پر دھرنا دینے کا اعلان کر دیا، وزیراعلیٰ خیبرپختونخوا سہیل آفریدی بھی دھرنے میں شریک ہوں گے۔
