موسم / ما حولیات

پروونشل ڈیزاسٹر مینجمنٹ اتھارٹی (پی ڈی ایم اے) پنجاب نے آئندہ 24 گھنٹوں میں شدید بارشوں اور کلاؤڈ برسٹنگ کے خدشات ظاہر کیے ہیں۔ محکمہ کے مطابق مون سون بارشوں کا ساتواں اسپیل سب سے زیادہ طاقتور ثابت ہوسکتا ہے جس کے باعث بالائی پنجاب میں طوفانی بارشوں اور لینڈ سلائیڈنگ کا خطرہ ہے۔ دوسری جانب خیبرپختونخوا میں بارشوں اور سیلاب سے اموات کی تعداد 320 سے تجاوز کرگئی ہے جہاں بونیر اور باجوڑ شدید متاثرہ علاقے ہیں۔ بونیر میں ہنگامی حالت نافذ کردی گئی جبکہ باجوڑ میں سیلابی ریلے کئی گاؤں بہا لے گئے۔ گزشتہ روز امدادی سرگرمیوں کے دوران خیبرپختونخوا حکومت کا ہیلی کاپٹر بھی حادثے کا شکار ہوا جس میں 5 افراد شہید ہوگئے۔ عوام کو ہدایت کی گئی ہے کہ وہ غیرضروری سفر سے گریز کریں اور محفوظ مقامات پر منتقل ہوجائیں۔

خیبر پختونخوا، گلگت بلتستان اور آزاد کشمیر میں شدید بارشوں، کلاؤڈ برسٹ اور سیلابی ریلوں نے تباہی مچا دی۔ بونیر، باجوڑ، مانسہرہ اور بٹگرام آفت زدہ قرار دیے گئے، 110 سے زائد افراد جاں بحق اور درجنوں زخمی ہو گئے۔ مکانات، پل اور فصلیں تباہ، امدادی کام جاری ہیں مگر بارش رکاوٹ بن رہی ہے۔

پاکستان میں بارش کا امکان: موسم خوشگوار ہونے کی امید محکمہ موسمیات کی تازہ پیشگوئی کے مطابق پاکستان میں بارش کا امکان آج کئی شہروں میں موجود ہے۔ مون سون کے جاری سیزن کے باعث ملک کے مختلف علاقوں میں بادل چھائے ہوئے ہیں اور کہیں کہیں ہلکی سے درمیانی