ایران امریکا امن معاہدے کیلئے وزیر خارجہ اسحاق ڈار کا ایرانی وزیر خارجہ عباس عراقچی سے رابطہ، پاکستان کی سفارتی کوششیں تیز
اسلام آباد: ایران اور امریکا کے درمیان کشیدگی کے خاتمے اور ممکنہ امن معاہدے کیلئے پاکستان نے سفارتی سرگرمیاں مزید تیز کر دی ہیں۔ نائب وزیراعظم اور وزیر خارجہ اسحاق ڈار نے ایرانی وزیر خارجہ عباس عراقچی سے ٹیلی فونک رابطہ کیا جس میں اسلام آباد مذاکرات، علاقائی صورتحال اور دو طرفہ تعاون پر تفصیلی تبادلہ خیال کیا گیا۔
ترجمان دفتر خارجہ کے مطابق دونوں رہنماؤں کے درمیان ہونے والی گفتگو میں خطے میں امن و استحکام کیلئے جاری سفارتی کوششوں پر بھی بات چیت ہوئی۔ اسحاق ڈار نے اس موقع پر کہا کہ موجودہ مسائل کے جلد حل کیلئے مسلسل مذاکرات اور رابطہ کاری ناگزیر ہے۔ انہوں نے اس بات پر زور دیا کہ بات چیت کے ذریعے ہی نہ صرف خطے بلکہ عالمی سطح پر امن اور استحکام کو فروغ دیا جا سکتا ہے۔
اسحاق ڈار کا ایرانی وزیر خارجہ عباس عراقچی سے رابطہ کے دوران اسحاق ڈار اور عباس عراقچی نے قریبی رابطے میں رہنے پر اتفاق کیا۔ دونوں رہنماؤں نے آج ہی ایرانی صدر مسعود پزشکیان اور پاکستانی وزیراعظم شہباز شریف کے درمیان ٹیلی فونک رابطہ کرانے پر بھی اتفاق کیا، تاکہ اعلیٰ سطح پر مذاکرات کو مزید آگے بڑھایا جا سکے۔
دفتر خارجہ کے مطابق اسحاق ڈار کا ایرانی وزیر خارجہ عباس عراقچی سے رابطہ ایسے وقت میں ہوا ہے جب اس سے قبل امریکی صدر ڈونلڈ ٹرمپ نے پاکستان میں ایران کے ساتھ مذاکرات کے دوسرے دور کی تصدیق کی تھی۔ امریکی صدر کے اس بیان کے بعد پاکستان نے سفارتی سطح پر سرگرمیاں تیز کرتے ہوئے ایران کے ساتھ براہ راست رابطے شروع کر دیے۔
دوسری جانب نائب وزیراعظم اور وزیر خارجہ اسحاق ڈار سے پولینڈ کے وزیر خارجہ رادوسواف سیکورسکی نے بھی ٹیلی فونک رابطہ کیا۔ دونوں رہنماؤں نے پاکستان اور پولینڈ کے درمیان تعلقات میں مثبت پیش رفت کو سراہا اور دو طرفہ تعاون بڑھانے پر اتفاق کیا۔
ترجمان دفتر خارجہ کے مطابق وزیر خارجہ اسحاق ڈار اور پولینڈ کے وزیر خارجہ کے درمیان علاقائی اور عالمی امور پر بھی تفصیلی تبادلہ خیال کیا گیا۔ پولینڈ کے وزیر خارجہ نے ایران امریکا کشیدگی میں کمی اور جنگ بندی کیلئے پاکستان کی سفارتی کوششوں کو سراہا اور خطے میں امن و استحکام کیلئے پاکستان کے کردار کو اہم قرار دیا۔
سفارتی ذرائع کے مطابق پاکستان خطے میں بڑھتی ہوئی کشیدگی کم کرنے کیلئے مختلف عالمی اور علاقائی ممالک سے مسلسل رابطے میں ہے۔ پاکستان کی کوشش ہے کہ ایران اور امریکا کے درمیان جاری کشیدگی کو مذاکرات کے ذریعے ختم کیا جائے اور خطے میں پائیدار امن قائم ہو سکے۔
تجزیہ کاروں کے مطابق پاکستان کا یہ کردار نہ صرف خطے میں امن کیلئے اہم ہے بلکہ عالمی سطح پر بھی پاکستان کی سفارتی اہمیت کو مزید اجاگر کر رہا ہے۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke this afternoon with Foreign Minister of Iran H. E. Abbas Araghchi @araghchi.
DPM/FM emphasized the need for continued dialogue and engagement as essential to resolving the current issues as… pic.twitter.com/pbsIsAGjfE
— Ministry of Foreign Affairs - Pakistan (@ForeignOfficePk) April 19, 2026
