وزیر اعظم شہباز شریف کا قومی علما کنونشن سے خطاب: افواج پاکستان کے خلاف پروپیگنڈا ناقابل برداشت ہے
وزیر اعظم محمد شہباز شریف نے کہا ہے کہ افواجِ پاکستان کی قربانیوں کا مذاق اڑانے اور ان کے خلاف پروپیگنڈا کسی صورت برداشت نہیں کیا جائے گا۔ اسلام آباد میں قومی علما کنونشن سے خطاب کرتے ہوئے انہوں نے کہا کہ افواجِ پاکستان نے اپنے لہو سے تاریخ رقم کی اور دشمن کو ایسی شکست دی جو قیامت تک یاد رکھی جائے گی۔ وزیر اعظم نے قومی یکجہتی، فرقہ واریت کے خاتمے اور ملک کی سلامتی کے لیے علما کے کردار کو انتہائی اہم قرار دیا۔
انڈونیشیا کے صدر کی وزیراعظم ہاؤس آمدگارڈ آف آنرسےنوازا گیا
انڈونیشیا کے صدر کی وزیراعظم ہاؤس آمد پر خصوصی استقبالیہ اور گارڈ آف آنر پیش کیا گیا۔
شہباز شریف کا متحدہ عرب امارات کے 54ویں قومی دن پر تقریب سے خطاب: پاکستان اور یو اے ای کے تعلقات مثالی ہیں
وزیراعظم محمد شہباز شریف نے متحدہ عرب امارات کے 54ویں قومی دن کی تقریب سے خطاب کرتے ہوئے کہا کہ پاکستان اور یو اے ای کے تعلقات تاریخی، مضبوط اور قابلِ فخر شراکت داری پر مبنی ہیں۔ انہوں نے یو اے ای کی قیادت شیخ محمد بن زاید النہیان اور شیخ محمد بن راشد المکتوم کو قومی دن کی مبارکباد دیتے ہوئے کہا کہ گزشتہ پانچ دہائیوں میں یو اے ای نے غیر معمولی ترقی کی ہے اور خطے میں امن و خوشحالی کے فروغ میں اہم کردار ادا کیا ہے۔
وزیراعظم شہباز شریف نے گوادر اور گلگت بلتستان بجلی کے منصوبے کی فوری منظوری دی
وزیراعظم شہباز شریف نے گوادر اور گلگت بلتستان میں بجلی کے منصوبوں کی منظوری دے دی ہے۔ گوادر میں بجلی کی فراہمی میں تعطل کو 42 فیصد کم کیا جا چکا ہے جبکہ گلگت بلتستان میں 100 میگاواٹ کا سولر پروجیکٹ فوری شروع کیا جائے گا۔ یہ اقدامات معاشی ترقی اور صاف توانائی کے لیے کیے جا رہے ہیں۔
پی آئی اے نجکاری میں دلچسپی رکھنے والے کاروباری شخصیات کی وزیر اعظم سے ملاقات، شفاف عمل اور لائیو بِڈنگ کا اعلان
وزیرِ اعظم شہباز شریف نے کہا ہے کہ پی آئی اے کی نجکاری مکمل شفافیت کے ساتھ ہوگی اور بِڈنگ کا عمل 23 دسمبر کو ملک بھر میں تمام ٹی وی چینلز پر براہ راست دکھایا جائے گا۔ انہوں نے کہا کہ قومی ایئر لائن کا کھویا ہوا تشخص بحال کرنے، عالمی پروازوں کی بحالی اور اسے جدید تقاضوں سے ہم آہنگ کرنے کی حکومتی کوششیں تیزی سے جاری ہیں۔ وزیرِ اعظم نے امید ظاہر کی کہ نجکاری کے بعد پی آئی اے دوبارہ ’گریٹ پیپل ٹو فلائی وِد‘ کا اعزاز حاصل کرے گا۔
کرغزستان کے صدر سدیر جاپروف 2 روزہ دورے پر پاکستان پہنچ گئے، تجارت، توانائی اور دفاع کے شعبوں میں تعاون کا عزم
کرغزستان کے صدر سدیر جاپروف وزیرِ اعظم شہباز شریف کی دعوت پر دو روزہ سرکاری دورے پر پاکستان پہنچ گئے، جہاں ان کا ایئرپورٹ پر شاندار استقبال کیا گیا۔ دورے کے دوران دونوں ممالک کے درمیان تجارت، توانائی، دفاع، تعلیم اور علاقائی رابطہ کاری سمیت مختلف شعبوں میں تعاون بڑھانے پر بات چیت ہوگی۔
تیل و گیس تلاش کے لیے پاکستان اور ترکیہ کے درمیان 5 اہم توانائی معاہدوں پر دستخط
پاکستان اور ترکیہ نے منگل کے روز توانائی اور معدنیات کے شعبوں میں تعاون کو نئی سطح پر لے جاتے ہوئے تیل و گیس کی تلاش کے لیے 5 اہم مفاہمتی یادداشتوں (MoUs) اور تفویضِ حقوق کی دستاویزات پر دستخط کیے۔ یہ تاریخی پیش رفت ترک وزیرِ توانائی و قدرتی وسائل الپ ارسلان بائرقدار کی سربراہی میں اعلیٰ سطحی وفد کے دورہ پاکستان کے دوران ممکن ہوئی، جہاں وفد نے وزیرِ اعظم شہباز شریف، آرمی چیف فیلڈ مارشل عاصم منیر، وزیرِ پیٹرولیم علی پرویز ملک اور وزیرِ توانائی اویس لغاری سے ملاقاتیں کیں۔
وزیراعظم شہباز شریف کا بحرین بزنس کمیونٹی سے خطاب پاکستان میں سرمایہ کاری کی دعوت
وزیراعظم شہباز شریف نے بحرین کی بزنس کمیونٹی کو پاکستان میں سرمایہ کاری کی دعوت دیتے ہوئے کہا کہ دونوں ممالک زراعت، آئی ٹی، مصنوعی ذہانت اور ٹیکنالوجی سمیت متعدد شعبوں میں شراکت داری بڑھا سکتے ہیں۔ انہوں نے کہا کہ پاکستان کی 60 فیصد نوجوان آبادی ملک کی سب سے بڑی طاقت ہے، جسے جدید ٹیکنالوجی اور ہنر مند تربیت کے ذریعے عالمی معیشت کا فعال حصہ بنایا جا رہا ہے۔
دوسروں کو چور کہنے والے خود چور ثابت ہوئے ضمنی انتخابات میں فتح کے بعد نواز شریف کا خطاب
سابق وزیر اعظم نواز شریف کا خطاب ضمنی انتخابات میں ن لیگ کی کامیابی کے بعد ہوا۔ انہوں نے کہا کہ عمران خان اکیلا مجرم نہیں، اس کو لانے والے بھی برابر کے شریک ہیں۔ مسلم لیگ ن نے عوامی خدمت کا ریکارڈ قائم کیا اور پاکستان کو اخلاقی و معاشرتی دیوالیہ پن سے بچایا ہے۔
وزارتِ اطلاعات میں اہم تقرری: اشفاق احمد خلیل وفاقی سیکرٹری اطلاعات و نشریات تعینات
اسلام آباد میں وزارت اطلاعات کے سینئر افسر اشفاق احمد خلیل کو وفاقی سیکرٹری اطلاعات و نشریات کے عہدے پر تعینات کر دیا گیا ہے۔ اشفاق احمد خلیل اس سے قبل وزارت اطلاعات میں ایڈیشنل سیکرٹری کے طور پر خدمات سرانجام دے رہے تھے جبکہ وہ مختلف اہم ذمہ داریوں پر بھی فائز رہے ہیں۔ ان میں پریس انفارمیشن ڈیپارٹمنٹ (پی آئی ڈی) پشاور میں ڈائریکٹر جنرل، جاپان میں پاکستانی سفارتخانے میں پریس قونصلر، ڈائریکٹوریٹ آف الیکٹرانک میڈیا اینڈ پبلی کیشنز، پیمرا، انفارمیشن سروس اکیڈمی اور پی آئی ڈی کے اہم عہدے شامل ہیں۔