کرغزستان کے صدر سدیر جاپروف 2 روزہ دورے پر پاکستان پہنچ گئے، تجارت، توانائی اور دفاع کے شعبوں میں تعاون کا عزم

کرغزستان کے صدر سدیر جاپروف 2 روزہ دورے پر پاکستان پہنچ گئے، تجارت، توانائی، دفاع اور تعلیم کے شعبوں میں تعاون بڑھانے کا عزم

اسلام آباد(رئیس الاخبار) :— وزیرِ اعظم محمد شہباز شریف کی خصوصی دعوت پر کرغزستان کے صدر سدیر جاپروف دو روزہ سرکاری دورے پر پاکستان پہنچ گئے۔ ان کے ہمراہ سینئر کابینہ ارکان، سرکاری حکام اور کاروباری شخصیات پر مشتمل اعلیٰ سطحی وفد بھی موجود ہے۔

نور خان ایئربیس آمد پر وزیرِ اعظم شہباز شریف اور صدرِ مملکت آصف علی زرداری نے کرغز صدر کا پُرتپاک استقبال کیا اور معزز مہمان کو گارڈ آف آنر پیش کیا گیا۔

سرکاری اعلامیے کے مطابق صدر سدیر جاپروف 2 روزہ دورے پر پاکستان میں صدرِ پاکستان آصف علی زرداری اور وزیرِ اعظم شہباز شریف سے علیحدہ اور وفود کی سطح پر ملاقاتیں ہوں گی۔ ان ملاقاتوں میں پاکستان اور کرغزستان کے درمیان دوطرفہ تعاون کے تمام اہم پہلوؤں کا جائزہ لیا جائے گا۔

دونوں ممالک کے درمیان تجارت، توانائی، دفاع، تعلیم، عوامی روابط اور علاقائی رابطہ کاری کے شعبوں میں تعاون بڑھانے کے نئے مواقع زیرِ غور آئیں گے۔ اس موقع پر پاکستان۔کرغزستان بزنس فورم بھی منعقد ہوگا، جس سے کرغز صدر خطاب کریں گے۔

حکام کے مطابق مذاکرات کے دوران علاقائی رابطہ کاری، ٹرانسپورٹ کوریڈورز، وسطی و جنوبی ایشیا کے درمیان تجارتی راہداریوں کی مضبوطی اور خطے میں امن و استحکام کے مشترکہ اہداف پر بھی تبادلہ خیال کیا جائے گا۔

واضح رہے کہ کرغزستان کی جانب سے آخری اعلیٰ سطح کا صدارتی دورہ جنوری 2005 میں ہوا تھا۔ موجودہ صدر سدیر جاپروف 2 روزہ دورے پر پاکستان پہنچ آنا دونوں ممالک کے دیرینہ، برادرانہ اور بااعتماد تعلقات کی مضبوطی کا مظہر ہے، جو مشترکہ تاریخ، مذہبی رشتوں اور خطے میں مشترکہ ترقی کے عزم پر قائم ہیں۔

سرکاری ذرائع کے مطابق توقع ہے کہ صدر سدیر جاپروف 2 روزہ دورے پر پاکستان پہنچ آنا پاک کرغزستان دوطرفہ تعاون کو نئی جہت دے گا اور علاقائی و عالمی فورمز میں شراکت داری مزید مستحکم ہوگی۔

صدر جباروف، رئیس‌جمهور قرقیزستان، دقایقی پیش وارد پایگاه هوایی نورخان اسلام‌آباد شد و در بدو ورود با استقبال گرم آصف‌علی زرداری، رئیس‌جمهور پاکستان، و شهباز شریف، نخست‌وزیر این کشور، روبه‌رو شد. 🇰🇬🇵🇰✈️

این استقبال سطح‌بالا آغازگر دیداری مهم است که محور آن تقویت روابط دوجانبه،… https://t.co/kEExLFMB0S pic.twitter.com/9XaM32M9Jb
— Raaz News - Fa (@raaznewsfa) December 3, 2025