ڈیرہ اسماعیل خان میں پولیس موبائل پر حملہ، 3 اہلکار شہید
خیبر پختونخوا کے ضلع ڈیرہ اسماعیل خان میں دہشت گردی کا افسوسناک واقعہ پیش آیا جہاں پنیالہ پولیس اسٹیشن کی حدود میں پولیس موبائل کو دھماکے اور فائرنگ کا نشانہ بنایا گیا۔ اس بزدلانہ حملے کے نتیجے میں اے ایس آئی، ایک کانسٹیبل اور ڈرائیور سمیت 3 پولیس اہلکار شہید ہوگئے، جبکہ ایک کانسٹیبل معجزانہ طور پر محفوظ رہا۔ واقعے کے فوراً بعد ڈی ایس پی پنیالہ اور ایس ایچ او موقع پر پہنچے اور علاقے کی ناکہ بندی کر کے سرچ آپریشن شروع کر دیا گیا۔
انٹیلی جنس بنیاد پرسیکیورٹی فورسز کا بنوں میں کامیاب آپریشن، 22 دہشت گرد ہلاک
خیبر پختونخوا کے ضلع بنوں میں سیکیورٹی فورسز نے انٹیلی جنس بنیاد پر کامیاب آپریشن (آئی بی او) کرتے ہوئے بھارتی اسپانسرڈ فتنۃ الخوارج کے 22 دہشت گرد ہلاک کر دیے۔ آئی ایس پی آر کے مطابق یہ کارروائی اس اطلاع پر کی گئی کہ بھارتی پراکسی خوارج علاقے میں موجود ہیں۔ شدید فائرنگ کے تبادلے کے بعد سیکیورٹی فورسز نے ٹھکانے کو مؤثر انداز میں نشانہ بنایا۔
پشاور ایف سی ہیڈکوارٹر حملہ وزیراعظم شہباز شریف اور صدر آصف علی زرداری کی شدید مذمت
پشاور میں فیڈرل کانسٹیبلری ہیڈکوارٹر پر ہونے والے دہشت گرد حملے کی وزیراعظم محمد شہباز شریف اور صدرِ مملکت آصف علی زرداری نے شدید مذمت کی ہے۔ وزیر اعظم نے زخمیوں کو فوری طبی امداد فراہم کرنے کی ہدایت کرتے ہوئے کہا کہ سیکیورٹی فورسز کی بروقت اور جرات مندانہ کارروائی نے بڑے سانحے سے بچا لیا۔ انہوں نے اس بات پر زور دیا کہ واقعے کے ذمہ دار عناصر کی جلد از جلد نشاندہی کر کے انہیں قانون کے کٹہرے میں لایا جائے۔ وزیراعظم نے واضح کیا کہ حکومت پاکستان دہشت گردی کے مکمل خاتمے کے لیے پرعزم ہے اور ایسے حملے پاکستان کی سالمیت کو نقصان پہنچانے کی ناکام کوشش ہیں۔
پشاور ایف سی ہیڈکوارٹر حملہ: خودکش دھماکا اور فورسز کی بروقت کارروائی
پشاور ایف سی ہیڈکوارٹر حملہ میں دہشت گرد ناکام، فورسز نے تین حملہ آوروں کو ہلاک کر دیا۔
بھارتی حمایت یافتہ خوارج کے خلاف بنوں میں کامیاب آپریشن، سیکیورٹی فورسز کو صدر و وزیراعظم کی طرف سے خراج تحسین
صدر اور وزیراعظم نے بنوں میں بھارتی حمایت یافتہ خوارج کے خلاف کامیاب آپریشن پر سیکیورٹی فورسز کو خراج تحسین پیش کیا اور دہشت گردی کے خاتمے پر زور دیا۔
خیبرپختونخوا میں سیکیورٹی فورسز کی کارروائیاں، بھارتی حمایت یافتہ 4 دہشت گرد ہلاک
خیبرپختونخوا کے مختلف علاقوں میں سیکیورٹی فورسز نے کامیاب انٹیلی جنس بیسڈ کارروائیوں کے دوران بھارتی حمایت یافتہ فتنۂ خوارج کے 4 دہشت گردوں کو ہلاک کر دیا۔ آئی ایس پی آر کے مطابق باجوڑ، شمالی وزیرستان اور ڈیرہ اسمٰعیل خان میں کی گئی کارروائیوں میں دہشت گردوں کے ٹھکانے تباہ کیے گئے اور اسلحہ و بارود برآمد کیا گیا۔ کلیئرنس آپریشنز جاری ہیں۔
وانا کیڈٹ کالج میں افغان خوارجیوں کے خلاف آپریشن جاری، 115 افراد بحفاظت ریسکیو
جنوبی وزیرستان کے علاقے وانا میں سیکیورٹی فورسز نے کیڈٹ کالج میں چھپے افغان خوارجیوں کے خلاف آپریشن تیز کر دیا ہے۔ تین دہشت گردوں کو ایک مخصوص عمارت تک محدود کر دیا گیا ہے جبکہ 115 افراد کو بحفاظت نکال لیا گیا ہے۔ حملے کے دوران کالج میں تقریباً 650 افراد موجود تھے۔ فوج نے علاقے کو مکمل گھیرے میں لے لیا ہے اور آپریشن انتہائی احتیاط سے جاری ہے تاکہ کسی کیڈٹ کو نقصان نہ پہنچے۔
سیکیورٹی فورسز کی باجوڑ میں بڑی کارروائی، دراندازی کی کوشش ناکام، 4 دہشت گرد ہلاک
سیکیورٹی فورسز نے ضلع باجوڑ میں پاک–افغان سرحد پر دہشت گردوں کی دراندازی کی کوشش ناکام بناتے ہوئے چار دہشت گردوں کو ہلاک کر دیا۔ آئی ایس پی آر کے مطابق ہلاک ہونے والوں میں فتنۃ الخوارج کا اہم کمانڈر امجد عرف مزاحم بھی شامل ہے جو دہشت گرد کمانڈر نور ولی کا نائب تھا۔ وزیراعظم شہباز شریف اور وزیرِ داخلہ محسن نقوی نے کارروائی پر فورسز کو خراجِ تحسین پیش کیا۔
خیبرپختونخوا: ٹانک میں سیکیورٹی فورسز کی کارروائی، بھارتی حمایت یافتہ 8 دہشتگرد ہلاک
خیبرپختونخوا کے ضلع ٹانک میں سیکیورٹی فورسز نے خفیہ اطلاع پر کارروائی کرتے ہوئے بھارتی حمایت یافتہ دہشتگرد گروہ “فتنۃ الخوارج” کے 8 دہشتگردوں کو ہلاک کر دیا۔ آئی ایس پی آر کے مطابق کارروائی کے دوران خوارج کے ٹھکانے مؤثر طور پر نشانہ بنائے گئے جبکہ علاقے میں کلیئرنس آپریشن جاری ہے۔ وزیراعظم شہباز شریف نے آپریشن میں حصہ لینے والے جوانوں کو خراج تحسین پیش کیا اور کہا کہ دہشتگردی کے ناسور کو مکمل طور پر ختم کیا جائے گا۔
ہنگو پولیس چیک پوسٹ پر بم دھماکہ: ایس پی آپریشنز سمیت 3 پولیس اہلکار شہید
خیبر پختونخوا کے ضلع ہنگو میں دہشت گردی کے دو دھماکوں نے ایک بار پھر صوبے میں امن و امان کی صورتحال پر سوالات اٹھا دیے ہیں۔ پہلے دھماکے میں چیک پوسٹ کو نشانہ بنایا گیا جبکہ دوسرے حملے میں ایس پی آپریشنز اسد زبیر اور دو اہلکار شہید ہوگئے۔ پولیس کے مطابق دھماکے ریموٹ کنٹرول بم کے ذریعے کیے گئے۔ وفاقی و صوبائی حکام نے واقعے کی شدید مذمت کرتے ہوئے دہشت گردوں کے خلاف کارروائیاں تیز کرنے کا اعلان کیا ہے۔