صدر مملکت اور شاہ بحرین کے درمیان ملاقات، آصف علی زرداری کو بحرین کا اعلیٰ ترین ایوارڈ عطا
صدر مملکت آصف علی زرداری کو پاک بحرین تعلقات کے فروغ میں گرانقدر خدمات کے اعتراف میں بحرین کا اعلیٰ ترین سول اعزاز عطا کر دیا گیا۔
وزیراعظم کی دعوت پر یو اے ای کے صدر شیخ محمد بن زاید ایک روزہ سرکاری دورے پر پاکستان پہنچ گئے
وزیراعظم شہباز شریف کی دعوت پر متحدہ عرب امارات کے صدر شیخ محمد بن زاید النہیان ایک روزہ سرکاری دورے پر پاکستان پہنچ گئے۔ دورے کے دوران دوطرفہ تعلقات، تجارت، سرمایہ کاری، توانائی اور علاقائی امور پر تبادلہ خیال کیا جائے گا جبکہ اسلام آباد میں عام تعطیل اور سیکیورٹی انتظامات کیے گئے ہیں۔
ایران: صدرِ مملکت آصف علی زرداری کا نجف اور کوفہ میں مقاماتِ مقدسہ کا دورہ
صدرِ مملکت آصف علی زرداری نے عراق میں نجف اور کوفہ کے مقدس مقامات کا دورہ کیا، حضرت علیؓ کے روضۂ مبارک پر حاضری دی، مسجد کوفہ میں نوافل ادا کیے اور امتِ مسلمہ کے امن، اتحاد اور بھائی چارے کے لیے خصوصی دعائیں کیں۔
صدر آصف زرداری عراق کے چار روزہ دورہ پر بغداد پہنچ گئے
صدرِ مملکت آصف علی زرداری عراق کے چار روزہ سرکاری دورے پر بغداد پہنچ گئے جہاں عراقی حکام نے ان کا پرتپاک استقبال کیا۔ دورے کے دوران صدر آصف علی زرداری کی اعلیٰ عراقی قیادت سے ملاقاتیں متوقع ہیں جن میں سیاسی، اقتصادی، تجارتی اور ثقافتی تعاون کو فروغ دینے پر تبادلۂ خیال کیا جائے گا۔ یہ دورہ پاکستان اور عراق کے برادرانہ تعلقات کو مزید مضبوط بنانے میں اہم سنگِ میل قرار دیا جا رہا ہے۔
صدر آصف علی زرداری نے آرمی، ایئر فورس اور نیوی سے متعلق 3 اہم بلوں کی منظوری دے دی
صدر آصف علی زرداری نے مسلح افواج سے متعلق تین اہم ترمیمی بلوں—پاکستان آرمی، پاکستان ایئر فورس اور پاکستان نیوی (ترمیمی) بل 2025—کی منظوری دے دی ہے۔ ان ترامیم کے تحت چیف آف دی آرمی اسٹاف کے عہدے کو ’’چیف آف دی ڈیفنس فورسز‘‘ میں تبدیل کر دیا گیا ہے جبکہ فوجی قیادت کے نئے اسٹرکچر، اسٹریٹجک کمانڈ کی تشکیل اور اعلیٰ عہدوں کی مدتِ ملازمت کے قواعد بھی ازسرِنو مرتب کیے گئے ہیں۔
صدرِ آصف علی زرداری اور تاجکستان کے وزیر دفاع کی ملاقات ،پاک تاجکستان کے درمیان سیاسی، ثقافتی روابط کی مضبوط پر زور
صدرِ مملکت آصف علی زرداری نے کہا کہ پاکستان–تاجکستان تعلقات میں دفاعی تعاون مضبوط ہے۔ دونوں ممالک کو تجارت، توانائی اور ثقافتی شعبوں میں موجود مواقع سے بھرپور فائدہ اٹھانا چاہیے۔
صدر آصف علی زرداری کا دوحہ ورلڈ سمٹ برائے سماجی ترقی سے خطاب ، مساوات، انسانی حقوق اور سماجی ہم آہنگی پر زور
صدر پاکستان آصف علی زرداری نے دوحہ میں ورلڈ سمٹ برائے سماجی ترقی سے خطاب کرتے ہوئے مساوات، انسانی حقوق اور سماجی ہم آہنگی کی ضرورت پر زور دیا۔
صدر آصف زرداری اور وزیر اعظم شہباز شریف کی ملاقات، ملکی و علاقائی امور پر تفصیلی مشاورت
اسلام آباد میں صدر آصف علی زرداری اور وزیر اعظم شہباز شریف کے درمیان اہم ملاقات ہوئی جس میں ملکی سیاست، سیکیورٹی، معاشی استحکام اور خطے کی بدلتی صورتحال پر تفصیلی مشاورت کی گئی۔ وزیر اعظم نے اپنے حالیہ غیر ملکی دوروں کی رپورٹ پیش کی جبکہ صدر زرداری نے قومی استحکام، ادارہ جاتی ہم آہنگی اور عوامی فلاح پر زور دیا۔ دونوں رہنماؤں نے اتفاق کیا کہ پاکستان میں جمہوری تسلسل اور معاشی ترقی ہی قومی کامیابی کی ضمانت ہے۔
صدرِ آصف علی زرداری سے فیلڈ مارشل عاصم منیر کی ملاقات، افغان سرحدی صورتحال اور پاک فوج ردعمل پر بریفنگ
صدر مملکت آصف علی زرداری سے فیلڈ مارشل سید عاصم منیر نے ایوان صدر میں ملاقات کی، جس میں افغان طالبان کے سرحدی حملوں، اسپن بولدک اور کُرم سیکٹر کی صورتحال پر بریفنگ دی گئی۔ صدر نے پاک فوج کے کردار، بہادری اور دفاعی تیاریوں کو سراہا اور قومی خودمختاری کے دفاع کے عزم کا اعادہ کیا۔
صدر مملکت آصف علی زرداری نے 11واں قومی مالیاتی کمیشن تشکیل دے دیا
صدر مملکت آصف علی زرداری نے 11ویں قومی مالیاتی کمیشن (این ایف سی) کی تشکیل کا اعلان کیا، جس کا مقصد وفاق اور صوبوں کے درمیان قابل تقسیم وسائل کی منصفانہ تقسیم کے لیے نیا فارمولہ طے کرنا ہے۔ یہ اقدام پاکستان کے مالی ڈھانچے اور صوبائی خودمختاری کو مستحکم کرنے کی جانب ایک اہم پیش رفت ہے۔