وادی تیراہ سے نقل مکانی معمول کا حصہ، کوئی آپریشن نہیں: خواجہ آصف
وزیر دفاع خواجہ آصف نے واضح کیا ہے کہ وادی تیراہ سے لوگوں کی نقل مکانی برفباری کے دوران ہر سال معمول کے مطابق ہوتی ہے اور اس کا کسی فوجی آپریشن سے کوئی تعلق نہیں۔ انہوں نے کہا کہ صوبائی حکومت اپنی ناکامیوں کا ملبہ وفاق پر ڈال رہی ہے، جبکہ جرگے اور حکومت کے درمیان معاملات طے پا چکے ہیں اور چار ارب روپے بھی مختص کیے گئے تھے۔
دہشت گردی کے خلاف خیبرپختونخوا میں 800 ارب خرچ، پھر بھی ترقی نظر نہیں آتی: وزیراعظم کا قومی ورکشاپ سے خطاب
وزیراعظم محمد شہباز شریف نے کہا ہے کہ دہشت گردی کے خلاف جنگ میں گزشتہ 15 برس کے دوران 800 ارب روپے فراہم کیے گئے، مگر خیبرپختونخوا میں وہ ترقی نظر نہیں آتی جو دیگر صوبوں میں دکھائی دیتی ہے۔ انہوں نے کہا کہ پاکستان کی حقیقی ترقی اسی وقت ممکن ہے جب چاروں صوبے یکساں طور پر آگے بڑھیں۔
لکی مروت پولیس موبائل پر خودکش حملہ، ایک اہلکار شہید، 5 زخمی
خیبرپختونخوا کے ضلع لکی مروت میں تجوڑی پولیس اسٹیشن کی موبائل پر خودکش حملے میں ایک اہلکار شہید اور پانچ زخمی ہوگئے۔ دھماکے کے بعد پولیس کی بھاری نفری نے علاقے کو گھیرے میں لے لیا اور سرچ آپریشن شروع کر دیا۔ زخمیوں کو اسپتال منتقل کر دیا گیا ہے جبکہ واقعے کی مکمل تحقیقات جاری ہیں۔
وزیراعلیٰ کےپی سہیل آفریدی: افغان قیادت کو کہوں گا حملے بند کریں، ہمارا جینا مرنا پاکستان کے ساتھ ہے
وزیراعلیٰ خیبر پختونخوا سہیل آفریدی نے کہا ہے کہ اگر وہ افغانستان گئے تو افغان قیادت کو واضح طور پر بتائیں گے کہ ہم پختون، مسلمان اور پڑوسی ہیں، اس لیے پاکستان پر حملے بند کیے جائیں۔ انہوں نے کہا کہ پاکستان سے عشق ہمارا ایمان ہے اور ہماری وفاداری صرف ریاست پاکستان کے ساتھ ہے۔ ڈیفنس کاریسپونڈنٹس سے گفتگو کرتے ہوئے انہوں نے کہا کہ ہر مسئلے کا حل مذاکرات میں ہے اور اگر صوبے کو اعتماد میں لیا جائے تو مسائل تیزی سے حل ہوسکتے ہیں۔
ڈیرہ اسماعیل خان سیکیورٹی فورسز کا آپریشن:کالعدم تنظیم فتنۃ الخوارج کے سرغنہ عالم محسود سمیت 10 دہشتگرد ہلاک
ڈیرہ اسماعیل خان کے علاقے کلاچی میں سیکیورٹی فورسز نے انٹیلی جنس آپریشن کرتے ہوئے فتنۃ الخوارج کے سرغنہ عالم محسود سمیت 10 دہشتگردوں کو ہلاک کر دیا۔ کارروائی کے دوران بھاری اسلحہ، بارودی مواد، آئی ای ڈیز اور خودکش جیکٹس برآمد ہوئیں جبکہ 4 دہشتگرد زخمی ہوئے۔ ہلاک دہشتگردوں میں 4 کا تعلق افغانستان سے تھا۔ عالم محسود 2008 کے نواز کوٹ پوسٹ حملے، بنوں جیل حملے اور مختلف آرمی پوسٹس پر حملوں میں ملوث تھا۔
خیبر پختونخوا اسمبلی میں امن جرگہ، امن کی بحالی اور عسکریت پسندی کے خاتمے کے لیے حکمتِ عملی پر غور
خیبر پختونخوا حکومت نے صوبے میں دہشت گردی کے حالیہ اضافے کے پیشِ نظر صوبائی اسمبلی میں تاریخی امن جرگہ شروع کر دیا۔ وزیرِ اعلیٰ سہیل آفریدی، گورنر فیصل کریم کنڈی، سیاسی و مذہبی رہنما شریک، صوبے میں پائیدار امن کے لیے نئی حکمتِ عملی پر مشاورت جاری۔
پی ٹی آئی کے حمایت یافتہ خرم ذیشان خیبرپختونخوا سینٹ ضمنی انتخابات میں کامیاب، 91 ووٹ حاصل
پاکستان تحریک انصاف کے حمایت یافتہ خرم ذیشان خیبرپختونخوا سے جنرل نشست پر سینیٹر منتخب ہو گئے۔ انہوں نے 91 ووٹ حاصل کیے جب کہ حریف تاج محمد آفریدی 45 ووٹ لے سکے۔ یہ نشست شبلی فراز کی نااہلی کے بعد خالی ہوئی تھی۔ وزیراعلیٰ سہیل آفریدی نے کامیابی کو عمران خان کی مقبولیت کا ثبوت قرار دیا۔
وزیراعلیٰ سہیل آفریدی کا اڈیالہ جیل کے باہر احتجاج، عمران خان سے ملاقات کے بغیر واپس
وزیراعلیٰ خیبرپختونخوا سہیل آفریدی نے عدالتی احکامات کے باوجود عمران خان سے ملاقات نہ ہونے پر اڈیالہ جیل کے باہر دھرنا دے دیا۔ وزیراعلیٰ کا کہنا تھا کہ اگر ایک منتخب صوبے کا سربراہ اپنے قائد سے نہیں مل سکتا تو یہ جمہوریت نہیں بلکہ مزاحمت کی راہ ہے۔ پولیس نے قافلے کو جیل سے کچھ فاصلے پر روک دیا جس پر وزیراعلیٰ نے عدلیہ اور وفاقی حکومت پر کڑی تنقید کی۔
وزیراعظم کی ہدایت پر وزیراعلیٰ خیبرپختونخوا سہیل آفریدی اور عمران خان کی ملاقات کے انتظامات شروع
وزیراعظم شہباز شریف نے وزیراعلیٰ خیبرپختونخوا سہیل آفریدی اور تحریک انصاف کے سربراہ عمران خان کی ملاقات کے انتظامات کے لیے صوبائی حکومت کو ہدایت جاری کر دی ہے۔ یہ ہدایت صوبے میں نئی کابینہ کی تشکیل، وفاقی تعلقات میں بہتری اور سیاسی استحکام کے تناظر میں دی گئی ہے۔ وزیر مملکت برائے ثقافت و سیاحت حذیفہ رحمٰن نے ایک ٹی وی پروگرام میں تصدیق کی کہ ملاقات کی تیاری مکمل کی جا رہی ہے اور آئندہ چند دنوں میں اس کے انعقاد کا امکان ہے۔ سیاسی تجزیہ کاروں کے مطابق، یہ پیش رفت وفاق اور تحریک انصاف کے درمیان برف پگھلنے کا آغاز ثابت ہو سکتی ہے۔ اگر ملاقات کامیاب رہتی ہے تو صوبے میں انتظامی عمل میں تیزی، نئی کابینہ کی تشکیل اور ترقیاتی منصوبوں کی بحالی کے امکانات بڑھ جائیں گے۔
عام انتخابات میں عوامی مینڈیٹ کا ساتھ نہ دینے والے افسران کیخلاف سخت کارروائی کا فیصلہ،وزیر اعلیٰ خیبر پختونخوا
خیبر پختونخوا کے وزیراعلیٰ سہیل آفریدی نے صوبائی کابینہ کے اجلاس میں عوامی مینڈیٹ کے احترام اور کرپشن کے خلاف سخت اقدامات کا اعلان کیا۔ انہوں نے کہا کہ عوام کے ساتھ نہ کھڑے ہونے والے افسران کے خلاف کارروائی اور ایماندار افسران کو ایوارڈ دیا جائے گا۔ سہیل آفریدی نے گڈ گورننس، شفافیت، میرٹ، اور ضم اضلاع میں تعلیمی و ترقیاتی منصوبوں کے آغاز پر بھی زور دیا۔