سنکیانگ کی اہم ریلوے پورٹ سے چین–یورپ مال بردار ٹرینوں کی ریکارڈ آمد و رفت

سنکیانگ کی اہم ریلوے پورٹ سے چین–یورپ مال بردار ٹرینوں کی ریکارڈ آمد و رفت، یک دن میں 30 مال بردار ٹرینوں کی آمد و رفت کا ریکارڈ

ارمچی (شِنہوا): چین کے شمال مغربی علاقے سنکیانگ ویغور خود مختار خطے میں واقع اہم ریلوے پورٹ الاشانکو (الاتاؤ پاس) سے سال 2025 کے دوران چین–یورپ (وسطی ایشیا) مال بردار ٹرینوں کی ریکارڈ تعداد میں آمد و رفت دیکھنے میں آئی ہے، جو عالمی سپلائی چین کے استحکام میں اس راہداری کے بڑھتے ہوئے کردار کو نمایاں کرتی ہے۔

مقامی کسٹمز حکام کے مطابق 2025 میں مجموعی طور پر 8,165 مال بردار ٹرینیںسنکیانگ کی اہم ریلوے پورٹ سے گزریں، جو 2024 کے مقابلے میں 6.3 فیصد اضافہ ظاہر کرتی ہیں۔

کسٹمز افسر صوفیہ عمر جان نے بتایا کہ جدید معائنے کے نظام، تصویری شناخت کی ٹیکنالوجی اور ڈیجیٹل کلیئرنس کے اقدامات نے ٹرینوں کی آمد کے فوراً بعد جانچ اور منظوری کو ممکن بنا دیا ہے، جس سے سنکیانگ کی اہم ریلوے پورٹ پر انتظار کا وقت نمایاں طور پر کم ہوا۔

ان کے مطابق 2025 کے دوران الاشانکو پورٹ نے ایک دن میں 30 مال بردار ٹرینوں کی آمد و رفت کا ریکارڈ قائم کیا، جبکہ مجموعی کلیئرنس وقت میں پچھلے سال کے مقابلے میں 18.4 فیصد کمی واقع ہوئی۔

اسٹیشن کے آپریشنز منیجر چھن ژی بن نے بتایا کہ واپسی پر آنے والی ایک مال بردار ٹرین اب اوسطاً دو گھنٹوں کے اندر گیج کی تبدیلی اور دوبارہ لوڈنگ کا عمل مکمل کر لیتی ہے، جو لاجسٹکس کی رفتار میں نمایاں بہتری کی عکاسی کرتا ہے۔

کسٹمز کے اعداد و شمار کے مطابق الاشانکو سے گزرنے والی مال بردار سروسز اب 128 مختلف روٹس پر محیط ہیں، جو چین کو جرمنی، پولینڈ سمیت 21 ممالک سے ملاتی ہیں۔ ان ٹرینوں کے ذریعے آٹو پارٹس، الیکٹرانک مصنوعات اور روزمرہ استعمال کی اشیاء یورپ اور وسطی ایشیا منتقل کی جا رہی ہیں۔

قازقستان کی سرحد پر واقع الاشانکو پورٹ چین کو وسطی ایشیا اور یورپ سے ملانے والی ایک کلیدی راہداری کے طور پر کام کرتا ہے۔ 2011 میں پہلی چین–یورپ مال بردار ٹرین سروس کے آغاز کے بعد سنکیانگ کی اہم ریلوے پورٹ چین کے شمال مغربی سرحدی علاقوں کو ملک کی کھلے پن اور بیلٹ اینڈ روڈ حکمت عملی کے صفِ اول میں لے آیا ہے۔

Mountains ripple like silver snakes, plains stretch like ivory plains. After the snowfall, Xinjiang’s railways spread across the land like ink brushstrokes, as trains cut through a vast winter landscape. pic.twitter.com/2nOrlqwzsq
— China Railway (@ChinaRailways) January 8, 2026