آئی ایم ایف نے پاکستان کے لیے 1.2 ارب ڈالر کی نئی قسط کی منظوری دے دی ہے، جس کے بعد مجموعی ادائیگی 3.3 ارب ڈالر تک پہنچ گئی ہے۔ عالمی مالیاتی فنڈ نے کہا کہ پاکستان نے معاشی استحکام، مالیاتی نظم و ضبط اور اصلاحاتی ایجنڈے پر مؤثر عملدرآمد دکھایا ہے۔ نئی قسط موسمیاتی ریزیلینس اور اصلاحات میں تیزی کے لیے معاون ہوگی۔
وفاقی کابینہ کی اقتصادی رابطہ کمیٹی (ای سی سی) کا اہم اجلاس آج وزیر خزانہ محمد اورنگزیب کی زیر صدارت ہوگا، جس میں پیٹرول اور ڈیزل کی قیمتوں میں ممکنہ اضافے، سرکلر ڈیبٹ مینجمنٹ پلان، استعمال شدہ گاڑیوں کی امپورٹ پالیسی میں سختی اور مختلف معاشی فیصلوں پر غور کیا جائے گا۔ اجلاس میں ڈیلر مارجن کے بعد پیٹرول میں 1.28 روپے فی لیٹر اضافہ متوقع ہے، جبکہ پرسنل لگیج اسکیم ختم کرنے اور باقی اسکیموں کی شرائط سخت کرنے پر بھی غور کیا جائے گا۔
آئی ایم ایف کے ایگزیکٹیو بورڈ کا اجلاس پاکستان کے لیے 1.2 ارب ڈالر کی نئی قسط کی منظوری کے لیے آج منعقد ہو رہا ہے۔ اس قسط میں 1 ارب ڈالر توسیعی فنڈ سہولت جبکہ 20 کروڑ ڈالر موسمیاتی و پائیدار ترقی پروگرام کے تحت شامل ہیں۔ قسط سے زرمبادلہ کے ذخائر، مالیاتی استحکام اور سرمایہ کاروں کے اعتماد میں اضافہ متوقع ہے۔
سی ڈی ایف فیلڈ مارشل عاصم منیر نے افغانستان طالبان اور بھارت کو پاکستان کی سرحدی سلامتی پر واضح اور سخت پیغام دیا۔ جی ایچ کیو میں افسران سے خطاب کے دوران انہوں نے بڑھتے خطرات اور دفاعی تیاریوں پر زور دیا۔
ڈکی بھائی کیس میں نئے انکشافات سامنے آ گئے۔ پولیس نے تحقیقات تیز کر دی ہیں جبکہ کیس عدالت میں بھی پیش کیا گیا۔ سوشل میڈیا پر شدید ردعمل دیکھنے میں آ رہا ہے۔
الیکشن کمیشن نے ضمنی انتخابات میں ضابطہ اخلاق کی خلاف ورزی پر وزیر اعلیٰ خیبر پختونخوا سہیل آفریدی، عمر ایوب کی اہلیہ، حذیفہ رحمان اور مرتضیٰ عباسی کو 10 دسمبر کو سماعت کے لیے دوبارہ طلب کر لیا ہے۔
جی ایچ کیو راولپنڈی میں پہلی بار فیلڈ مارشل سید عاصم منیر کو تینوں مسلح افواج کی جانب سے شاندار گارڈ آف آنر پیش کیا گیا، تقریب میں نیول اور ایئر چیف سمیت اعلیٰ عسکری قیادت نے شرکت کی۔
انڈونیشیا کے صدر کا پاکستان دورہ دوطرفہ تعلقات کے نئے دور کی شروعات سمجھا جا رہا ہے۔
جاتی عمرہ میں وزیراعظم شہباز شریف کی نواز شریف سے ملاقات ہوئی جس میں موجودہ سیاسی صورتحال، ملکی معیشت اور حکومتی کارکردگی پر تفصیلی تبادلہ خیال کیا گیا۔ وزیر اعلیٰ پنجاب مریم نواز بھی اس موقع پر موجود تھیں۔
سکیورٹی فورسز نے بلوچستان کے علاقے قلات میں خفیہ معلومات پر مبنی کامیاب آپریشن کرتے ہوئے 12 بھارتی سرپرست دہشتگردوں کو ہلاک کر دیا۔ آئی ایس پی آر کے مطابق، کسی بھی دیگر بھارتی سرپرست دہشتگرد کے خاتمے کے لیے کلیئرنس آپریشن اور عزم استحکام مہم جاری رہے گی۔ وزیراعظم شہباز شریف نے بھی سکیورٹی فورسز کو خراج تحسین پیش کیا ہے۔
