پشاور ہائی کورٹ نے عمر ایوب اور شبلی فراز کی نااہلی کے خلاف درخواستوں کی سماعت کے دوران اپوزیشن لیڈرز کی تقرری روک دی، عدالت نے الیکشن کمیشن کو 15 اگست تک جواب دینے کا حکم دیا۔
نٹرنیشنل کرکٹ کونسل (آئی سی سی) نے نئی ون ڈے انٹرنیشنل (ODI) رینکنگ جاری کر دی ہے، جس میں پاکستان ایک درجہ نیچے گر کر پانچویں پوزیشن پر پہنچ گیا ہے جبکہ بھارت بدستور پہلے نمبر پر موجود ہے۔ سری لنکا نے 4,009 پوائنٹس حاصل کر کے چوتھی پوزیشن سنبھال لی ہے، جبکہ پاکستان کے پوائنٹس 3,465 رہ گئے ہیں۔
نیوزی لینڈ 4,160 پوائنٹس کے ساتھ دوسرے اور آسٹریلیا 3,473 پوائنٹس کے ساتھ تیسرے نمبر پر ہے۔ جنوبی افریقہ چھٹے، افغانستان ساتویں، ویسٹ انڈیز نویں، اور بنگلہ دیش دسویں پوزیشن پر ہے۔
فیلڈ مارشل عاصم منیر کے حالیہ دورہ امریکا نے پاکستان کے مؤقف کو عالمی سطح پر تقویت دی۔ امریکی حکومت کا بی ایل اے اور مجید بریگیڈ کو دہشتگرد قرار دینا اور بھارتی اسپانسرڈ فتنہ الہندوستان کا پردہ فاش ہونا پاکستان کی سفارتی اور ملٹری کامیابیوں کا منہ بولتا ثبوت ہے
اسلام آباد میں مسجدِ مدنی کے انہدام پر مذہبی حلقوں کا شدید ردعمل، علما نے حکومت کو 48 گھنٹے میں مسجد کی تعمیر کا الٹی میٹم دے دیا۔
ٹاروبا میں کھیلے گئے دوسرے ون ڈے میں ویسٹ انڈیز نے پاکستان کو 5 وکٹوں سے شکست دے دی۔ بارش کے باعث میچ 35 اوورز تک محدود ہوا۔ پاکستان نے پہلے بیٹنگ کرتے ہوئے 37 اوورز میں 171/7 رنز بنائے، ڈرک ورتھ لوئس میتھڈ کے تحت میزبان ٹیم کو 181 رنز کا ہدف ملا جو اس نے 33.2 اوورز میں پورا کر لیا۔ روسٹن چیز 49 اور شیرفین ردرفورڈ 45 رنز کے ساتھ نمایاں رہے۔ سیریز کا فیصلہ کن تیسرا میچ منگل کو کھیلا جائے گا۔
انسداد دہشت گردی عدالت لاہور نے 9 مئی کے دو مقدمات کا فیصلہ سناتے ہوئے شاہ محمود قریشی کو بری کردیا جبکہ پی ٹی آئی رہنماؤں یاسمین راشد، میاں محمود الرشید، اعجاز چوہدری اور عمرسرفراز چیمہ کو 10، 10 سال قید کی سزا سنادی۔
پاکستان تحریک انصاف نے پہلی بار اعتراف کیا کہ سابق آرمی چیف جنرل (ر) قمر جاوید باجوہ کو ایکسٹینشن دینا غلط فیصلہ تھا، اور قوم سے باضابطہ معافی مانگی۔ اسد قیصر نے آئندہ وسیع مشاورت کی یقین دہانی کرائی۔
انسداد دہشت گردی عدالت لاہور نے عمر ایوب خان کی عبوری ضمانتیں خارج کر دیں اور حاضری معافی کی درخواست مسترد کر دی۔ یہ فیصلہ 9 مئی کے پرتشدد واقعات سے متعلق تین مقدمات میں ہوا۔ عمر ایوب کے وکلا اب لاہور ہائی کورٹ میں اپیل دائر کریں گے۔
پاکستان نے ویسٹ انڈیز کو پہلے ون ڈے میں 5 وکٹوں سے شکست دے کر سیریز میں برتری حاصل کر لی، حسن نواز ڈیبیو پر پلیئر آف دی میچ قرار پائے۔
وزیراعظم شہباز شریف سے بلاول بھٹو زرداری نے ملاقات کی، جس میں میاں شاہد شفیع کے انتقال پر تعزیت کی گئی۔ ملاقات میں ملکی سیاسی صورتحال پر بھی تبادلہ خیال ہوا۔ اس موقع پر شیری رحمان اور آصفہ بھٹو بھی موجود تھیں۔
