چیف آف ڈیفنس فورسز فیلڈ مارشل عاصم منیر نے واضح کیا ہے کہ ریاست کے علاوہ کوئی فرد یا گروہ جہاد کا حکم یا فتویٰ جاری نہیں کر سکتا، افغان سرزمین سے فتنہ الخوارج کی دہشتگردی تشویشناک ہے۔
ترکی کے استنبول نیول شپ یارڈ میں پاکستان نیوی کے جدید ملگم کلاس جنگی جہاز پی این ایس خیبر کی کمیشننگ کی تقریب منعقد ہوئی، جس میں ترکی کے صدر رجب طیب اردوان مہمانِ خصوصی تھے۔ چیف آف دی نیول اسٹاف ایڈمرل نوید اشرف نے بھی تقریب میں شرکت کی۔ تقریب میں پاکستان اور ترکی کے دفاعی تعلقات، مشترکہ دفاعی پیداوار اور بحری سلامتی پر زور دیا گیا۔ پی این ایس خیبر جدید کمانڈ اینڈ کنٹرول سسٹمز، جدید ہتھیاروں اور سینسرز سے لیس ہے، جو پاکستان نیوی کی دفاعی صلاحیتوں میں نمایاں اضافہ کرے گا۔
صدرِ مملکت آصف علی زرداری عراق کے چار روزہ سرکاری دورے پر بغداد پہنچ گئے جہاں عراقی حکام نے ان کا پرتپاک استقبال کیا۔ دورے کے دوران صدر آصف علی زرداری کی اعلیٰ عراقی قیادت سے ملاقاتیں متوقع ہیں جن میں سیاسی، اقتصادی، تجارتی اور ثقافتی تعاون کو فروغ دینے پر تبادلۂ خیال کیا جائے گا۔ یہ دورہ پاکستان اور عراق کے برادرانہ تعلقات کو مزید مضبوط بنانے میں اہم سنگِ میل قرار دیا جا رہا ہے۔
سعودی عرب سے لاہور آنے والی پاکستان انٹرنیشنل ایئرلائنز (پی آئی اے) کی پرواز پی کے 860 کو دورانِ پرواز فنی خرابی کے باعث ہنگامی طور پر دمام ایئرپورٹ پر اتار لیا گیا۔ پرواز میں 350 سے زائد مسافر سوار تھے، تمام مسافر محفوظ رہے جبکہ طیارے کی فنی جانچ شروع کر دی گئی ہے۔
نائب وزیراعظم اور وزیرِ خارجہ اسحاق ڈار نے دریائے چناب کے بہاؤ میں اچانک اور غیرمعمولی اتار چڑھاؤ پر شدید تشویش کا اظہار کرتے ہوئے بھارت پر پانی کو بطور ہتھیار استعمال کرنے کا الزام عائد کیا ہے۔ اسلام آباد میں سفارتی برادری کو دی گئی ہنگامی بریفنگ میں اسحاق ڈار نے کہا کہ بھارت کی جانب سے بغیر پیشگی اطلاع پانی چھوڑنا سندھ طاس معاہدے کی صریح خلاف ورزی ہے، جس سے پاکستان کی زراعت، خوراک، معیشت اور 24 کروڑ عوام کے روزگار کو شدید خطرات لاحق ہو گئے ہیں۔
وفاقی حکومت نے 25 دسمبر کو قائد اعظم ڈے اور کرسمس کے موقع پر ملک بھر میں عام تعطیل کا اعلان کیا ہے۔
چیف آف ڈیفنس فورسز فیلڈ مارشل سید عاصم منیر نے لیبیا کا سرکاری دورہ کیا جہاں لیبیائی عسکری قیادت سے ملاقاتوں میں علاقائی سلامتی، دفاعی تعاون، فوجی تربیت اور انسداد دہشت گردی کے شعبوں میں باہمی شراکت داری کو فروغ دینے پر اتفاق کیا گیا۔ لیبیائی قیادت نے پاک فوج کی پیشہ ورانہ صلاحیتوں کا اعتراف کرتے ہوئے ملٹری ٹو ملٹری تعاون بڑھانے کی خواہش کا اظہار کیا۔
میٹرک میں نئے تعلیمی گروپس شامل کرنے کی تجویز سامنے آ گئی، جس سے طلبا کو تعلیم اور کیریئر کے نئے راستے میسر آ سکتے ہیں۔
ملک میں مہنگائی میں اضافہ ایک بار پھر عوام کے لیے بڑا چیلنج بن گیا ہے، جہاں سیمنٹ، آٹا، چکن اور انڈوں کی قیمتوں نے غریب اور متوسط طبقے کی کمر توڑ دی ہے۔
16 دسمبر پاکستان کے سانحات قومی تاریخ کے وہ المیے ہیں جو آج بھی دلوں کو زخمی کر دیتے ہیں
