وزیراعلیٰ خیبر پختونخوا علی امین گنڈاپور کا استعفا 34 گھنٹے گزرنے کے باوجود گورنر ہاؤس نہیں پہنچ سکا۔ گورنر نے استعفے پر آئینی اعتراضات اٹھاتے ہوئے کہا کہ سوشل میڈیا پر گردش کرنے والا استعفا غیر آئینی ہے، جس سے نیا بحران جنم لے سکتا ہے۔
خیبر پختونخوا کے مستعفی وزیراعلیٰ علی امین گنڈا پور نے دوٹوک اعلان کیا ہے کہ اب وہ کسی بھی صورت وزیراعلیٰ کے عہدے پر واپس نہیں آئیں گے، چاہے بانی چیئرمین بھی ان سے کہہ دیں۔ انہوں نے کہا کہ ان کا فیصلہ اصولی اور حتمی ہے، صوبے کے مفاد میں استعفیٰ فوراً منظور کیا جائے تاکہ حکومت اور عوامی کام متاثر نہ ہوں۔
اردن سے وطن واپس پہنچنے پر سابق سینیٹر مشتاق احمد خان کا اسلام آباد ایئرپورٹ پر والہانہ استقبال کیا گیا۔ عوام نے ان پر پھول نچھاور کیے جبکہ فلسطینی پرچم لہراتے ہوئے نعرے بلند کیے گئے۔ مشتاق احمد خان نے کہا کہ فلسطین کی آزادی تک جدوجہد جاری رہے گی۔
وزیراعلیٰ خیبرپختونخوا علی امین گنڈاپور نے استعفیٰ دے دیا، استعفی پر دستخط کر کے گورنر کو بھجوا دیا. عمران خان کی مشاورت سے سہیل آفریدی کو نیا وزیراعلیٰ نامزد کر دیا گیا۔
پاکستان تحریک انصاف نے خیبر پختونخوا میں قیادت کی تبدیلی کا بڑا فیصلہ کیا ہے۔ عمران خان کی ہدایت پر علی امین گنڈا پور کو عہدے سے ہٹا کر نوجوان رہنما سہیل آفریدی کو نیا وزیرِ اعلیٰ نامزد کیا گیا ہے۔ سہیل آفریدی قبائلی علاقے سے تعلق رکھنے والے تعلیم یافتہ اور متحرک رہنما ہیں، جنہوں نے اپنی کارکردگی اور عوامی رابطوں سے جلد مقبولیت حاصل کی۔ ان کا ایجنڈا تعلیم، روزگار اور امن کے فروغ پر مبنی ہے۔
لاہور کی ضلع کچہری نے پی ٹی آئی کی سوشل میڈیا ایکٹوسٹ فلک جاوید کے جسمانی ریمانڈ میں دو روز کی توسیع کردی۔ نیشنل سائبر کرائم انویسٹی گیشن ایجنسی (NCCIA) کی درخواست پر سماعت کے بعد عدالت نے فیصلہ سنایا۔ فلک جاوید پر ریاست مخالف ٹویٹس کے دو مقدمات درج ہیں۔
پاکستان تحریک انصاف (پی ٹی آئی) کے بانی عمران خان نے وزیراعلیٰ خیبرپختونخوا علی امین گنڈا پور کو عہدے سے ہٹانے کا فیصلہ کرلیا ہے۔ پارٹی ذرائع کے مطابق عمران خان نے سہیل آفریدی کو نیا وزیر اعلیٰ نامزد کردیا۔ یہ ہدایات عمران خان نے توشہ خانہ کیس کی سماعت کے دوران پارٹی رہنماؤں کو جاری کیں۔
الیکشن کمیشن نے پنجاب میں بلدیاتی انتخابات دسمبر 2025 کے آخری ہفتے میں 2022 کے قانون کے تحت کرانے کا فیصلہ کیا ہے۔ حلقہ بندیاں دو ماہ میں مکمل ہوں گی، اور انتخابات آئینی ذمہ داری کے تحت منعقد کیے جائیں گے۔
26ویں آئینی ترمیم پر سپریم کورٹ کی سماعت میں جسٹس امین الدین نے واضح کیا کہ آئین میں ترمیم ہونے تک موجودہ آئین ہی فیصلہ سازی کی بنیاد ہوگا۔
الیکشن کمیشن آف پاکستان نے سابق اپوزیشن لیڈر عمر ایوب خان کی قومی اسمبلی کی نشست این اے 18 ہری پور پر ضمنی انتخاب کی تاریخ کا اعلان کردیا ہے۔ پولنگ 24 نومبر کو ہوگی جبکہ کاغذات نامزدگی 15 سے 17 اکتوبر تک جمع کرائے جاسکیں گے۔ اسکروٹنی اور اعتراضات کے لیے تاریخیں بھی جاری کردی گئیں۔
