فیلڈ مارشل عاصم منیر کا گوجرانوالہ و سیالکوٹ گیریژن کا دورہ، پاک فوج ہر چیلنج سے نمٹنے کے لیے تیار ہے
چیف آف آرمی اسٹاف و چیف آف ڈیفنس فورسز فیلڈ مارشل عاصم منیر نے کہا ہے کہ پاک فوج ہر اندرونی و بیرونی خطرے سے نمٹنے کے لیے مکمل طور پر تیار ہے۔
وزیر اعظم شہباز شریف کا قومی علما کنونشن سے خطاب: افواج پاکستان کے خلاف پروپیگنڈا ناقابل برداشت ہے
وزیر اعظم محمد شہباز شریف نے کہا ہے کہ افواجِ پاکستان کی قربانیوں کا مذاق اڑانے اور ان کے خلاف پروپیگنڈا کسی صورت برداشت نہیں کیا جائے گا۔ اسلام آباد میں قومی علما کنونشن سے خطاب کرتے ہوئے انہوں نے کہا کہ افواجِ پاکستان نے اپنے لہو سے تاریخ رقم کی اور دشمن کو ایسی شکست دی جو قیامت تک یاد رکھی جائے گی۔ وزیر اعظم نے قومی یکجہتی، فرقہ واریت کے خاتمے اور ملک کی سلامتی کے لیے علما کے کردار کو انتہائی اہم قرار دیا۔
جی ایچ کیو آرمی چیف کی رائل سعودی لینڈ فورسز کے کمانڈر اور بحرینی نیشنل گارڈ کے کمانڈر سے ملاقاتیں
چیف آف دی آرمی اسٹاف فیلڈ مارشل سید عاصم منیر نے پاکستان اور سعودی عرب کے درمیان مضبوط دفاعی تعلقات اور خطے میں سیکیورٹی تعاون پر اطمینان کا اظہار کیا ہے۔ جی ایچ کیو میں رائل سعودی لینڈ فورسز کے کمانڈر لیفٹیننٹ جنرل فہد بن سعود الجوہانی سے ملاقات میں تربیت، انٹیلی جنس شیئرنگ اور صلاحیت سازی میں مزید شراکت داری پر اتفاق کیا گیا۔
فیلڈ مارشل عاصم منیر کا 27ویں نیشنل سیکیورٹی ورکشاپ سے خطاب قومی وحدت ہماری سب سے بڑی طاقت
آرمی چیف فیلڈ مارشل عاصم منیر نے 27ویں نیشنل سیکیورٹی ورکشاپ میں خطاب کرتے ہوئے کہا کہ معرکۂ حق میں افواج پاکستان کے عزم نے ملک کا عالمی وقار بلند کیا، جب کہ قومی وحدت ہماری سب سے بڑی طاقت ہے۔ انہوں نے واضح کیا کہ پاکستان اس وقت سرحد پار دہشت گردی، ہائبرڈ جنگ اور بیرونی حمایت یافتہ شدت پسندی جیسے پیچیدہ چیلنجز کا سامنا کر رہا ہے، مگر مسلح افواج، انٹیلی جنس ادارے اور قانون نافذ کرنے والے ادارے پوری پیشہ ورانہ مہارت کے ساتھ قومی سلامتی کو یقینی بنا رہے ہیں
سبکدوش چیئرمین جوائنٹ آف اسٹاف جنرل ساحر شمشاد مرزا کی آرمی چیف سے الوداعی ملاقات
جنرل ہیڈکوارٹرز راولپنڈی میں آرمی چیف فیلڈ مارشل عاصم منیر سے سبکدوش ہونے والے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے الوداعی ملاقات کی۔ آرمی چیف نے ان کی مثالی قیادت، اسٹریٹجک بصیرت اور تینوں افواج کے درمیان رابطے کو مضبوط بنانے میں ان کے کردار کو سراہا۔ جنرل مرزا نے یادگارِ شہداء پر حاضری بھی دی۔
ڈی جی آئی ایس پی آر کی صحافیوں سے غیر رسمی گفتگو: فیض حمید کے کورٹ مارشل پر قیاس آرائیوں سے گریز کریں
ڈی جی آئی ایس پی آر لیفٹننٹ جنرل احمد شریف چوہدری نے غیر رسمی گفتگو میں کہا کہ سابق ڈی جی آئی ایس آئی لیفٹننٹ جنرل (ر) فیض حمید کے خلاف کورٹ مارشل کی کارروائی جاری ہے، اور یہ مکمل طور پر قانونی و عدالتی عمل ہے، اس لیے اس معاملے پر قیاس آرائیوں سے گریز کیا جائے۔ انہوں نے واضح کیا کہ پاکستان نے گزشتہ شب افغانستان میں کوئی کارروائی نہیں کی، اور پاکستان جب بھی کوئی آپریشن کرتا ہے تو باقاعدہ اعلان کرکے کرتا ہے۔ ترجمان نے کہا کہ پاکستان کبھی سویلین آبادی کو نشانہ نہیں بناتا، مسئلہ افغان عوام سے نہیں بلکہ افغان عبوری حکومت کی جانب سے دہشت گردوں کے خلاف غیر مؤثر کارروائی سے ہے۔
انٹیلی جنس بنیاد پرسیکیورٹی فورسز کا بنوں میں کامیاب آپریشن، 22 دہشت گرد ہلاک
خیبر پختونخوا کے ضلع بنوں میں سیکیورٹی فورسز نے انٹیلی جنس بنیاد پر کامیاب آپریشن (آئی بی او) کرتے ہوئے بھارتی اسپانسرڈ فتنۃ الخوارج کے 22 دہشت گرد ہلاک کر دیے۔ آئی ایس پی آر کے مطابق یہ کارروائی اس اطلاع پر کی گئی کہ بھارتی پراکسی خوارج علاقے میں موجود ہیں۔ شدید فائرنگ کے تبادلے کے بعد سیکیورٹی فورسز نے ٹھکانے کو مؤثر انداز میں نشانہ بنایا۔
جی ایچ کیو میں سعودی چیف آف جنرل اسٹاف جنرل فیاض الرویلی کی جنرل عاصم منیر سے ملاقات
سعودی چیف آف جنرل اسٹاف جنرل فیاض الرویلی نے جی ایچ کیو میں جنرل عاصم منیر سے ملاقات کی، جس میں دفاعی تعاون، اسٹریٹیجک شراکت داری، انسداد دہشت گردی اور سیکیورٹی تعاون کے فروغ پر بات چیت ہوئی۔ وفد نے یادگارِ شہداء پر پھول بھی چڑھائے۔
خیبرپختونخوا میں سیکیورٹی فورسز کی کارروائیاں، بھارتی حمایت یافتہ 4 دہشت گرد ہلاک
خیبرپختونخوا کے مختلف علاقوں میں سیکیورٹی فورسز نے کامیاب انٹیلی جنس بیسڈ کارروائیوں کے دوران بھارتی حمایت یافتہ فتنۂ خوارج کے 4 دہشت گردوں کو ہلاک کر دیا۔ آئی ایس پی آر کے مطابق باجوڑ، شمالی وزیرستان اور ڈیرہ اسمٰعیل خان میں کی گئی کارروائیوں میں دہشت گردوں کے ٹھکانے تباہ کیے گئے اور اسلحہ و بارود برآمد کیا گیا۔ کلیئرنس آپریشنز جاری ہیں۔
خیبر پختونخوا میں سیکیورٹی فورسز کی کامیاب کارروائیاں، بھارت نواز فتنۃ الخوارج کے 23 دہشتگرد ہلاک
خیبر پختونخوا میں سیکیورٹی فورسز نے دو کامیاب انٹیلی جنس بیسڈ آپریشنز میں بھارت کی سرپرستی یافتہ فتنۃ الخوارج کے 23 دہشتگردوں کو ہلاک کر دیا۔ باجوڑ میں کارروائی کے دوران گروہ کے اہم سرغنہ سجاد عرف ابوذر سمیت 11 دہشتگرد مارے گئے، جب کہ بنوں میں مزید 12 دہشتگردوں کو ٹھکانے لگا دیا گیا۔ آئی ایس پی آر کے مطابق دہشتگرد شہریوں اور فورسز پر حملوں کی منصوبہ بندی کر رہے تھے۔ بنوں میں ایک دہشتگرد بارودی مواد نصب کرتے ہوئے خود ہلاک ہو گیا، جو تنظیم کی مایوسی اور کم ہوتی صلاحیتوں کا ثبوت ہے۔ سیکیورٹی فورسز نے واضح کیا کہ عزمِ استحکام کے وژن کے تحت ملک سے دہشتگردی کے مکمل خاتمے کیلئے کلیئرنس آپریشنز جاری رہیں گے۔