عالمی منڈی میں خام تیل کی قیمتوں میں نمایاں کمی کے بعد پاکستان میں بھی پیٹرولیم مصنوعات سستی ہونے کا امکان پیدا ہو گیا ہے۔ ذرائع کے مطابق 16 جنوری سے پیٹرول کی قیمت میں 4 روپے 59 پیسے فی لیٹر جبکہ ہائی اسپیڈ ڈیزل کی قیمت میں 2 روپے 70 پیسے فی لیٹر تک کمی متوقع ہے۔
عالمی اور مقامی مارکیٹ میں آج بھی سونے کی قیمتوں میں نمایاں اضافہ ریکارڈ کیا گیا ہے، عالمی مارکیٹ میں سونا 9 ڈالر مہنگا ہو کر 4595 ڈالر فی اونس تک پہنچ گیا جبکہ پاکستان میں فی تولہ سونے کی قیمت میں 900 روپے اضافہ ہوا ہے۔
وفاقی حکومت نے نیپرا کی جانب سے 2026 کے لیے فی یونٹ 62 پیسے کمی کی منظوری کے باوجود بجلی کے بنیادی ٹیرف میں کمی نہ کرنے کا فیصلہ کر لیا ہے۔ پاور ڈویژن کے مطابق سال 2026 کے لیے بجلی کا بنیادی ٹیرف برقرار رہے گا۔
سونے اور چاندی کی قیمتوں میں مسلسل اضافے کے بعد نیا ریکارڈ قائم ہو گیا۔ صرافہ بازار کے مطابق فی تولہ سونا 7 ہزار 700 روپے مہنگا ہو کر 4 لاکھ 80 ہزار 962 روپے تک پہنچ گیا، جبکہ عالمی مارکیٹ میں سونا 4509 ڈالر فی اونس ہو گیا۔
پاکستان اور انڈونیشیا کے درمیان پام آئل کی تجارت کو فروغ دینے کے لیے تاریخی معاہدے طے پا گئے ہیں۔ یہ پیش رفت دونوں ممالک کے 75 سالہ سفارتی تعلقات اور حالیہ صدارتی دورے کا نتیجہ ہے، جس کے تحت مشترکہ تجارتی کمیشن کا قیام اور ریفائننگ کے شعبے میں تعاون بڑھایا جائے گا۔
ملک بھر میں آٹے کی قیمتوں میں مسلسل اضافے نے مہنگائی کے ستائے عوام کی مشکلات میں بے پناہ اضافہ کر دیا ہے۔ وفاقی ادارہ شماریات کے مطابق ایک ہفتے کے دوران 20 کلو آٹے کے تھیلے کی قیمت میں مختلف شہروں میں 40 سے لے کر 590 روپے تک اضافہ ریکارڈ کیا گیا۔
پاکستان اسٹاک ایکسچینج مندی کا شکار ہوگئی، کاروباری ہفتے کے پہلے دن ہنڈریڈ انڈیکس ایک ہزار سے زائد پوائنٹس گر گیا، جبکہ انٹر بینک میں ڈالر کی قدر میں معمولی کمی ریکارڈ کی گئی۔
چین نے 2026 کے دوران کھپت میں اضافے، ڈیجیٹل و ماحول دوست تجارت کے فروغ اور غیر ملکی سرمایہ کاری کو راغب کرنے کے لیے جامع حکمت عملی کا اعلان کر دیا۔
لاہور میں برائلر گوشت کی قیمت بظاہر برقرار ہے مگر سرکاری نرخ 595 روپے فی کلو کے باوجود اوور چارجنگ کا سلسلہ جاری ہے۔ شہر کے مختلف علاقوں میں دکاندار من مانے دام وصول کر رہے ہیں، جبکہ فارمی انڈوں کی قیمتوں نے بھی شہریوں کو پریشان کر دیا ہے۔
چمن میں آٹے کی قیمتوں میں اچانک اور بڑا اضافہ دیکھنے میں آیا ہے، جہاں ایک ہفتے کے دوران 100 کلو آٹے کی بوری 2500 روپے مہنگی ہو گئی۔ پنجاب سے آٹے کی ترسیل بند ہونے کے باعث قیمتیں آسمان سے باتیں کرنے لگیں، جس سے عوام شدید مشکلات کا شکار ہو گئے ہیں۔
