وفاقی حکومت نے نیپرا کی جانب سے 2026 کے لیے فی یونٹ 62 پیسے کمی کی منظوری کے باوجود بجلی کے بنیادی ٹیرف میں کمی نہ کرنے کا فیصلہ کر لیا ہے۔ پاور ڈویژن کے مطابق سال 2026 کے لیے بجلی کا بنیادی ٹیرف برقرار رہے گا۔
وفاقی آئینی عدالت نئی عمارت میں منتقل ہو گئی، چیف جسٹس امین الدین خان نے دیگر ججز کے ہمراہ افتتاح کیا۔ تین بینچز نے وفاقی شرعی عدالت کی عمارت میں باقاعدہ عدالتی کارروائی کا آغاز کر دیا، سپر ٹیکس کیس کی سماعت شروع۔
متنازع ٹویٹ کیس میں عدالت نے ایمان مزاری کی حاضری سے استثنا منظور کرتے ہوئے سماعت 14 جنوری تک ملتوی کر دی، ہادی علی چٹھہ عدالت میں پیش ہوئے۔
9 مئی ویڈیوز تصدیق کا مرحلہ مکمل ہوگیا، پنجاب فرانزک سائنس لیبارٹری کی رپورٹ میں وزیراعلیٰ خیبر پختونخوا سہیل آفریدی، کامران بنگش، تیمور جھگڑا اور عرفان سلیم کی ویڈیوز میں موجودگی کی تصدیق کردی گئی۔
اسلام آباد کے سیکٹر جی سیون ٹو میں شادی کی تقریب کے دوران گیس سلنڈر دھماکے میں دولہا اور دلہن سمیت 8 افراد جاں بحق ہو گئے۔ دھماکے کے نتیجے میں متعدد افراد زخمی ہوئے جبکہ تین گھر مکمل طور پر تباہ ہو گئے۔ واقعے کے بعد ریسکیو اداروں نے فوری کارروائی کرتے ہوئے زخمیوں کو اسپتال منتقل کیا، جہاں ایمرجنسی نافذ کر دی گئی۔ انتظامیہ نے واقعے کی تحقیقات شروع کر دی ہیں۔
ملتان سلطانز آکشن کا باضابطہ فیصلہ کر لیا گیا، پاکستان کرکٹ بورڈ جلد اوپن بڈنگ کے ذریعے فرنچائز فروخت کرے گا، غیر ملکی سرمایہ کاروں کی دلچسپی کے بعد قیمت میں اضافے کی توقع ہے۔
پمز اسپتال میں پھیپھڑوں کے بجائے جگر کی بائیوپسی سے خاتون کی ہلاکت کے بعد انتظامیہ نے فیکٹ فائنڈنگ کمیٹی قائم کر دی۔ 24 گھنٹوں میں رپورٹ طلب، آئی ایچ آر اے کی جانب سے بھی ڈاکٹر سے جواب طلب کر لیا گیا۔
وزیر داخلہ محسن نقوی نے بیجنگ میں چینی وزیر سے ملاقات کے دوران اسلام آباد میں چینی شہریوں کے تحفظ کے لیے خصوصی سیکیورٹی یونٹ قائم کرنے کا اعلان کیا۔
وفاقی حکومت نے آئی ایم ایف کی ایک اور اہم شرط پوری کرنے کے لیے شوگر سیکٹر کو ڈی ریگولیٹ کرنے کا اصولی فیصلہ کر لیا ہے، جس کے تحت چینی کی قیمت، گنے کی کاشت، برآمد و درآمد اور شوگر ملز کے قیام سے متعلق تمام سرکاری پابندیاں ختم کرنے کی تجویز دی گئی ہے۔
انسداد دہشت گردی عدالت راولپنڈی نے جی ایچ کیو حملہ کیس میں پیش نہ ہونے پر 40 سے زائد ملزمان کے ناقابل ضمانت وارنٹ گرفتاری جاری کر دیے، کیس کی سماعت 20 جنوری تک ملتوی کر دی گئی۔
