اسلام آباد ہائیکورٹ کے 3 نئے ایڈیشنل ججز نے چیف جسٹس سرفراز ڈوگر سے حلف اٹھا لیا، تقریب میں عدالت کے ججز اور بار نمائندگان نے شرکت کی۔
پی ایم ڈی سی نے لائسنس کی معیاد ختم ہونے والے ڈاکٹرز کو الرٹ جاری کردیا، 6 ماہ میں تجدید نہ کرانے پر لائسنس منسوخ کرنے کا فیصلہ کیا گیا ہے۔
اسلام آباد ہائیکورٹ نے اعلیٰ عدلیہ میں ججز کی تقرری کی طویل عرصے سے زیرِ التوا سمری پر وفاقی حکومت اور وزارت قانون سے رپورٹس طلب کرلیں۔ عدالت نے سمری کو غیر معینہ مدت تک زیرِ التوا رکھنے کے نتائج بھی پوچھ لیے۔
400 کلو گرام چاندی چوری اسکینڈل پر وزیراعظم کی منظوری کے بعد ایف بی آر نے اعلیٰ اختیاراتی 3 رکنی انکوائری کمیٹی تشکیل دے دی۔ کمیٹی 60 روز میں تحقیقات مکمل کر کے رپورٹ وزیراعظم کو پیش کرے گی جبکہ 9 کسٹمز افسران کے کردار کا بھی جائزہ لیا جائے گا۔
ججز کی تعیناتی سمری کیس میں اسلام آباد ہائیکورٹ نے صدرِ مملکت کی جانب سے منظوری نہ دینے کے خلاف درخواست پر دلائل مکمل ہونے کے بعد فیصلہ محفوظ کر لیا۔ عدالت نے درخواست کے قابلِ سماعت ہونے سمیت کئی اہم آئینی سوالات بھی اٹھائے۔
اسلام آباد ہائیکورٹ الاؤنس میں اضافہ کے تحت گریڈ 17 سے گریڈ 22 تک کے افسران کے لیے نئے ٹرانسپورٹ مونیٹائزیشن الاؤنس کا نوٹیفکیشن جاری کر دیا گیا۔ نئے نرخ یکم جولائی 2026 سے نافذ ہوں گے اور اخراجات مالی سال 2026-27 کے بجٹ سے پورے کیے جائیں گے۔
آئی جی اسلام آباد چھٹی پر بیرون ملک روانہ ہوگئے، ان کی غیر موجودگی میں ہارون جوئیہ کو قائم مقام آئی جی اسلام آباد کا چارج سونپ دیا گیا۔
کیپیٹل ڈیولپمنٹ اتھارٹی (سی ڈی اے) نے اسلام آباد کے پہلے بین الاقوامی معیار کے کرکٹ اسٹیڈیم کی تعمیر کے منصوبے پر پیش رفت تیز کر دی ہے۔ ڈی-12 کے قریب 35 ہزار نشستوں والے اسٹیڈیم کی مجموعی لاگت 11.9 ارب روپے ہے، جبکہ نرخوں کی جانچ مکمل ہونے کے بعد تعمیراتی کام شروع ہونے کی توقع ہے۔
وزیراعظم شہباز شریف نے آذربائیجان کے سفیر خضر فرہادوف کی الوداعی ملاقات میں ان کی سفارتی خدمات، دوطرفہ تعلقات کے فروغ اور براہ راست پروازوں کے آغاز میں کردار کو سراہتے ہوئے مستقبل میں تعاون مزید مضبوط بنانے کے عزم کا اظہار کیا۔
نائب وزیراعظم و وزیر خارجہ اسحاق ڈار نے قونصلر خدمات کے جائزہ اجلاس میں شہریوں کو بروقت اور معیاری سہولتیں فراہم کرنے کی ہدایت کرتے ہوئے قونصلر خدمات کی ڈیجیٹلائزیشن، شفافیت اور صبح و شام کی شفٹوں کے اجراء پر زور دیا۔
| فجر | 04:14 AM |
| طلوع آفتاب | 05:41 AM |
| ظہر | 12:08 PM |
| عصر | 03:46 PM |
| مغرب | 06:36 PM |
| عشاء | 08:02 PM |
