مری میں سکول وین میں آگ لگنے سے 10 بچے جھلس کر زخمی ہوگئے۔ ریسکیو 1122 کی ٹیمیں فوری طور پر جائے وقوعہ پر پہنچیں، بچوں کو بحفاظت باہر نکالا اور ابتدائی طبی امداد کے بعد سول ہسپتال مری منتقل کر دیا۔
پاکستان تحریک انصاف کے 27 ستمبر کے ممکنہ لانگ مارچ کے پیشِ نظر راولپنڈی کے فیض آباد میں تمام ہوٹلز بند کرا دیے گئے۔ پولیس ذرائع کے مطابق ریسٹورینٹس، دکانیں، مسافر خانے اور ٹرانسپورٹ اڈے بھی بند کرنے کی ہدایات دی گئی ہیں، جبکہ اسلام آباد آنے والے راستوں پر کنٹینرز بھی لگائے جا رہے ہیں۔
وزارت داخلہ نے اسلام آباد اور پنجاب کے مختلف اضلاع میں رینجرز تعیناتی کی منظوری دے دی، اہلکار امن و امان اور سکیورٹی کے لیے پولیس کی معاونت کریں گے۔
اسلام آباد ہائیکورٹ نے پی ٹی آئی رہنماؤں ملک عامر، شعیب شاہین اور دیگر کی ہراسگی کیخلاف دائر درخواست اسلام آباد پولیس کی یقین دہانی پر نمٹا دی۔ جسٹس انعام امین منہاس کی سربراہی میں ہونے والی سماعت میں پولیس حکام نے عدالت کو بتایا کہ درخواست گزاروں کو ہراساں نہیں کیا گیا اور نہ ہی آئندہ ایسا کیا جائے گا۔
مالدیپ کی عوامی مجلس کے سپیکر عبدالرحیم عبداللہ نے جی ایچ کیو کا دورہ کیا جہاں فیلڈ مارشل سید عاصم منیر سے ملاقات میں علاقائی سلامتی اور دوطرفہ تعاون پر تبادلہ خیال کیا گیا۔ مالدیپی سپیکر نے علاقائی امن و استحکام کے فروغ میں پاکستان کے تعمیری کردار کو سراہا۔
وفاقی آئینی عدالت 10 منٹ دلائل فیصلہ کے تحت اب ہر وکیل کو اپنے دلائل مکمل کرنے کیلئے صرف 10 منٹ دیے جائیں گے۔ چیف جسٹس جسٹس امین الدین خان نے یہ فیصلہ مقدمات کے جلد فیصلوں کو یقینی بنانے کیلئے دیا، جس کے تحت کمرہ عدالت میں سٹاپ واچ بھی نصب کر دی گئی ہے۔
اسلام آباد ہائیکورٹ کے جسٹس انعام امین منہاس نے ریمارکس دیے کہ ایس او پی قانون نہیں ہوتا اور شہریوں کو آف لوڈ کرنے کا اختیار کہاں سے ملا۔ عدالت نے ایف آئی اے حکام کو آئندہ سماعت پر قانونی اختیار سے متعلق مکمل تیاری کے ساتھ پیش ہونے کی ہدایت کر دی۔
اسلام آباد کے سیکٹر جی ٹین میں پانچ مسلح ڈاکوؤں نے ایک غیر ملکی باشندے کو یرغمال بنا کر 80 لاکھ روپے اور قیمتی اشیا لوٹ لیں۔ مقدمے کے مطابق ایک ملزم پولیس وردی میں تھا اور ڈاکو تقریباً ڈیڑھ گھنٹے تک گھر میں موجود رہے۔
وفاقی وزیر داخلہ محسن نقوی سے امریکی سفیر نیٹلی بیکر کی ملاقات میں پاک امریکا تعلقات کے فروغ، سرمایہ کاری کے مواقع اور علاقائی سکیورٹی پر تبادلہ خیال ہوا۔ محسن نقوی نے کہا کہ دنیا اور دہشت گردی کے درمیان پاکستان ایک مضبوط دیوار ہے۔
NCCIA نے اسلام آباد کے E-11 اور G-10 میں تین مبینہ غیر قانونی کال سینٹرز پر چھاپے مار کر 212 پاکستانی اور چینی شہریوں کو حراست میں لے لیا۔
موٹروے پولیس کے مطابق ایم ون، ایم 14 اور جی ٹی روڈ سمیت اہم قومی شاہراہیں آج شام سے ہر قسم کی ٹریفک کے لیے مکمل بند رہیں گی۔ ایم 2 پر بڑی گاڑیوں کا داخلہ بھی بند کر کے انہیں جی ٹی روڈ پر ڈائیورٹ کیا جائے گا۔
موٹروے پولیس نے 23 ستمبر کی شام سے M-1، M-14 اور جی ٹی روڈ N-5 کے مختلف حصوں کو بند رکھنے کی ٹریفک ایڈوائزری جاری کردی۔
مولانا فضل الرحمان نے اسلام آباد میں پریس کانفرنس کے دوران امن و امان، مہنگائی، قرضوں اور احتجاج کے حق پر تشویش ظاہر کی۔ ان کا کہنا تھا کہ ملک میں آئین و قانون کی بالادستی اور عوام کے بنیادی حقوق کے تحفظ کے لیے مؤثر اقدامات ضروری ہیں۔
وزیر داخلہ محسن نقوی نے کہا ہے کہ اسلام آباد پر دھاوا بولنے کی کوشش کا کوئی فائدہ نہیں ہوگا، حکومت اس بار ملک کو کئی روز تک بند رکھنے والی صورتحال پیدا نہیں ہونے دے گی۔
سیاسی جماعتوں کے احتجاج اور لانگ مارچ کے پیش نظر خیبرپختونخوا سے اسلام آباد آنے والے راستوں پر سکیورٹی سخت کرنے کی تیاری، مختلف مقامات پر خندقیں اور رکاوٹیں بنانے کا فیصلہ۔
پیٹرول قیمت 1000 روپے فی لیٹر تک پہنچنے کا خدشہ وفاقی وزیر پیٹرولیم علی پرویز ملک نے ظاہر کر دیا۔ لاہور میں میڈیا سے گفتگو میں انہوں نے کہا کہ فی الحال ملک میں پیٹرول کی کوئی قلت نہیں، تاہم قلت پیدا ہونے کی صورت میں قیمت غیر معمولی حد تک بڑھ سکتی ہے۔
اسلام آباد اسپتال ہائی الرٹ کا نوٹیفکیشن جاری — سیاسی جماعتوں کے احتجاج اور لانگ مارچ کے اعلان کے بعد پمز اور پولی کلینک سمیت وفاقی اسپتالوں میں ہنگامی صورتحال سے نمٹنے کی تیاریاں مکمل، طبی و غیر طبی شعبوں کے سربراہان کی چھٹیوں پر پابندی عائد کر دی گئی۔
قلات سکیورٹی فورسز آپریشن میں 5 دہشت گرد ہلاک جبکہ 23 مغوی شہری بحفاظت بازیاب کرالیے گئے۔ صدر مملکت، وزیراعظم اور وفاقی وزیر داخلہ نے سکیورٹی فورسز کی کارروائی کو سراہا۔
پاکستان سکیورٹی ڈائیلاگ 2026 سکیورٹی خدشات کے باعث منسوخ ہوگیا، پپس کے مطابق بیشتر غیر ملکی مندوبین کے ویزے منسوخ ہوئے جبکہ سرینا ہوٹل نے بکنگز ختم کردیں۔
نائب وزیراعظم و وزیر خارجہ اسحاق ڈار سے ترک سفیر اور برطانوی ہائی کمشنر نے الگ الگ ملاقاتیں کیں، جن میں دوطرفہ تعلقات، علاقائی صورتحال اور سفارتی تعاون پر تبادلہ خیال کیا گیا۔
نئے آئی جی اسلام آباد کیپٹن (ر) محمد سہیل چوہدری نے یادگارِ شہداء پر حاضری دی، پھولوں کی چادر چڑھائی اور شہداء کے درجات کی بلندی کے لیے فاتحہ خوانی کی۔
امیر جماعت اسلامی حافظ نعیم الرحمان نے پیٹرولیم لیوی ختم کرنے کا مطالبہ کرتے ہوئے 20 ستمبر کو چاروں طرف سے اسلام آباد آنے کا اعلان کردیا، ان کا کہنا ہے مطالبات نہ مانے گئے تو مذاکرات ختم کردیں گے۔
اسلام آباد اسپورٹس کمپلیکس میں کنسرٹ کے دوران مجسٹریٹ سہالہ کے ہمراہ آنے والے افراد کو بغیر ٹکٹ داخلے سے روکنے پر پولیس اہلکار اور مجسٹریٹ کے درمیان تلخ کلامی ہوگئی، ضلعی انتظامیہ نے انکوائری شروع کردی۔
اسلام آباد پولیس میں بڑی انتظامی تبدیلی عمل میں لائی گئی ہے۔ علی ناصر رضوی کو آئی جی اسلام آباد کے عہدے سے تبدیل کرکے ڈی جی این سی سی آئی اے تعینات کردیا گیا، جبکہ چودھری سہیل گجر کو نیا آئی جی اسلام آباد مقرر کیا گیا ہے۔
پاکستان پیٹرولیم ڈیلرز ایسوسی ایشن کی جانب سے ملک بھر کے پیٹرولیم ڈیلرز کو اوگرا، سول ڈیفنس، ایکسپلوز اور لیبر ڈیپارٹمنٹ کے قوانین پر عمل درآمد اور حفاظتی اقدامات مکمل رکھنے کی ہدایت کی گئی ہے۔
| فجر | 04:50 AM |
| طلوع آفتاب | 06:13 AM |
| ظہر | 11:53 AM |
| عصر | 03:06 PM |
| مغرب | 05:34 PM |
| عشاء | 06:57 PM |