اسلام آباد پولیس لائنز میں 13 سالہ گھریلو ملازمہ فاطمہ مبینہ تشدد سے جاں بحق، مقدمہ درج

اسلام آباد پولیس لائنز میں 13 سالہ گھریلو ملازمہ فاطمہ مبینہ تشدد سے جاں بحق، مقدمہ درج

اسلام آباد پولیس لائنز میں 13 سالہ گھریلو ملازمہ فاطمہ اصغر مبینہ تشدد کے باعث جاں بحق ہوگئی۔ واقعے کا مقدمہ مقتولہ کے والد اصغر علی کی مدعیت میں تھانہ شمس کالونی میں درج کر لیا گیا ہے۔

اطلاعات کے مطابق فاطمہ کی طبیعت اچانک خراب ہونے پر اسے تشویشناک حالت میں قائداعظم اسپتال منتقل کیا گیا، جہاں وہ دورانِ علاج دم توڑ گئی۔ کمسن بچی مقامی مدرسے میں حفظِ قرآن کی تعلیم بھی حاصل کر رہی تھی۔

مقتولہ کے اہل خانہ نے بچی کے جسم پر تشدد کے نشانات ہونے کا دعویٰ کرتے ہوئے واقعے کو قتل قرار دیا ہے۔ مقدمہ قتل کی دفعہ کے تحت درج کیا گیا ہے، جبکہ پولیس کے مطابق بچی کے جسم پر تشدد کے نشانات پائے گئے ہیں۔

واقعے کے بعد اہل خانہ کو مبینہ طور پر قانونی کارروائی سے روکنے اور معاملہ دبانے کی کوششوں کی اطلاعات بھی سامنے آئی ہیں، تاہم والد نے قانونی کارروائی کرتے ہوئے مقدمہ درج کرا دیا۔

پولیس نے واقعے کے سلسلے میں ایک اعلیٰ سرکاری افسر کی اہلیہ اور گھر میں کام کرنے والے ایک ملازم کو گرفتار کر لیا ہے۔ ملزمان سے تفتیش جاری ہے اور مزید قانونی کارروائی عمل میں لائی جا رہی ہے۔

13 سالہ فاطمہ کی ہلاکت نے کم عمر گھریلو ملازمین کے تحفظ اور ان کے ساتھ ہونے والے مبینہ تشدد کے واقعات پر ایک بار پھر سوالات اٹھا دیے ہیں۔ واقعے کی شفاف تحقیقات اور ذمہ داروں کا تعین ضروری ہے۔

اسلام آباد میں 13 سالہ بچی کی پراسرار موت، آخر حقیقت کیا ہے؟

تھانہ شمس کالونی کی حدود میں 13 سالہ حافظِ قرآن بچی کی پراسرار موت نے سنگین سوالات کھڑے کر دیے۔ والد نے پولیس کو دی گئی درخواست میں بعض افراد پر شبہ ظاہر کرتے ہوئے تحقیقات کا مطالبہ کیا ہے۔

بچی کی اچانک طبیعت کیوں خراب ہوئی؟ موت کی اصل وجہ کیا تھی؟ واقعے کے وقت کون موجود تھا؟

آئی جی اسلام آباد سے مطالبہ ہے کہ واقعے کی شفاف تحقیقات کر کے حقائق عوام کے سامنے لائے جائیں اور کسی جرم کے شواہد ملنے پر ذمہ داروں کے خلاف سخت قانونی کارروائی کی جائے۔
@ICT_Police
#IslamabadPolice #Justice #Islamabad #Pakistan
— Shahnawaz Khan (@shahnawazk33) November 15, 2026