وفاقی دارالحکومت میں شیشہ کیفے چلانے پر تاحکم ثانی مکمل پابندی عائد کردی گئی، ڈپٹی کمشنر اسلام آباد نے تمام اسسٹنٹ کمشنرز کو بلا تفریق کارروائی اور روزانہ انسپکشن کی ہدایت کردی
وفاقی وزیر صحت سید مصطفیٰ کمال نے پمز اسپتال میں 10 فیصد مریضوں سے علاج اور ٹیسٹوں کی فیس وصول کرنے کا نوٹس لے لیا، حکام سے مجموعی رقم کی تفصیلات طلب کرتے ہوئے کہا کہ ضرورت پڑی تو وزیراعظم سے بات کرکے یہ رقم بھی حکومت سے دلوائی جائے گی۔
وزیراعظم شہباز شریف نے اقوام متحدہ کے سیکرٹری جنرل کے امیدوار سفیر اولارا اوتونو سے ملاقات میں عالمی چیلنجز سے نمٹنے، کثیرالجہتی تعاون اور اقوام متحدہ کے مؤثر کردار کو مزید مضبوط بنانے پر زور دیا۔
اسلام آباد یونین آف جرنلسٹس کے زیر اہتمام عید میلاد النبی ﷺ کے سلسلے میں ایک روحانی اور پروقار محفل کا انعقاد کیا گیا، جس میں سینئر صحافیوں، یونین عہدیداران، صحافی برادری اور تاجر برادری نے شرکت کی۔ تقریب میں ختم قرآن، نعت خوانی، سیرت النبی ﷺ اور تعلیمات نبوی پر خطابات ہوئے جبکہ ملک و قوم، امت مسلمہ اور صحافی برادری کے لیے خصوصی دعائیں کی گئیں۔
جی ایچ کیو راولپنڈی میں ترک مسلح افواج کے یوم فتح کی 104ویں سالگرہ کے موقع پر پروقار تقریب منعقد ہوئی، جس میں پاکستان اور ترکیہ کے دیرینہ دفاعی و تزویراتی تعلقات کو اجاگر کیا گیا۔
پمز آتشزدگی کے واقعے کی عبوری تحقیقاتی رپورٹ وزیراعظم شہباز شریف کو پیش کردی گئی۔ رپورٹ کی روشنی میں 8 افراد کو فوری معطل کرکے محکمانہ اور فوجداری کارروائی کا حکم دیا گیا، جبکہ نیونیٹل وارڈ میں فائر سیفٹی کے ناقص انتظامات بھی سامنے آگئے۔
اسلام آباد انٹرنیشنل ایئرپورٹ پر مسافروں کی سہولت کے لیے پریمیم ’خوش آمدید‘ میٹ اینڈ گریٹ/کونسئیرج سروس شروع کردی گئی، جس میں بین الاقوامی آمد و روانگی کے لیے مخصوص کوریڈورز اور انتظار گاہیں شامل ہیں۔
وفاقی وزیر منصوبہ بندی احسن اقبال نے ہارورڈ بزنس اسکول کے طلبہ سے ملاقات میں نوجوانوں پر زور دیا کہ وہ غلط معلومات کا مقابلہ کریں اور معاشرے میں مثبت تبدیلی کے لیے اپنا مؤثر کردار ادا کریں۔
مشعال ملک اپنی بیٹی کے ہمراہ پمز ہسپتال پہنچیں، تاہم انتظامیہ کی جانب سے اندر جانے کی اجازت نہ ملنے پر انہوں نے احتجاج کیا اور سانحہ پمز پر حکومت سے جواب دہی کا مطالبہ کیا۔
فیلڈ مارشل سید عاصم منیر نے ہارورڈ بزنس اسکول کے طلبہ سے ملاقات میں نوجوانوں کو حقائق پر مبنی سوچ اپنانے پر زور دیتے ہوئے کہا کہ سوشل میڈیا پروپیگنڈے کے خلاف مثبت اور بامعنی کردار ضروری ہے۔
اسلام آباد کے پمز ہسپتال کے میٹرنل اینڈ چائلڈ ہیلتھ سینٹر میں خوفناک آتشزدگی کے نتیجے میں 14 نومولود بچے جاں بحق ہوگئے۔ واقعے کے بعد والدین اور لواحقین غم سے نڈھال ہیں اور اپنے بچوں کی میتیں حوالے کرنے کا مطالبہ کر رہے ہیں۔ پمز انتظامیہ اور عینی شاہدین کے بیانات میں نرسری کے دروازے اور عملے کی موجودگی سے متعلق اختلاف سامنے آیا ہے۔ وزیراعظم شہباز شریف نے واقعے کا نوٹس لیتے ہوئے اعلیٰ سطحی تحقیقات کا حکم دے دیا ہے۔
اسلام آباد کی سرحد یونیورسٹی میں طلبہ کے احتجاج کے دوران لیفٹیننٹ کرنل اسفندیار ولی کی جانب سے مبینہ طور پر ہوائی فائرنگ کا واقعہ پیش آیا۔ رپورٹس کے مطابق طلبہ اور یونیورسٹی کی ایک خاتون فیکلٹی ممبر کے درمیان تلخ کلامی کے بعد فوجی افسر موقع پر پہنچے۔ واقعے کے بعد پاک فوج نے افسر کے خلاف باقاعدہ انکوائری اور محکمانہ کارروائی شروع کردی ہے۔
راولپنڈی پولیس نے ٹیکسلا میں ٹک ٹاکر شمسو بی بی عرف عائشہ گلامنہ کے قتل کا معمہ حل کرنے کا دعویٰ کرتے ہوئے والد اور بھائی سمیت 5 ملزمان کو گرفتار کرلیا۔ ایس ایس پی آپریشنز طارق محبوب کے مطابق عائشہ کو مبینہ طور پر غیرت کے نام پر قتل کیا گیا اور واقعے میں اس کے قریبی رشتہ دار بھی ملوث ہیں۔
وفاقی حکومت نے پنجاب حکومت کی درخواست پر راولپنڈی میں پاکستان آرمی کی تین کمپنیوں کو چھ ماہ کے لیے تعینات کرنے کی منظوری دے دی۔ وزارت داخلہ کے مطابق فوجی دستے حساس سکیورٹی ڈیوٹیز انجام دیں گے اور کسی بھی غیر متوقع صورتحال سے نمٹنے کے لیے ضلعی انتظامیہ کی معاونت کریں گے۔
سی ڈی اے کی ڈیزائن ویٹنگ کمیٹی کے گزشتہ چار اجلاسوں میں 40 کمرشل بلڈنگ پلانز کا جائزہ لیا گیا، جن میں سے 23 کیسز منظور کرلیے گئے جبکہ 8 کیسز ضروری دستاویزات مکمل نہ ہونے پر واپس لے لیے گئے۔
سرکاری افسران کی قبل ازوقت ریٹائرمنٹ کا رجحان بڑھنے لگا، رواں سال صرف 5 ماہ میں 4 سینئر سرکاری افسران قبل ازوقت ریٹائر ہوگئے جبکہ گزشتہ 3 سال کے دوران 9 افسران نے مدت ملازمت مکمل ہونے سے پہلے ریٹائرمنٹ لی۔
نائب وزیر اعظم و وزیر خارجہ اسحاق ڈار کل سے 28 اگست تک برطانیہ کا سرکاری دورہ کریں گے، جہاں وہ برطانوی وزیر خارجہ، وزیر مملکت، دیگر اعلیٰ حکام، ارکان پارلیمنٹ اور پاکستانی کمیونٹی کے نمائندوں سے ملاقاتیں کریں گے۔
اسلام آباد میں کال سینٹرز سے گرفتار 671 غیر ملکیوں کو فارن بلیک لسٹ میں شامل کرنے کا فیصلہ کرلیا گیا۔ ایف آئی اے کے مطابق ملزمان دوبارہ پاکستان نہیں آسکیں گے جبکہ ان کے مقامی روابط کی بھی تحقیقات جاری ہیں۔
بانی پی ٹی آئی عمران خان کو طبی معائنے کے بعد پمز اسپتال سے واپس اڈیالا جیل منتقل کردیا گیا، جیل ذرائع کے مطابق انہیں سخت سکیورٹی میں لایا گیا اور سیل میں منتقل کردیا گیا۔
وزیراعظم شہباز شریف نے یوم آزادی کی اسلام آباد پریڈ میں آئی جی اسلام آباد اور چیف کمشنر کی شاہی بگھی میں سواری کا نوٹس لے لیا۔ سرکاری دستاویز کے مطابق وزیراعظم نے دونوں افسران کے طرز عمل پر ناراضی کا اظہار کیا اور انہیں سادگی برقرار رکھنے کی ہدایت کی گئی
وزیراعظم شہباز شریف نے شامی وزیر خارجہ اسعد حسن الشیبانی سے ملاقات میں شام کی خودمختاری، اتحاد اور علاقائی سالمیت کی حمایت کا اعادہ کیا، جبکہ صدر احمد الشرع کو پاکستان کے سرکاری دورے کی دعوت بھی دی۔
شامی وزیرخارجہ اسعد حسن الشیبانی نے اسحاق ڈار سے ملاقات کی، جس میں فلسطین، گولان کی پہاڑیوں، افغانستان، علاقائی صورتحال اور پاک شام تعاون پر اہم تبادلہ خیال کیا گیا۔
وفاقی کابینہ نے ڈیفینس فورسز ایکٹ 2026 اور نیشنل کمانڈ اتھارٹی ایکٹ 2010 میں ترمیم کی منظوری دے دی، دونوں مسودے پارلیمان میں منظوری کے لیے پیش کیے جائیں گے۔
شام کے وزیر خارجہ اعلیٰ سطح کے وفد کے ہمراہ اسلام آباد پہنچ گئے، دورے کے دوران پاکستان اور شام کے دوطرفہ تعلقات، باہمی تعاون اور علاقائی و عالمی امور پر اہم بات چیت ہوگی۔
وزیراعظم شہباز شریف نے ملک بھر کے کسٹمز بانڈڈ ویئر ہاؤسز کا 3 سالہ تھرڈ پارٹی آڈٹ کرانے اور غیر قانونی سرگرمیوں میں ملوث اہلکاروں کے خلاف سخت کارروائی کی ہدایت کردی۔
| فجر | 04:50 AM |
| طلوع آفتاب | 06:13 AM |
| ظہر | 11:53 AM |
| عصر | 03:06 PM |
| مغرب | 05:34 PM |
| عشاء | 06:57 PM |