بھارت نے پاکستان کو دریائے ستلج میں اونچے درجے کے سیلاب کی اطلاع دی ہے۔ فلڈ فورکاسٹنگ کے مطابق قصور، اوکاڑہ، پاکپتن اور بہاولنگر کے کئی دیہات زیرِ آب آ گئے ہیں۔ پی ڈی ایم اے نے ہنگامی الرٹ جاری کر دیا ہے۔
اسلام آباد میں 16 سالہ ٹک ٹاکر ثناء یوسف کے قتل کیس کا چالان عدالت میں جمع کرا دیا گیا۔ ملزم عمر حیات نے مجسٹریٹ کے سامنے جرم قبول کر لیا جبکہ پراسیکیوشن نے 31 گواہان شامل کر کے ٹرائل کی تیاری مکمل کر لی ہے۔ کیس نے پورے ملک میں شدید غم و غصہ پیدا کیا اور سوشل میڈیا پر "Justice for Sana” ٹرینڈ بن گیا۔
انسداد دہشت گردی عدالت نے رانا ثنا کے گھر حملے کے کیس کا فیصلہ سناتے ہوئے پی ٹی آئی رہنماؤں سمیت 59 ملزمان کو 10،10 سال قید اور 16 ملزمان کو 3 سال قید کی سزائیں سنائیں جبکہ 34 افراد کو بری کر دیا۔ یہ فیصلہ سیاسی منظرنامے میں نئی ہلچل کا باعث بن گیا ہے۔
پاکستان کرکٹ ٹیم کی قیادت میں بڑے پیمانے پر تبدیلی کا امکان، ذرائع کے مطابق ٹیسٹ کپتان شان مسعود اور ون ڈے کپتان محمد رضوان کی پوزیشن غیر یقینی ہو گئی ہے۔ پی سی بی میں قیادت کی تبدیلی پر مشاورت جاری ہے اور سعود شکیل و سلمان علی آغا کو نئے کپتانوں کے طور پر تجویز کیا جا رہا ہے۔
پاکستان میں مرکزی رویت ہلال کمیٹی نے اعلان کیا ہے کہ آج 24 اگست 2025 کو ملک کے کسی حصے میں ربیع الاوّل کا چاند نظر نہیں آیا۔ اس بنا پر پاکستان میں یکم ربیع الاوّل 26 اگست کو اور 12 ربیع الاوّل (عید میلاد النبی ﷺ) بروز ہفتہ 6 ستمبر 2025 کو منائی جائے گی۔
پاکستان میں مرکزی رویت ہلال کمیٹی کا اجلاس کراچی میں جاری ہے جبکہ سعودی عرب اور خلیجی ممالک میں ربیع الاول کے چاند کی رویت کی تصدیق ہو چکی ہے۔ سعودی حکومت کے مطابق 24 اگست 2025 کو یکم ربیع الاول ہوگا اور 12 ربیع الاول (4 ستمبر) کو عید میلاد النبی ﷺ منائی جائے گی۔ پاکستان میں موسم کے باعث رویت کا فیصلہ رات کو متوقع ہے۔
نائب وزیراعظم اور وزیر خارجہ اسحاق ڈار 25 اگست کو سعودی عرب روانہ ہوں گے جہاں وہ او آئی سی وزرائے خارجہ کے غیر معمولی اجلاس میں فلسطین کی موجودہ صورتحال پر پاکستان کا دوٹوک مؤقف پیش کریں گے۔
ڈھاکا میں نائب وزیراعظم و وزیر خارجہ اسحاق ڈار اور بنگلہ دیشی مشیر خارجہ کی ملاقات میں دونوں ممالک نے تعلقات کو مزید مستحکم کرنے اور تجارت، تعلیم، ثقافت اور خطے میں تعاون کو فروغ دینے پر اتفاق کیا۔
پاکستان شدید بارشوں اور سیلاب کی زد میں ہے۔ وزیراعظم شہباز شریف نے امدادی کارروائیاں تیز کرنے، متاثرین کی بحالی اور دریاؤں کے اطراف غیر قانونی تعمیرات کے خلاف قومی مہم شروع کرنے کی ہدایت کی ہے۔
چیئرمین پی سی بی اور وفاقی وزیر داخلہ محسن نقوی نے کہا ہے کہ پاکستان اب بھارت سے کرکٹ مذاکرات کے لیے درخواست نہیں کرے گا، بلکہ بات چیت صرف برابری کی بنیاد پر ہوگی۔ انہوں نے کرکٹ پالیسی، ٹیم کی تیاری اور ویمنز کرکٹ پر تفصیل سے روشنی ڈالی۔
