احتساب عدالت میں چوہدری شوگر ملز انکوائری بند کرنے کیلئے نیب کی درخواست پر سماعت مکمل ہونے کے بعد عدالت نے فیصلہ محفوظ کرلیا۔ مریم نواز اور نواز شریف کے وکیل نے دلائل مکمل کر دیے جبکہ نیب نے تفتیش بند ہونے کی بنیاد پر حتمی منظوری کی استدعا کی۔
اسلام آباد ہائی کورٹ میں بانی پی ٹی آئی کو اسپتال منتقل کرنے کی درخواست پر سماعت ہوئی، عدالت نے وکلا کو مزید تیاری کی ہدایت دیتے ہوئے کیس کی سماعت 12 مارچ تک ملتوی کر دی۔
پنجاب میں پنجاب بلدیاتی ایکٹ 2025 کے تحت بلدیاتی انتخابات کی تیاریاں تیز ہو گئی ہیں۔ لاہور میں 433 یونین کونسلز اور 9 ٹاؤن کارپوریشنز کے قیام کا نوٹیفکیشن جاری کر دیا گیا۔
جی ایچ کیو حملہ کیس سماعت ملتوی کر دی گئی، وڈیو لنک سسٹم غیر فعال ہونے کے باعث عدالت میں کارروائی نہ ہو سکی، عدالت نے آئندہ سماعت 24 مارچ کو مقرر کر دی۔
وزیر داخلہ محسن نقوی نے وزیراعظم شہباز شریف کو یورپی ممالک کے اجلاسوں اور پاکستانیوں کے لیے ورک پرمٹ کے اجراء پر پیشرفت سے آگاہ کیا۔
سپریم کورٹ نے بانی پی ٹی آئی کو ہسپتال منتقل کرنے کی درخواست پر اعتراضات عائد کرتے ہوئے واپس کر دی، چیف جسٹس یحییٰ آفریدی نے وکیل کو رجسٹرار سے رجوع کرنے کی ہدایت کر دی۔
اسلام آباد ہائی کورٹ نے 190 ملین پاؤنڈ کیس میں بانی پی ٹی آئی کی سزا معطلی درخواست جلد سماعت کے لیے منظور کرتے ہوئے کیس کو 11 مارچ کو سماعت کے لیے مقرر کر دیا۔
انسداد دہشت گردی عدالت نے 26 نومبر احتجاج کیس میں علیمہ خان کی مسلسل عدم حاضری پر برہمی کا اظہار کرتے ہوئے ان کے 15ویں مرتبہ ناقابل ضمانت وارنٹ گرفتاری جاری کر دیے ہیں۔ عدالت نے پولیس کو حکم دیا ہے کہ انہیں کل 25 فروری تک گرفتار کر کے پیش کیا جائے۔
خواجہ سعد رفیق کو دل کا دورہ پڑنے پر پی آئی سی منتقل کیا گیا، کامیاب انجیوپلاسٹی کے بعد ایک اسٹنٹ ڈال دیا گیا، طبیعت بہتر، اسپتال سے ڈسچارج۔
وزیراعلیٰ خیبرپختونخوا سہیل آفریدی کا عمران خان رہائی فورس قائم کرنے کا اعلان، عید کے بعد پشاور میں حلف، میڈیکل رپورٹ سپریم کورٹ میں جمع۔
